TITUS
Divyavadana
Part No. 15
Previous part

Chapter: 15 
********** Avadāna 15 **********

Page of edition: 122 
Line of edition: 1 
15 cakravartivyākr̥tāvadānam \


Line of edition: 2    buddʰo bʰagavāñ śrāvastyāṃ viharati jetavane 'nātʰapiṇḍadasyārāme \
Line of edition: 2    dʰarmatā kʰalu buddʰānāṃ bʰagavatāṃ jīvatāṃ dʰriyamāṇānām yāpayatāṃ keśanakʰastūpā bʰavanti \
Line of edition: 2    yadā buddʰā bʰagavantaḥ pratisamlīnā bʰavanti, tadā bʰikṣavaḥ keśanakʰastūpe pujāṃ kr̥tvā kecit puṇḍāya praviśanti, keciddʰyānavimokṣasamādʰisamāpattisukʰānyanubʰavanti \
Line of edition: 5    tena kʰalu samayena buddʰo bʰagavāṃs tatʰāgatamākārataḥ samanusmaraṃścittamabʰiprasādayati - ityapi sa bʰagavāṃstatʰāgato 'rhan samyakṣambuddʰo vidyācaraṇasampannaḥ sugato lokavidanuttaraḥ puruṣadamyasāritʰaḥ śāstā devamanuṣyāṇāṃ buddʰo bʰagavāniti \
Line of edition: 9    atʰa bʰagavān sāyāhṇe pratisamlayanādvyuttʰāya purastādbʰikṣusaṃgʰasya prajñapta evāsane niṣaṇṇaḥ \
Line of edition: 10    adrākṣīdbʰagavāṃstaṃ bʰikṣuṃ keśanakʰastūpe sarvaśarīreṇa praṇipatya cittamabʰiprasādayantam \
Line of edition: 11    dr̥ṣṭvā ca punarbʰikṣūnāmantrayate sma - paśyata yūyaṃ bʰikṣava etaṃ bʰikṣuṃ keśanakʰastūpe sarvaśarīreṇa praṇipatya cittamabʰiprasādayantam? evaṃ bʰadanta \
Line of edition: 12    anena bʰikṣuṇā yāvatī bʰūmirākrāntā adʰo 'śītiyojanasahasrāṇi yāvat kāñcanacakramityatrāntarā yāvatyo vālukāstāvantyanena bʰikṣuṇā cakravartirājyasahasrāṇi paribʰoktavyāni \
Line of edition: 14    atʰa teṣāṃ bʰikṣūṇāmetadabʰavat - puruṣamātrāyām yāvadgartāyāṃ na śakyate vālukā gaṇayitum, kr̥taḥ punaraśītiyojanasahasrāṇi yāvat kāñcanacakramiti \
Line of edition: 16    kaḥ śakyate iyatkālaṃ saṃsāre saṃsaritumiti \
Line of edition: 16    atʰa te bʰikṣavo na bʰūyaḥ keśanakʰastūpe kārāṃ kartumārabdʰāḥ \
Line of edition: 17    atʰa bʰagavāṃsteṣāṃ bʰikṣūṇāṃ cetasā cittamājñāya bʰikṣūnāmantrayate sma - anavarāgro bʰikṣavaḥ saṃsāro 'vidyānīvaraṇānāṃ sattvānāṃ tuṣṇāsamyojanānāṃ tr̥ṣṇārgalabaddʰānāṃ dīrgʰamadʰvānaṃ saṃdʰāvatāṃ saṃsaratām \
Line of edition: 19    pūrvā koṭtir na prajñāyate duḥkʰasya \
Line of edition: 20    āyuṣmānupālī buddʰaṃ bʰagavantaṃ papraccʰa - yaduktaṃ bʰagavatā asya bʰikṣoriyatpuṇyaskandʰa iti, kutra bʰadanta iyatpuṇyaskandʰastanutvaṃ parikṣayaṃ paryādānaṃ gamiṣyati? nāhamupālinn ito bahiḥ samanupaśyāmyeva kṣatiṃ copahatiṃ ca yatʰā sabrahmacārī sabrahmacāriṇo 'ntike \
Line of edition: 23    tatropālinn imāni mahānti kuśalamūlāni tanutvaṃ parikṣayaṃ paryādānaṃ gaccʰanti \
Line of edition: 23    tasmāttarhi te upālinn evaṃ śikṣitavyam, yaddagdʰastʰūṇāyā api cittaṃ na pradūṣayiṣyāmaḥ, prāgeva savijñānake kāye \\
Line of edition: 26    idamavocadbʰagavān \
Line of edition: 26    āttamanasaste bʰikṣavo 'bʰyanandan \\

Line of edition: 27    iti śrīdivyāvadāne anyatamabʰikṣuścakravartivyākr̥taḥ pañcadaśamam \\




Next part


This text is part of the TITUS edition of Divyavadana.

Copyright TITUS Project, Frankfurt a/M, 5.8.2012. No parts of this document may be republished in any form without prior permission by the copyright holder.