TITUS
Vetus Testamentum graece iuxta LXX interpretes
Part No. 456
Previous part

Chapter: 10_(20) 
Verse: 1    καὶ ἐν πᾶσι τούτοις ἡμεῖς διατιθέμεθα πίστιν καὶ γράϕομεν, καὶ ἐπισϕραγίζουσιν πάντες ἄρχοντες ἡμῶν, Λευῖται ἡμῶν, ἱερεῖς ἡμῶν.
Verse: 2    Καὶ ἐπὶ τῶν σϕραγιζόντων Νεεμιας υἱὸς Αχαλια καὶ Σεδεκιας
Verse: 3    υἱὸς Σαραια καὶ Αζαρια καὶ Ιερμια,
Verse: 4    Φασουρ, Αμαρια, Μελχια,
Verse: 5    Ατους, Σεβανι, Μαλουχ,
Verse: 6    Ιραμ, Μεραμωθ, Αβδια,
Verse: 7    Δανιηλ, Γαναθων, Βαρουχ,
Verse: 8    Μεσουλαμ, Αβια, Μιαμιν,
Verse: 9    Μααζια, Βελγαι, Σαμαια, οὗτοι ἱερεῖς·
Verse: 10    καὶ οἱ Λευῖται ᾽Ιησοῦς υἱὸς Αζανια, Βαναιου ἀπὸ υἱῶν Ηναδαδ, Καδμιηλ
Verse: 11    καὶ οἱ ἀδελϕοὶ αὐτοῦ, Σαβανια, Ωδουια, Καλιτα, Φελεϊα, Αναν,
Verse: 12    Μιχα, Ροωβ, Εσεβιας,
Verse: 13    Ζαχωρ, Σαραβια, Σεβανια,
Verse: 14    Ωδουια, υἱοὶ Βανουναι·
Verse: 15    ἄρχοντες τοῦ λαοῦ Φορος, Φααθμωαβ, Ηλαμ, Ζαθουια, υἱοὶ
Verse: 16    Βανι, Ασγαδ, Βηβαι,
Verse: 17    Εδανια, Βαγοι, Ηδιν,
Verse: 18    Ατηρ, Εζεκια, Αζουρ,
Verse: 19    Οδουια, Ησαμ, Βησι,
Verse: 20    Αριϕ, Αναθωθ, Νωβαι,
Verse: 21    Μαγαϕης, Μεσουλαμ, Ηζιρ,
Verse: 22    Μεσωζεβηλ, Σαδδουκ, Ιεδδουα,
Verse: 23    Φαλτια, Αναν, Αναια,
Verse: 24    Ωσηε, Ανανια, Ασουβ,
Verse: 25    Αλωης, Φαλαϊ, Σωβηκ,
Verse: 26    Ραουμ, Εσαβανα, Μαασαια
Verse: 27    καὶ Αϊα, Αιναν, Ηναν,
Verse: 28    Μαλουχ, Ηραμ, Βαανα.
Verse: 29    καὶ οἱ κατάλοιποι τοῦ λαοῦ, οἱ ἱερεῖς, οἱ Λευῖται, οἱ πυλωροί, οἱ ᾄδοντες, οἱ ναθινιμ καὶ πᾶς ὁ προσπορευόμενος ἀπὸ λαῶν τῆς γῆς πρὸς νόμον τοῦ θεοῦ, γυναῖκες αὐτῶν, υἱοὶ αὐτῶν, θυγατέρες αὐτῶν, πᾶς ὁ εἰδὼς καὶ συνίων,
Verse: 30    ἐνίσχυον ἐπὶ τοὺς ἀδελϕοὺς αὐτῶν, κατηράσαντο αὐτοὺς καὶ εἰσήλθοσαν ἐν ἀρᾷ καὶ ἐν ὅρκῳ τοῦ πορεύεσθαι ἐν νόμῳ τοῦ θεοῦ, ὃς ἐδόθη ἐν χειρὶ Μωυσῆ δούλου τοῦ θεοῦ, καὶ ϕυλάσσεσθαι καὶ ποιεῖν πάσας τὰς ἐντολὰς κυρίου ἡμῶν καὶ κρίματα αὐτοῦ
Verse: 31    καὶ τοῦ μὴ δοῦναι θυγατέρας ἡμῶν τοῖς λαοῖς τῆς γῆς, καὶ τὰς θυγατέρας αὐτῶν οὐ λημψόμεθα τοῖς υἱοῖς ἡμῶν.
