TITUS
Kalidasa, Kumarasambhava
Part No. 8
Previous part

Sanga: 8  

Metre: R    (ratʰoddʰatā)

Strophe: 1  
Verse: ab     pāṇipīḍanavidʰer anantaraṃ śailarājaduhitur haraṃ prati
   pāṇi-pīḍana-vidʰes~ an-antaram~ / śaila-rāja-duhitur haram~ prati

Verse: cd     bʰāvasādʰvasaparigrahād abʰūt kāmadohadamanoharaṃ vapuḥ
   (Var.: ... / kāmadohadasukʰaṃ manoharam)
   bʰāva-sādʰvasa-parigrahāt~ abʰūt / kāma-dohada-manas=haram~ vapus~
   (Var.: ... / kāma-dohada-sukʰam~ manas=haram)

Strophe: 2  
Verse: ab     vyāhr̥tā prativaco na sandadʰe gantum aicchad avalambitāṃśukā
   vyāhr̥tā prativacas~ na sandadʰe / gantum aicchat~ avalambita=aṃśukā

Verse: cd     sevate sma śayanaṃ parāṅmukʰī sā tatʰā 'pi rataye pinākinaḥ
   sevate sma śayanam~ parāk=mukʰī / sā tatʰā ~api rataye pinākinas~

Strophe: 3  
Verse: ab     kaitavena śayite kutūhalāt pārvatī pratimukʰaṃ nipātitam
   kaitavena śayite kutūhalāt / pārvatī prati-mukʰam~ nipātitam

Verse: cd     cakṣur unmiṣati sasmitaṃ priye vidyudāhatam iva nyamīlayat
   cakṣus~ unmiṣati sa-smitam~ priye / vidyut=āhatam iva nyamīlayat

Strophe: 4  
Verse: ab     nābʰideśanihitaḥ sakampayā śaṅkarasya rurudʰe tayā karaḥ
   nābʰi-deśa-nihitas~ sa-kampayā / śaṅkarasya rurudʰe tayā karas~

Verse: cd     taddukūlam atʰa cābʰavat svayaṃ dūram ucchvasitanīvibandʰanam
   tad-dukūlam atʰa ca~ abʰavat svayam~ / dūram ucchvasita-nīvi-bandʰanam

Strophe: 5  
Verse: ab     evam āli nigr̥hītasādʰvasaṃ śaṅkaro rahasi sevyatām iti
   evam āli nigr̥hīta-sādʰvasam~ / śaṅkaras~ rahasi sevyatām iti

Verse: cd     sā sakʰībʰir upadiṣṭam ākulā nāsmarat pramukʰavartini priye
   sā sakʰībʰis~ upadiṣṭam ākulā / na~ asmarat pramukʰa-vartini priye

Strophe: 6  
Verse: ab     apy avastuni katʰāpravr̥ttaye praśnatatparam anaṅgaśāsanam
   api~ a-vastuni katʰā-pravr̥ttaye / praśna-tad=param an-aṅga-śāsanam

Verse: cd     vīkṣitena parigr̥hya pārvatī mūrdʰakampam ayam uttaraṃ dadau
   vīkṣitena parigr̥hya pārvatī / mūrdʰa-kampam ayam uttaram~ dadau

Strophe: 7  
Verse: ab     śūlinaḥ karataladvayena sā saṃnirudʰya nayane hr̥tāṃśukā
   śūlinas~ kara-tala-dvayena sā / saṃnirudʰya nayane hr̥ta=aṃśukā

Verse: cd     tasya paśyati lalāṭalocane mogʰayatnavidʰurā rahasy abʰūt
   tasya paśyati lalāṭa-locane / mogʰa-yatna-vidʰurā rahasi~ abʰūt

Strophe: 8  
Verse: ab     cumbaneṣv adʰaradānavarjitaṃ sannahastam adayopagūhane
   cumbaneṣu~ adʰara-dāna-varjitam~ / sanna-hastam a-daya=upagūhane

Verse: cd     kliṣṭamanmatʰam api priyaṃ prabʰor durlabʰapratikr̥taṃ vadʰūratam
   kliṣṭa-manmatʰam api priyam~ prabʰos~ / durlabʰa-pratikr̥tam~ vadʰū-ratam

Strophe: 9  
Verse: ab     yan mukʰagrahaṇam akṣatādʰaraṃ dattam avraṇapadaṃ nakʰaṃ ca yat
   yat~ mukʰa-grahaṇam a-kṣata=ādʰaram~ / dattam a-vraṇa-padam~ nakʰam~ ca yat

Verse: cd     yad rataṃ ca sadayaṃ priyasya tat pārvatī viṣahate sma netarat
   yat~ ratam~ ca sa-dayam~ priyasya tat / pārvatī viṣahate sma na~ itarat

Strophe: 10  
Verse: ab     rātrivr̥ttam anuyoktum udyataṃ sā vibʰātasamaye sakʰījanam
   rātri-vr̥ttam anuyoktum udyatam~ / sā vibʰāta-samaye sakʰī-janam

Verse: cd     nākarod apakutūhalaṃ hriyā śaṃsituṃ ca hr̥dayena tatvare
   na~ akarot~ apa-kutūhalam~ hriyā / śaṃsitum~ ca hr̥dayena tatvare

