TITUS
Divyavadana
Part No. 16
Previous part

Chapter: 16 
********** Avadāna 16 **********

Page of edition: 123 
Line of edition: 1 
16 śukapotakāvadānam \


Line of edition: 2    śrāvastyāṃ nidānam \
Line of edition: 2    tena kʰalu samayena anātʰapiṇḍadena gr̥haptinā dvau śukaśāvakau pratilabdʰau \
Line of edition: 3    tena niveśanaṃ nītvā ālāpitau poṣitau saṃvardʰitau mānuṣālāpaṃ ca śikṣāpitau \
Line of edition: 4    tayoścāyuṣmānānando 'bʰīkṣṇamāgatya caturāryasatyasamprativedʰikīṃ dʰarmadeśanāṃ karoti - yaduta idaṃ duḥkʰam, ayaṃ duḥkʰasamudayaḥ, ayaṃ duḥkʰanirodʰaḥ, iyaṃ duḥkʰanirodʰagāminī pratipaditi \
Line of edition: 5    stʰavirastʰavirā api bʰikṣavo 'nātʰapiṇḍadasya gr̥hapater niveśanamupasaṃkrāmanti śāriputramaudgalyāyanakāśyapānandaraivataprabʰr̥tayaḥ \
Line of edition: 7    teṣāṃ kālānukālamupasaṃkrāmatāṃ tābʰyāṃ śukaśāvakābʰyāṃ nāmāni parijñātāni \
Line of edition: 8    yāvadapareṇa samayenāyuṣmāñ śāriputro 'nātʰapiṇḍadasya gr̥hapater niveśanamanuprāptaḥ \
Line of edition: 11    adrāṣṭāṃ tau śukaśāvakau āyuṣmantaṃ śāriputram \
Line of edition: 9    dr̥ṣṭvā antarjanamāmantrayataḥ - eṣa bʰadantaḥ stʰaviraḥ śāriputra āgaccʰati, āsanamasya prajñāpayateti \
Line of edition: 10    evamāyuṣmantaṃ mahāmaudgalyāyanaṃ kāśyapaṃ raivatamāyuṣmantamānandaṃ dr̥ṣṭvā katʰayataḥ - eṣo 'smākamācāryānanda āgaccʰati, āsanamasya prajñāpayateti \
Line of edition: 12    yāvadapareṇa samayena bʰagavānanātʰapiṇḍadasya gr̥hapater niveśanamanuprāptaḥ \
Line of edition: 12    adrāṣṭāṃ tau śukaśāvakau bʰagavantaṃ dūrādevāgaccʰantaṃ prāsādikaṃ prasādanīyaṃ śāntendriyaṃ śāntamānasaṃ parameṇa cittamatyupaśamena samanvāgataṃ suvarṇayūpamiva śriyā jvalantam \
Line of edition: 14    dr̥ṣṭvā ca punastvaritatvaritamantarjanamāmantrayataḥ - eṣa bʰadanto bʰagavānāgaccʰati, āsanamasya prajñāpayateti hr̥ṣṭamadʰurasvareṇa nikūjataḥ \
Line of edition: 16    atʰa bʰagavāṃstayoranugrahārtʰaṃ praviśya prajñapta evāsane niṣaṇṇaḥ \
Line of edition: 16    niṣadya bʰagavatā śukaśāvakau caturāryasatyasamprativedʰikayā dʰarmadeśanayā śaraṇagamanaśikṣāpadeṣu pratiṣṭʰāpitau \
Line of edition: 18    atʰa bʰagavāñ śukaśāvakau antarjanaṃ ca dʰarmyayā katʰayā saṃdarśya samādāpya samuttejya saṃpraharṣyottʰāyāsanāt prakrāntaḥ \
Line of edition: 19    tau cāntarjanasya viharataḥ pramādavihāriṇau biḍālena prāṇinā gr̥hītau \
Line of edition: 20    vihvalavadanau ccʰidyamāneṣu marmasu mucyamāneṣu saṃdʰiṣu namo buddʰāya, namo dʰarmāya, namaḥ saṃgʰāyetyuktvā kālagatau cāturmahārājakāyikeṣu deveṣūpapannau \\
Line of edition: 22    atʰa bʰagavānanyatamasmin pradeśe smitamakārṣīt \
Line of edition: 22    adrākṣīdāyuṣmānānando bʰagavantaṃ smitaṃ prāviṣkurvantam \
Line of edition: 23    dr̥ṣṭvā ca punarbʰagavantamidamavocat - nāhetupratyayaṃ bʰadanta tatʰāgatā arhantaḥ samyakṣambuddʰāḥ smitaṃ prāviṣkurvanti \
