TITUS Texts: Vetus Testamentum graece iuxta LXX interpretes

Chapter: 145
Verse: 1 Αλληλουια· Αγγαιου καὶ Ζαχαριου.
Αἴνει, ἡ ψυχή μου, τὸν κύριον.
Verse: 2 αἰνέσω κύριον ἐν ζωῇ μου,
ψαλῶ τῷ θεῷ μου, ἕως ὑπάρχω.
Verse: 3 μὴ πεποίθατε ἐπ' ἄρχοντας
καὶ ἐϕ' υἱοὺς ἀνθρώπων, οἷς οὐκ ἔστιν σωτηρία.
Verse: 4 ἐξελεύσεται τὸ πνεῦμα αὐτοῦ, καὶ ἐπιστρέψει εἰς τὴν γῆν αὐτοῦ·
ἐν ἐκείνῃ τῇ ἡμέρᾳ ἀπολοῦνται πάντες οἱ διαλογισμοὶ αὐτῶν.
Verse: 5 μακάριος οὗ ὁ θεὸς Ιακωβ βοηθός,
ἡ ἐλπὶς αὐτοῦ ἐπὶ κύριον τὸν θεὸν αὐτοῦ
Verse: 6 τὸν ποιήσαντα τὸν οὐρανὸν καὶ τὴν γῆν,
τὴν θάλασσαν καὶ πάντα τὰ ἐν αὐτοῖς,
τὸν ϕυλάσσοντα ἀλήθειαν εἰς τὸν αἰῶνα,
Verse: 7 ποιοῦντα κρίμα τοῖς ἀδικουμένοις,
διδόντα τροϕὴν τοῖς πεινῶσιν·
κύριος λύει πεπεδημένους,
Verse: 8 κύριος ἀνορθοῖ κατερραγμένους,
κύριος σοϕοῖ τυϕλούς,
κύριος ἀγαπᾷ δικαίους·
Verse: 9 κύριος ϕυλάσσει τοὺς προσηλύτους,
ὀρϕανὸν καὶ χήραν ἀναλήμψεται
καὶ ὁδὸν ἁμαρτωλῶν ἀϕανιεῖ.
Verse: 10 βασιλεύσει κύριος εἰς τὸν αἰῶνα,
ὁ θεός σου, Σιων, εἰς γενεὰν καὶ γενεάν.

This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 23.1.2025. No parts of this document may be republished in any form without prior permission by the copyright holder.