Strophe: 11  
Verse: ab     darpaṇe ca paribʰogadarśinī pr̥ṣṭʰataḥ praṇayino niṣeduṣaḥ
   darpaṇe ca paribʰoga-darśinī / pr̥ṣṭʰatas~ praṇayinas~ niṣeduṣas~

Verse: cd     prekṣya bimbam anubimbam ātmanaḥ kāni kāni na cakāra lajjayā
   prekṣya bimbam anu-bimbam ātmanas~ / kāni kāni na cakāra lajjayā

Strophe: 12  
Verse: ab     nīlakaṇṭʰaparibʰuktayauvanāṃ tāṃ vilokya jananī samāśvasat
   nīla-kaṇṭʰa-paribʰukta-yauvanām~ / tām~ vilokya jananī samāśvasat

Verse: cd     bʰartr̥vallabʰatayā hi mānasīṃ mātur asyati śucaṃ vadʰūjanaḥ
   bʰartr̥-vallabʰatayā hi mānasīm~ / mātur asyati śucam~ vadʰū-janas~

Strophe: 13  
Verse: ab     vāsarāṇi katicit katʰañcana stʰāṇunā ratam akāri cānayā
   (Var.: ... / ... padam akāryata priyā)
   vāsarāṇi kati-cit katʰam=cana / stʰāṇunā ratam akāri ca~ anayā
   (Var.: ... / ... padam akāryata priyā)

Verse: cd     jñātamanmatʰarasā śanaiḥ śanaiḥ sā mumoca ratiduḥkʰaśīlatām
   jñāta-manmatʰa-rasā śanais~ śanais~ / sā mumoca rati-duḥkʰa-śīlatām

Strophe: 14  
Verse: ab     sasvaje priyam uronipīḍitā prārtʰitaṃ mukʰam anena nāharat
   sasvaje priyam uras=nipīḍitā / prārtʰitam~ mukʰam anena na~ aharat

Verse: cd     mekʰalāpraṇayalolatāṃ gataṃ hastam asya śitʰilaṃ rurodʰa sā
   (Var.: mekʰalāpanayalolatāṃ ... /)
   mekʰalā-praṇaya-lolatām~ gatam~ / hastam asya śitʰilam~ rurodʰa sā
   (Var.: mekʰalā-panaya-lolatām~ .../)

Strophe: 15  
Verse: ab     bʰāvasūcitam adr̥ṣṭavipriyaṃ cāṭumat kṣaṇaviyogakātaram
   bʰāva-sūcitam a-dr̥ṣṭa-vipriyam~ / cāṭumat kṣaṇa-viyoga-kātaram

Verse: cd     kaiścid eva divasais tadā tayoḥ prema rūḍʰam itaretarāśrayam
   (Var.: ... divasair abʰūt tayoḥ /)
   kais=cit~ eva divasais tadā tayos~ / prema rūḍʰam itara=itara=āśrayam
   (Var.: ... divasais~ abʰūt tayos~ /)

Strophe: 16  
Verse: ab     taṃ yatʰātmasadr̥śaṃ varaṃ vadʰūr anvarajyata varas tatʰaiva tām
   tam~ yatʰā~ ātma-sa-dr̥śam~ varam~ vadʰūs~ / anvarajyata varas tatʰā~ eva tām

Verse: cd     sāgarād anapagā hi jāhnavī so 'pi tanmukʰarasaikanirvr̥tiḥ
   sāgarāt~ an-apagā hi jāhnavī / sas~ api tad=mukʰa-rasa=eka-nirvr̥tis~

Strophe: 17  
Verse: ab     śiṣyatāṃ nidʰuvanopadeśinaḥ śaṅkarasya rahasi prapannayā
   śiṣyatām~ nidʰuvana=upadeśinas~ / śaṅkarasya rahasi prapannayā

Verse: cd     śikṣitaṃ yuvatinaipuṇaṃ tayā yat tad eva gurudakṣiṇīkr̥tam
   śikṣitam~ yuvati-naipuṇam~ tayā / yat tat~ eva guru-dakṣiṇī-kr̥tam

Strophe: 18  
Verse: ab     daṣṭamuktam adʰaroṣṭʰam ambikā vedanāvidʰutahastapallavā
   daṣṭa-muktam adʰara=oṣṭʰam ambikā / vedanā-vidʰuta-hasta-pallavā

Verse: cd     śītalena niravāpayat kṣaṇaṃ maulicandraśakalena śūlinaḥ
   śītalena niravāpayat kṣaṇam~ / mauli-candra-śakalena śūlinas~

Strophe: 19  
Verse: ab     cumbanād alakacūrṇadūṣitaṃ śaṅkaro 'pi nayanaṃ lalāṭajam
   cumbanāt~ alaka-cūrṇa-dūṣitam~ / śaṅkaras~ api nayanam~ lalāṭa-jam

Verse: cd     ucchvasatkamalagandʰaye dadau pārvatīvadanagandʰavāhine
   ucchvasat-kamala-gandʰaye dadau / pārvatī-vadana-gandʰa-vāhine

Strophe: 20  
Verse: ab     evam indriyasukʰasya vartmanaḥ sevanād anugr̥hītamanmatʰaḥ
   evam indriya-sukʰasya vartmanas~ / sevanāt~ anugr̥hīta-manmatʰas~

