TITUS
Alexanderroman (Der Grosse Seelentrost): Part No. 131

Subchapter: 9._Eine_Jungfrau_und_ihre_Eltern 

9. Eine Jungfrau und ihre Eltern


Line: 3 
    Dat was eyn juncfruwe, de hadde eynen vader, dat was eyn gud ynnich man
Line: 4 
    vnde vruchtede god vnde ouede sijk an alle guden werken, vnde ere moder
Line: 5 
    de was bose. De gude man, ere vader, hadde grot vngelucke vnde plage an
Line: 6 
    syme lichamme, so andem houede, so an den oghen, so an den tenen, so an
Line: 7 
    der gicht, so an mannigerhande suke. Dijt warede lange tijd. To lesten
Line: 8 
    starff he. Do he dot was, do wart so grot vnwedder van donre vnde van blixem,
Line: 9 
    dat men ene kumme konde to graue bringen. Vnde er moder, de bose
Line: 10 
    was vnde vnkusch, de was to allen tijden gesunt vnde vor wol, vnde er nequam
Line: 11 
    neyn droffnisse tho wente in eren dot. Do se dot was, do was yd so schone
Line: 12 
    wedder vnde so lustich, dat es eynen mynschen lusten mochte, vnde se wart
Line: 13 
    begrauen myt groten eren. Do dijt de dochter sach, do beghan se to twiuelen,
Line: 14 
    weme se volgen wolde in ereme leuende, na dem male, dat er vader so grot
Line: 15 
    vngelucke hadde vnde er moder so grot gelucke. Do se hijr vp dachte, do wart
Line: 16 
    se genomen in eyme geiste vnde wart geuoret in de helle. Dar sach se ere moder
Line: 17 
    in alte groten pynen, de neyn tunge vulspreken mach noch neyn herte begripen.
Line: 18 
    Dar na wart se gebracht vor dat hemelrike. Dar sach se eren vader in groten
Line: 19 
    vrauden in deme kore der hilgen engele. Do bat se eren vader, dat se myt eme
Line: 20 
    dar moste bliuen. Do sprak he: ʼDochter, wultu hir komen, so schaltu myneme
Line: 21 
    leuende volgen. Volgestu dyner moder, so kumstu, dar din moder ys.ʼ Do
Line: 22 
    quam se wedder to sijk suluen vnde volgede ereme vader in eme guden
Line: 23 
    leuende. -- Kint leue, also schaltu dynen elderen volgen in allen guden dingen.
Line: 24 
    Noch wil ik dij eyn ander seggen:




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.