Line of edition: 24    ko bʰadanta hetuḥ kaḥ pratyayaḥ smitasya prāviṣkaraṇe? evametadānanda, evametat \
Line of edition: 25    nāhetupratyayaṃ tatʰāgatā arhantaḥ samyakṣambuddʰāḥ smitaṃ prāviṣkurvanti \
Line of edition: 26    dr̥ṣṭau tvayā ānanda tau śukaśāvakau? dr̥ṣṭau bʰadanta \
Line of edition: 26    tau ānanda śukaśāvakau mama samanantaraprakrāntasya biḍālena prāṇinā jīvitād vyaparopitau \
Line of edition: 27    tau buddʰadʰarmasaṃgʰāvalambanayā smr̥tyā kālagatau cāturmahārājakāyikeṣu deveṣūpapannau \\
Line of edition: 29    atʰa saṃbahulā bʰikṣavaḥ pūrvāhṇe nivāsya pātracīvaramādāya śrāvastīṃ piṇḍāya prāvikṣan \
Line of edition: 30    aśrauṣuḥ saṃbahulā bʰikṣavaḥ śrāvastīṃ piṇḍāya pracaranto 'nātʰapiṇḍadasya gr̥hapater niveśane śukaśāvakau - namo buddʰāya, namo dʰarmāya, namaḥ saṃgʰāyeti biḍālena prāṇinā vyaparopitau <124> iti \
Page of edition: 124  Line of edition: 1    śrutvā ca punaḥ śrāvastīṃ piṇḍāya caritvā kr̥tabʰaktakr̥tyāḥ paścādbʰaktapiṇḍapātapratikrāntāḥ pātracīvaraṃ pratisāmayya pādau prakṣālya yena bʰagavāṃstenopasaṃkrāntāḥ \
Line of edition: 2    upasaṃkramya bʰagavataḥ pādau śirasā vanditvā ekānte niṣaṇṇāḥ \
Line of edition: 3    ekāntaniṣaṇṇāḥ saṃbahulā bʰikṣavo bʰagavantamidamavocan - iha vayaṃ bʰadanta saṃbahulā bʰikṣavaḥ pūrvavad yāvadanātʰapiṇḍadasya gr̥hapater niveśane dvau śukaśāvakau - namo buddʰāya, namo dʰarmāya, namaḥ saṃgʰāyeti kurvāṇau biḍālena prāṇinā jīvitādvyaparopitau iti \
Line of edition: 6    tayorbʰadanta kā gatiḥ, kopapattiḥ, ko 'bʰisamparāyah? bʰagavānāha - tau bʰikṣavaḥ śukaśāvakau tasya śaraṇagamanasya vipākena ṣaṭtriṃśatkr̥tvaścāturmahārājakāyikeṣu deveṣūpapatsyete, ṣaṭtriṃśatkr̥tvastrāyastriṃśeṣu, yāmeṣu, tuṣiteṣu, nirmāṇaratiṣu, paranirmitavaśavartiṣu deveṣūpapastyete \
Line of edition: 9    tatastāvat ṣaṭsu kāmāvacareṣu deveṣu sattvā vyapasaṃsr̥tya paścime bʰave paścime nikete paścime ātmabʰāvapratilambʰe manuṣyapratilābʰaṃ labdʰvā pratyekāṃ bodʰimabʰisambʰotsyete, dʰarmaśca sudʰarmaśca pratyekabuddʰau bʰaviṣyataḥ \
Line of edition: 11    evaṃ hi bʰikṣavo mahāpʰalaṃ dʰarmaśravaṇaṃ mahānuśaṃsakam, kaḥ punarvādo dʰarmadeśanā dʰarmābʰisamayo vā \
Line of edition: 12    tasmāttarhi bʰikṣava evaṃ śikṣitavyam yanno dʰarmaśravaṇābʰiratā bʰaviṣyāmaḥ \
Line of edition: 13    ityevaṃ vo bʰikṣavaḥ śikṣitavyam \\
Line of edition: 14    idamavocadbʰagavān \
Line of edition: 14    ātamanasaste bʰikṣavo bʰagavato bʰāṣitamabʰyanandan \\

Line of edition: 15    iti śrīdivyāvadāne śukapotakāvadānaṃ ṣoḍaśam \\




Next part


This text is part of the TITUS edition of Divyavadana.

Copyright TITUS Project, Frankfurt a/M, 5.8.2012. No parts of this document may be republished in any form without prior permission by the copyright holder.