Verse: cd     śailarājabʰavane sahomayā māsamātram avasad vr̥ṣadʰvajaḥ
   śaila-rāja-bʰavane saha~ umayā / māsa-mātram avasat~ vr̥ṣa-dʰvajas~

Strophe: 21  
Verse: ab     so 'numānya himavantam ātmabʰūr ātmajāvirahaduḥkʰapīḍitam
   sas~ anumānya himavantam ātma-bʰūs~ / ātma-jā-viraha-duḥkʰa-pīḍitam

Verse: cd     tatra tatra vijahāra saṃpatann aprameyagatinā kakudmatā
   (Var.: saṃcarann)
   tatra tatra vijahāra saṃpatan~ / a-prameya-gatinā kakudmatā
   (Var.: saṃcaran~)

Strophe: 22  
Verse: ab     merum etya marudāśugokṣakaḥ pārvatīstanapuraskr̥tān kr̥tī
   (Var.: ... marudāśuvāhanaḥ /)
   (Var.: / ... -puraskr̥taḥ ...)
   merum etya marut=āśu-go=ukṣakas~ / pārvatī-stana-puras-kr̥tān kr̥tī
   (Var.: ... -vāhanas~ /)
   (Var.: / ... -puras-kr̥taḥ ...)

Verse: cd     hemapallavavibʰaṅgasaṃstarān anvabʰūt suratamardanakṣamān
   (Var.: ... -saṃstarām /)
   (Var.: / ... suratatatparaḥ kṣapām)
   hema-pallava-vibʰaṅga-saṃstarān / anvabʰūt su-rata-mardana-kṣamān
   (Var.: ... / ... suratatatparas~ kṣapām)

Strophe: 23  
Verse: ab     padmanābʰacaraṇāṅkitāśmasu prāptavatsv amr̥tavipruṣo navāḥ
   (Var.: padmanābʰavalayāṅkitāśmasu /)
   padma-nābʰa-caraṇa=aṅkita=aśmasu / prāptavatsu~ a-mr̥ta-vipruṣas~ navās~
   (Var.: padma-nābʰa-valaya=aṅkita=aśmasu /)

Verse: cd     mandarasya kaṭakeṣu cāvasat pārvatīvadanapadmaṣaṭpadaḥ
   mandarasya kaṭakeṣu ca~ avasat / pārvatī-vadana-padma-ṣaṭ-padas~

Strophe: 24  
Verse: ab     vāraṇadʰvanitabʰītayā tayā kaṇṭʰasaktagʰanabāhubandʰanaḥ
   (Var.: rāvaṇadʰvanitabʰītayā ... /)
   (Var.: / kaṇṭʰasaktamr̥dubāhubandʰanaḥ)
   vāraṇa-dʰvanita-bʰītayā tayā / kaṇṭʰa-sakta-gʰana-bāhu-bandʰanas~
   (Var.: rāvaṇa-dʰvanita- ... /)
   (Var.: / ... -mr̥du-bāhu-bandʰanas~)

Verse: cd     ekapiṅgalagirau jagadgurur nirviveśa viśadāḥ śaśiprabʰāḥ
   eka-piṅgala-girau jagat=gurus~ / nirviveśa viśadās~ śaśi-prabʰās~

Strophe: 25  
Verse: ab     tasya jātu malayastʰalīrater dʰūtacandanalataḥ priyāklamam
   tasya jātu malaya-stʰalī-rates~ / dʰūta-candana-latas~ priyā-klamam

Verse: cd     ācacāma salavaṅgakesaraś cāṭukāra iva dakṣiṇānilaḥ
   ācacāma sa-lavaṅga-kesaras~ / cāṭu-kāras~ iva dakṣiṇa=anilas~

Strophe: 26  
Verse: ab     hematāmarasatāḍitapriyā tatkarāmbuvinimīlitekṣaṇā
   hema-tāmarasa-tāḍita-priyā / tad=kara=ambu-vinimīlita=īkṣaṇā

Verse: cd     kʰe vyagāhata taraṅgiṇīm umā mīnapaṅktipunaruktamekʰalā
   kʰe vyagāhata taraṅgiṇīm umā / mīna-paṅkti-punar-ukta-mekʰalā

Strophe: 27  
Verse: ab     tāṃ pulomatanayālakocitaiḥ pārijātakusumaiḥ prasādʰayan
   tām~ puloma-tanayā-alaka=ucitais~ / pārijāta-kusumais~ prasādʰayan

Verse: cd     nandane ciram ayugmalocanaḥ saspr̥haṃ suravadʰūbʰir īkṣitaḥ
   nandane ciram a-yugma-locanas~ / sa-spr̥ham~ sura-vadʰūbʰis~ īkṣitas~

Strophe: 28  
Verse: ab     ity abʰaumam anubʰūya śaṅkaraḥ pārtʰivaṃ ca dayitāsakʰaḥ sukʰam
   (Var.: ... / ... vanitāsakʰaḥ ...)
   ity a-bʰaumam anubʰūya śaṅkaras~ / pārtʰivam~ ca dayitā-sakʰas~ sukʰam
   (Var.: ... / ... vanitā-sakʰas~ ...)