Verse: 32    καὶ λαοὶ τῆς γῆς οἱ ϕέροντες τοὺς ἀγορασμοὺς καὶ πᾶσαν πρᾶσιν ἐν ἡμέρᾳ τοῦ σαββάτου ἀποδόσθαι, οὐκ ἀγορῶμεν παρ' αὐτῶν ἐν σαββάτῳ καὶ ἐν ἡμέρᾳ ἁγίᾳ. καὶ ἀνήσομεν τὸ ἔτος τὸ ἕβδομον καὶ ἀπαίτησιν πάσης χειρός.
Verse: 33    καὶ στήσομεν ἐϕ' ἡμᾶς ἐντολὰς δοῦναι ἐϕ' ἡμᾶς τρίτον τοῦ διδράχμου κατ' ἐνιαυτὸν εἰς δουλείαν οἴκου θεοῦ ἡμῶν
Verse: 34    εἰς ἄρτους τοῦ προσώπου καὶ θυσίαν τοῦ ἐνδελεχισμοῦ καὶ εἰς ὁλοκαύτωμα τοῦ ἐνδελεχισμοῦ τῶν σαββάτων, τῶν νουμηνιῶν, εἰς τὰς ἑορτὰς καὶ εἰς τὰ ἅγια, καὶ τὰ περὶ ἁμαρτίας ἐξιλάσασθαι περὶ Ισραηλ, καὶ εἰς ἔργα οἴκου θεοῦ ἡμῶν.
Verse: 35    καὶ κλήρους ἐβάλομεν περὶ κλήρου ξυλοϕορίας, οἱ ἱερεῖς καὶ οἱ Λευῖται καὶ ὁ λαός, ἐνέγκαι εἰς οἶκον θεοῦ ἡμῶν εἰς οἶκον πατριῶν ἡμῶν εἰς καιροὺς ἀπὸ χρόνων ἐνιαυτὸν κατ' ἐνιαυτόν, ἐκκαῦσαι ἐπὶ τὸ θυσιαστήριον κυρίου θεοῦ ἡμῶν, ὡς γέγραπται ἐν τῷ νόμῳ,
Verse: 36    καὶ ἐνέγκαι τὰ πρωτογενήματα τῆς γῆς ἡμῶν καὶ πρωτογενήματα καρποῦ παντὸς ξύλου ἐνιαυτὸν κατ' ἐνιαυτὸν εἰς οἶκον κυρίου
Verse: 37    καὶ τὰ πρωτότοκα υἱῶν ἡμῶν καὶ κτηνῶν ἡμῶν, ὡς γέγραπται ἐν τῷ νόμῳ, καὶ τὰ πρωτότοκα βοῶν ἡμῶν καὶ ποιμνίων ἡμῶν ἐνέγκαι εἰς οἶκον θεοῦ ἡμῶν τοῖς ἱερεῦσιν τοῖς λειτουργοῦσιν ἐν οἴκῳ θεοῦ ἡμῶν.
Verse: 38    καὶ τὴν ἀπαρχὴν σίτων ἡμῶν καὶ τὸν καρπὸν παντὸς ξύλου, οἴνου καὶ ἐλαίου οἴσομεν τοῖς ἱερεῦσιν εἰς γαζοϕυλάκιον οἴκου τοῦ θεοῦ· καὶ δεκάτην γῆς ἡμῶν τοῖς Λευίταις. καὶ αὐτοὶ οἱ Λευῖται δεκατοῦντες ἐν πάσαις πόλεσιν δουλείας ἡμῶν,
Verse: 39    καὶ ἔσται ὁ ἱερεὺς υἱὸς Ααρων μετὰ τοῦ Λευίτου ἐν τῇ δεκάτῃ τοῦ Λευίτου, καὶ οἱ Λευῖται ἀνοίσουσιν τὴν δεκάτην τῆς δεκάτης εἰς οἶκον θεοῦ ἡμῶν εἰς τὰ γαζοϕυλάκια εἰς οἶκον τοῦ θεοῦ.
Verse: 40    ὅτι εἰς τοὺς θησαυροὺς εἰσοίσουσιν οἱ υἱοὶ Ισραηλ καὶ οἱ υἱοὶ τοῦ Λευι τὰς ἀπαρχὰς τοῦ σίτου καὶ τοῦ οἴνου καὶ τοῦ ἐλαίου, καὶ ἐκεῖ σκεύη τὰ ἅγια καὶ οἱ ἱερεῖς οἱ λειτουργοὶ καὶ οἱ πυλωροὶ καὶ οἱ ᾄδοντες. καὶ οὐκ ἐγκαταλείψομεν τὸν οἶκον τοῦ θεοῦ ἡμῶν.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 23.1.2025. No parts of this document may be republished in any form without prior permission by the copyright holder.