Verse: cd     lohitāyati kadācid ātape gandʰamādanagiriṃ vyagāhata
   (Var.: nyavartata)
   lohitāyati kadā-cit~ ātape / gandʰa-mādana-girim~ vyagāhata

Strophe: 29  
Verse: ab     tatra kāñcanaśilātalāśrayo netragamyam avalokya bʰāskaram
   tatra kāñcana-śilā-tala=āśrayas~ / netra-gamyam avalokya bʰās-karam

Verse: cd     dakṣiṇetarabʰujavyapāśrayāṃ vyājahāra sahadʰarmacāriṇīm
   dakṣiṇa=itara-bʰuja-vyapāśrayām~ / vyājahāra saha-dʰarma-cāriṇīm

Strophe: 30  
Verse: ab     padmakāntim aruṇatribʰāgayoḥ saṃkramayya tava netrayor iva
   padma-kāntim aruṇa-tri-bʰāgayos~ / saṃkramayya tava netrayos~ iva

Verse: cd     saṃkṣaye jagad iva prajeśvaraḥ saṃharaty ahar asāv aharpatiḥ
   saṃkṣaye jagat~ iva prajā=īśvaras~ / saṃharati~ ahar asau~ ahar-patis~

Strophe: 31  
Verse: ab     sīkaravyatikaraṃ marīcibʰir dūrayaty avanate vivasvati
   sīkara-vyatikaram~ marīcibʰis~ / dūrayati~ avanate vivasvati

Verse: cd     indracāpapariveṣaśūnyatāṃ nirjʰarās tava pitur vrajanty amī
   indra-cāpa-pariveṣa-śūnyatām~ / nirjʰarās tava pitur vrajanti~ amī

Strophe: 32  
Verse: ab     daṣṭatāmarasakesaratyajoḥ krandator viparivr̥ttakaṇṭʰayoḥ
   daṣṭa-tāmarasa-kesara-tyajos~ / krandatos~ viparivr̥tta-kaṇṭʰayos~

Verse: cd     nigʰnayoḥ sarasi cakravākayor alpam antaram analpatāṃ gatam
   nigʰnayos~ sarasi cakra-vākayos~ / alpam antaram an-alpatām~ gatam

Strophe: 33  
Verse: ab     stʰānam āhnikam apāsya dantinaḥ sallakīviṭapabʰaṅgavāsitam
   stʰānam āhnikam apāsya dantinas~ / sallakī-viṭapa-bʰaṅga-vāsitam

Verse: cd     āvibʰātacaraṇāya gr̥hṇate vāri vāriruhabaddʰaṣaṭpadam
   ā-vibʰāta-caraṇāya gr̥hṇate / vāri vāri-ruha-baddʰa-ṣaṭ-padam

Strophe: 34  
Verse: ab     paśya paścimadigantalambinā nirmitaṃ mitakatʰe vivasvatā
   paśya paścima-dik=anta-lambinā / nirmitam~ mita-katʰe vivasvatā

Verse: cd     dīrgʰayā pratimayā sarombʰasāṃ tāpanīyam iva setubandʰanam
   dīrgʰayā pratimayā saras=ambʰasām~ / tāpanīyam iva setu-bandʰanam

Strophe: 35  
Verse: ab     uttaranti vinikīrya palvalaṃ gāḍʰapaṅkam ativāhitātapāḥ
   uttaranti vinikīrya palvalam~ / gāḍʰa-paṅkam ati-vāhita=ātapās~

Verse: cd     daṃṣṭriṇo vanavarāhayūtʰapā daṣṭabʰaṅgurabisāṅkurā iva
   daṃṣṭriṇas~ vana-varāha-yūtʰa-pās~ / daṣṭa-bʰaṅgura-bisa=aṅkurās~ iva

Strophe: 36  
Verse: ab     eṣa vr̥kṣaśikʰare kr̥tāspado jātarūparasagauramaṇḍalaḥ
   eṣa vr̥kṣa-śikʰare kr̥ta=āspadas~ / jāta-rūpa-rasa-gaura-maṇḍalas~

Verse: cd     hīyamānam aharatyayātapaṃ pīvaroru pibatīva barhiṇaḥ
   hīyamānam ahar-atyaya=ātapam~ / pīvara=ūru pibati~ iva barhiṇas~

Strophe: 37  
Verse: ab     pūrvabʰāgatimirapravr̥ttibʰir vyaktapaṅkam iva jātam ekataḥ
   pūrva-bʰāga-timira-pravr̥ttibʰis~ / vyakta-paṅkam iva jātam ekatas~

Verse: cd     kʰaṃ hr̥tātapajalaṃ vivasvatā bʰāti kiñcid iva śeṣavat saraḥ
   kʰam~ hr̥ta=ātapa-jalam~ vivasvatā / bʰāti kim=cit~ iva śeṣavat saras~

Strophe: 38  
Verse: ab     āviśadbʰir uṭajāṅgaṇaṃ mr̥gair mūlasekasarasaiś ca vr̥kṣakaiḥ
   āviśadbʰis~ uṭa-ja=aṅgaṇam~ mr̥gais~ / mūla-seka-sarasais~ ca vr̥kṣakais~

Verse: cd     āśramāḥ praviśadagnidʰenavo bibʰrati śriyam udīritāgnayaḥ
   āśramās~ praviśat=agni-dʰenavas~ / bibʰrati śriyam udīrita=agnayas~

Strophe: 39  
Verse: ab     baddʰakeśam api tiṣṭʰati kṣaṇaṃ sāvaśeṣavivaraṃ kuśeśayam
   baddʰa-keśam api tiṣṭʰati kṣaṇam~ / sa=avaśeṣa-vivaram~ kuśe-śayam

Verse: cd     ṣaṭpadāya vasatiṃ grahīṣyate prītipūrvam iva dātum antaram
   ṣaṭ-padāya vasatim~ grahīṣyate / prīti-pūrvam iva dātum antaram

Strophe: 40  
Verse: ab     dūram agraparimeyaraśminā vāruṇī dig aruṇena bʰānunā
   (Var.: dūralagnaparimeyaraśminā /)
   (Var.: dūramagna- ... /)
   dūram agra-parimeya-raśminā / vāruṇī dik~ aruṇena bʰānunā
   (Var.: dūra-lagna- ... /)
   (Var.: dūra-magna- ... /)

Verse: cd     bʰāti kesaravateva maṇḍitā bandʰujīvatilakena kanyakā
   bʰāti kesaravatā~ iva maṇḍitā / bandʰu-jīva-tilakena kanyakā

Strophe: 41  
Verse: ab     sāmabʰiḥ sahacarāḥ sahasraśaḥ syandanāśvahr̥dayaṅgamasvanaiḥ
   sāmabʰis~ saha-carās~ sahasraśas~ / syandana=aśva-hr̥dayam=gama-svanais~

Verse: cd     bʰānum agniparikīrṇatejasaṃ saṃstuvanti kiraṇoṣmapāyinaḥ
   bʰānum agni-parikīrṇa-tejasam~ / saṃstuvanti kiraṇa=uṣma-pāyinas~

Strophe: 42  
Verse: ab     so 'yam ānataśirodʰarair hayaiḥ karṇacāmaravigʰaṭṭitekṣaṇaiḥ
   sas~ ayam ānata-śiras=dʰarais~ hayais~ / karṇa-cāmara-vigʰaṭṭita=īkṣaṇais~

Verse: cd     astam eti yugabʰugnakesaraiḥ sannidʰāya divasaṃ mahodadʰau
   astam eti yuga-bʰugna-kesarais~ / sannidʰāya divasam~ maha=uda-dʰau

Strophe: 43  
Verse: ab     kʰaṃ prasuptam iva saṃstʰite ravau tejaso mahata īdr̥śī gatiḥ
   kʰam~ prasuptam iva saṃstʰite ravau / tejasas~ mahatas~ īdr̥śī gatis~

Verse: cd     tat prakāśayati yāvad udgataṃ mīlanāya kʰalu tāvataś cyutam
   (Var.: uttʰitaṃ)
   tat prakāśayati yāvat~ udgatam~ / mīlanāya kʰalu tāvatas~ cyutam
   (Var.: uttʰitam~)

Strophe: 44  
Verse: ab     saṃdʰyayāpy anugataṃ raver vapur vandyam astaśikʰare samarpitam
   saṃdʰyayā~ apy anugatam~ raves~ vapus~ / vandyam asta-śikʰare samarpitam

Verse: cd     yena pūrvam udaye puraskr̥tā nānuyāsyati katʰaṃ tam āpadi
   (Var.: prāk tatʰeyam ... /)
   yena pūrvam udaye puras-kr̥tā / na~ anuyāsyati katʰam~ tam āpadi?
   (Var.: prāk tatʰā~ iyam ... /)

Strophe: 45  
Verse: ab     raktapītakapiśāḥ payomucāṃ koṭayaḥ kuṭilakeśi bʰānty amūḥ
   rakta-pīta-kapiśās~ payas=mucām~ / koṭayas~ kuṭila-keśi bʰānti~ amūs~

Verse: cd     drakṣyasi tvam iti saṃdʰyayānayā vartikābʰir iva sādʰumaṇḍitāḥ
   (Var.: ... sāṃdʰyavelayā /)
   (Var.: / ... sādʰu vartitāḥ)
   drakṣyasi tvam iti saṃdʰyayā~ anayā / vartikābʰis~ iva sādʰu-maṇḍitās~
   (Var.: ... sāṃdʰya-velayā /)
   (Var.: / ... sādʰu vartitās~)

Strophe: 46  
Verse: ab     siṃhakesarasaṭāsu bʰūbʰr̥tām (bʰūbʰr̥tā) pallavaprasaviṣu drumeṣu ca
   siṃha-kesara-saṭāsu bʰū-bʰr̥tām~ (bʰū-bʰr̥tā) / pallava-prasaviṣu drumeṣu ca

Verse: cd     paśya dʰātuśikʰareṣu bʰānunā (cātmanā) saṃvibʰaktam iva sāṃdʰyam ātapam
   paśya dʰātu-śikʰareṣu bʰānunā (ca~ ātmanā) / saṃvibʰaktam iva sāṃdʰyam ātapam

Strophe: 47  
Verse: ab     pārṣṇimuktavasudʰās tapasvinaḥ pāvanāmbuvihitāñjalikriyāḥ
   (Var.: ... / ... -racitāñjalikriyāḥ)
   pārṣṇi-mukta-vasu-dʰās tapasvinas~ / pāvana=ambu-vihita=añjali-kriyās~
   (Var.: ... / ... -racita=añjali-kriyās~)

Verse: cd     brahma gūḍʰam abʰisaṃdʰyam ādr̥tāḥ śuddʰaye vidʰivido gr̥ṇanty amī
   brahma gūḍʰam abʰisaṃdʰyam ādr̥tās~ / śuddʰaye vidʰi-vidas~ gr̥ṇanti~ amī

Strophe: 48  
Verse: ab     tat muhūrtam anumantum arhasi prastutāya niyamāya mām api
   tat muhūrtam anumantum arhasi / prastutāya niyamāya mām api

Verse: cd     tvāṃ vinodanipuṇaḥ sakʰījano valguvādini vinodayiṣyati
   tvām~ vinoda-nipuṇas~ sakʰī-janas~ / valgu-vādini vinodayiṣyati

Strophe: 49  
Verse: ab     nirvibʰujya daśanacchadaṃ tato vāci bʰartur avadʰīraṇāparā
   nirvibʰujya daśana=chadam~ tatas~ / vāci bʰartur avadʰīraṇā-parā

Verse: cd     śailarājatanayā samīpagām ālalāpa vijayām ahetukam
   śaila-rāja-tanayā samīpa-gām / ālalāpa vijayām a-hetukam

Strophe: 50  
Verse: ab     īśvaro 'pi divasātyayocitaṃ mantrapūrvam anutastʰivān vidʰim
   īśvaras~ api divasa=atyaya=ucitam~ / mantra-pūrvam anutastʰivān vidʰim

Verse: cd     pārvatīm avacanām asūyayā pratyupetya punar āha sasmitam
   pārvatīm a-vacanām asūyayā / pratyupetya punar āha sa-smitam

Strophe: 51  
Verse: ab     muñca kopam animittakopane saṃdʰyayā praṇamito 'smi nānyayā
   (Var.: nānyatʰā)
   muñca kopam a-nimitta-kopane / saṃdʰyayā praṇamitas~ asmi na~ anyayā
   (Var.: ... / ... na~ anyatʰā)

Verse: cd     kiṃ na vetsi sahadʰarmacāriṇaṃ cakravākasamavr̥ttim ātmanaḥ
   kim~ na vetsi saha-dʰarma-cāriṇam~ / cakra-vāka-sama-vr̥ttim ātmanas~

Strophe: 52  
Verse: ab     nirmiteṣu pitr̥ṣu svayaṃbʰuvā yā tanuḥ sutanu pūrvam ujjʰitā
   nirmiteṣu pitr̥ṣu svayam=bʰuvā / yā tanus~ su-tanu pūrvam ujjʰitā

Verse: cd     seyam astam udayaṃ ca sevyate tena mānini mamātra gauravam
   sā~ iyam astam udayam~ ca sevyate / tena mānini mama~ atra gauravam

Strophe: 53  
Verse: ab     tām imāṃ timiravr̥ddʰipīḍitāṃ bʰūmilambam(lagnam) iva saṃprati stʰitām
   (Var.: ... -vr̥ttipīḍitāṃ /)
   (Var.: / bʰūmilagnam ... )
   tām imām~ timira-vr̥ddʰi-pīḍitām~ / bʰūmi-lambam iva saṃprati stʰitām
   (Var.: ... -vr̥tti-pīḍitām~ /)
   (Var.: / bʰūmi-lagnam ...)

Verse: cd     ekatas taṭatamālamālinīṃ paśya dʰāturasanimnagām iva
   ekatas taṭa-tamāla-mālinīm~ / paśya dʰātu-rasa-nimnagām iva

Strophe: 54  
Verse: ab     sāndʰyam astamitaśeṣam ātapaṃ raktalekʰam aparā bibʰarti dik
   sāndʰyam astam-ita-śeṣam ātapam~ / rakta-lekʰam aparā bibʰarti dik

Verse: cd     sāṃparāyavasudʰā saśoṇitaṃ maṇḍalāgram iva tiryagujjʰitam
   (Var.: saṃparāyavasudʰā ... /)
   (Var.: / ... tiryaguttʰitam)
   sāṃparāya-vasu-dʰā saśoṇitam~ / maṇḍala=agram iva tiryak=ujjʰitam
   (Var.: saṃparāya- ... /)
   (Var.: / ... tiryak=uttʰitam)

Strophe: 55  
Verse: ab     yāminīdivasasandʰisambʰave tejasi vyavahite sumeruṇā
   yāminī-divasa-sandʰi-sambʰave / tejasi vyavahite su-meruṇā

Verse: cd     etad andʰatamasaṃ niraṅkuśaṃ dikṣu dīrgʰanayane vijr̥mbʰate
   (Var.: nirargalaṃ)
   etat~ andʰa-tamasam~ niraṅkuśam~ / dikṣu dīrgʰa-nayane vijr̥mbʰate
   (Var.: ... nirargalam~ /)

Strophe: 56  
Verse: ab     nordʰvam īkṣaṇagatir na cāpy adʰo nābʰito na purato na pr̥ṣṭʰataḥ
   na~ ūrdʰvam īkṣaṇa-gatis~ na ca~ api~ adʰas~ / na~ abʰitas~ na puratas~ na pr̥ṣṭʰatas~

Verse: cd     loka eṣa timiraugʰaveṣṭito garbʰavāsa iva vartate niśi
   (Var.: ... timirolbaveṣṭito /)
   lokas~ eṣa timira=ogʰa-veṣṭitas~ / garbʰa-vāse~ iva vartate niśi
   (Var.: ... timira=ulba-veṣṭitas~ /)

Strophe: 57  
Verse: ab     śuddʰam āvilam avastʰitaṃ calaṃ vakram ārjavaguṇānvitaṃ ca yat
   śuddʰam āvilam avastʰitam~ calam~ / vakram ārjava-guṇa=anvitam~ ca yat

Verse: cd     sarvam eva tamasā samīkr̥taṃ dʰiṅ mahattvam asatāṃ hr̥tāntaram
   (Var.: hatāntaram)
   sarvam eva tamasā samī-kr̥tam~ / dʰik~ mahattvam asatām~ hr̥ta=antaram
   (Var.: ... / ... hata=antaram)

Strophe: 58  
Verse: ab     nūnam unnamati yajvanāṃ patiḥ śārvarasya tamaso niṣiddʰaye
   nūnam unnamati yajvanām~ patis~ / śārvarasya tamasas~ niṣiddʰaye

Verse: cd     puṇḍarīkamukʰi pūrvadiṅmukʰaṃ kaitakair iva rajobʰir āvr̥tam
   puṇḍarīka-mukʰi pūrva-dik=mukʰam~ / kaitakais~ iva rajobʰis~ āvr̥tam

Strophe: 59  
Verse: ab     mandarāntaritamūrtinā niśā lakṣyate śaśabʰr̥tā satārakā
   mandara=antarita-mūrtinā niśā / lakṣyate śaśa-bʰr̥tā sa-tārakā

Verse: cd     tvaṃ mayā priyasakʰīsamāgatā śroṣyateva vacanāni pr̥ṣṭʰataḥ
   tvam~ mayā priya-sakʰī-samāgatā / śroṣyatā~ iva vacanāni pr̥ṣṭʰatas~

Strophe: 60  
Verse: ab     ruddʰanirgamanam ā dinakṣayāt pūrvadr̥ṣṭatanu candrikāsmitā
   (Var.: ... / pūrvadr̥ṣṭatanucandrikāsmitam)
   ruddʰa-nirgamanam ā dina-kṣayāt / pūrva-dr̥ṣṭa-tanu candrikā-smitā
   (Var.: ... / pūrva-dr̥ṣṭa-tanu-candrikā-smitam)

Verse: cd     etad udgirati candramaṇḍalaṃ dig rahasyam iva rātricoditā
   (Var.: ... rātricoditā /)
   (Var.: / ... candramaṇḍalam)
   etat~ udgirati candra-maṇḍalam~ / dik~ rahasyam iva rātri-coditā
   (Var.: ... rātri-coditā /)
   (Var.: / ... candra-maṇḍalam)

Strophe: 61  
Verse: ab     paśya pakvapʰalinīpʰalatviṣā bimbalāñchitaviyatsarombʰasā
   paśya pakva-pʰalinī-pʰala-tviṣā / bimba-lāñchita-viyat-saras=ambʰasā

Verse: cd     viprakr̥ṣṭavivaraṃ himāṃśunā cakravākamitʰunaṃ viḍambyate
   viprakr̥ṣṭa-vivaram~ hima=aṃśunā / cakra-vāka-mitʰunam~ viḍambyate

Strophe: 62  
Verse: ab     śakyam oṣadʰipater navodayāḥ karṇapūraracanākr̥te tava
   śakyam oṣadʰi-pates~ nava=udayās~ / karṇa-pūra-racanā-kr̥te tava

Verse: cd     apragalbʰayavasūcikomalāś chettum agranakʰasampuṭaiḥ karāḥ
   a-pragalbʰa-yava-sūci-komalās~ / chettum agra-nakʰa-sampuṭais~ karās~

Strophe: 63  
Verse: ab     aṅgulībʰir iva keśasaṃcayaṃ sannigr̥hya timiraṃ marīcibʰiḥ
   aṅgulībʰis~ iva keśa-saṃcayam~ / sannigr̥hya timiram~ marīcibʰis~

Verse: cd     kuḍmalīkr̥tasarojalocanaṃ cumbatīva rajanīmukʰaṃ śaśī
   kuḍmalī-kr̥ta-saras=ja-locanam~ / cumbati~ iva rajanī-mukʰam~ śaśī

Strophe: 64  
Verse: ab     paśya pārvati navenduraśmibʰiḥ sāmibʰinnatimiraṃ nabʰastalam
   paśya pārvati nava=indu-raśmibʰis~ / sāmi-bʰinna-timiram~ nabʰas-talam

Verse: cd     lakṣyate dviradabʰogadūṣitaṃ saṃprasīdad iva mānasaṃ saraḥ
   lakṣyate dvi-rada-bʰoga-dūṣitam~ / saṃprasīdat~ iva mānasam~ saras~

Strophe: 65  
Verse: ab     raktabʰāvam apahāya candramā jāta eṣa pariśuddʰamaṇḍalaḥ
   rakta-bʰāvam apahāya candra-mās~ / jātas~ eṣas~ pariśuddʰa-maṇḍalas~

Verse: cd     vikriyā na kʰalu kāladoṣajā nirmalaprakr̥tiṣu stʰirodayā
   vikriyā na kʰalu kāla-doṣa-jā / nirmala-prakr̥tiṣu stʰira=udayā

Strophe: 66  
Verse: ab     unnateṣu śaśinaḥ prabʰā stʰitā nimnasaṃśrayaparaṃ niśātamaḥ
   unnateṣu śaśinas~ prabʰā stʰitā / nimna-saṃśraya-param~ niśā-tamas~

Verse: cd     nūnam ātmasadr̥śī prakalpitā vedʰaseha guṇadoṣayor gatiḥ
   (Var.: vedʰasaiva)
   nūnam ātma-sa-dr̥śī prakalpitā / vedʰasā iha guṇa-doṣayos~ gatis~
   (Var.: eva)

Strophe: 67  
Verse: ab     candrapādajanitapravr̥ttibʰiś candrakāntajalabindubʰir giriḥ
   candra-pāda-janita-pravr̥ttibʰis~ / candra-kānta-jala-bindubʰis~ giris~

Verse: cd     mekʰalātaruṣu nidritān amūn bodʰayaty asamaye śikʰaṇḍinaḥ
   mekʰalā-taruṣu nidritān amūn / bodʰayati~ a-samaye śikʰaṇḍinas~

Strophe: 68  
Verse: ab     kalpavr̥kṣaśikʰareṣu saṃprati praspʰuradbʰir avikalpasundari
   kalpa-vr̥kṣa-śikʰareṣu saṃprati / praspʰuradbʰis~ a-vikalpa-sundari

Verse: cd     hārayaṣṭigaṇanām ivāṃśubʰiḥ kartum āgatakutūhalaḥ śaśī
   (Var.: udyatakutūhalaḥ)
   hāra-yaṣṭi-gaṇanām iva~ aṃśubʰis~ / kartum āgata-kutūhalas~ śaśī
   (Var.: ... / ... udyata-kutūhalas~ ...)

Strophe: 69  
Verse: ab     unnatāvanatabʰāgavattayā candrikā satimirā girer iyam
   unnata=avanata-bʰāgavattayā / candrikā sa-timirā gires~ iyam

Verse: cd     bʰaktibʰir bahuvidʰābʰir arpitā bʰāti bʰūtir iva mattadantinaḥ
   (Var.: arpitābʰāti)
   bʰaktibʰis~ bahu-vidʰābʰis~ arpitā / bʰāti bʰūtis~ iva matta-dantinas~
   (Var.: ... arpitā~ / ābʰāti ...)

Strophe: 70  
Verse: ab     etad ucchvasitapītam aindavaṃ voḍʰum akṣamam iva prabʰārasam
   (Var.: soḍʰum)
   etat~ ucchvasita-pītam aindavam~ / voḍʰum a-kṣamam iva prabʰā-rasam

Verse: cd     muktaṣaṭpadavirāvam añjasā bʰidyate kumudam ā nibandʰanāt
   mukta-ṣaṭ-pada-virāvam añjasā / bʰidyate kumudam ā nibandʰanāt

Strophe: 71  
Verse: ab     paśya kalpatarulambi śuddʰayā jyotsnayā janitarūpasaṃśayam
   paśya kalpa-taru-lambi śuddʰayā / jyotsnayā janita-rūpa-saṃśayam

Verse: cd     mārute calati caṇḍi kevalaṃ vyajyate viparivr̥ttam aṃśukam
   mārute calati caṇḍi kevalam~ / vyajyate viparivr̥ttam aṃśukam

Strophe: 72  
Verse: ab     śakyam aṅgulibʰir uddʰr̥tair adʰaḥ śākʰināṃ patitapuṣpapeśalaiḥ
   śakyam aṅgulibʰis~ uddʰr̥tais~ adʰas~ / śākʰinām~ patita-puṣpa-peśalais~

Verse: cd     patrajarjaraśaśiprabʰālavair ebʰir utkacayituṃ tavālakān
   patra-jarjara-śaśi-prabʰā-lavais~ / ebʰis~ utkacayitum~ tava~ alakān

Strophe: 73  
Verse: ab     eṣa cārumukʰi yogatārayā yujyate taralabimbayā śaśī
   eṣa cāru-mukʰi yoga-tārayā / yujyate tarala-bimbayā śaśī

Verse: cd     sādʰvasād upagataprakampayā kanyayeva navadīkṣayā varaḥ
   sādʰvasāt~ upagata-prakampayā / kanyayā~ iva nava-dīkṣayā varas~

Strophe: 74  
Verse: ab     pākabʰinnaśarakāṇḍagaurayor ullasatpratikr̥tiprasannayoḥ
   (Var.: -pradīptayoḥ)
   pāka-bʰinna-śara-kāṇḍa-gaurayos~ / ullasat-pratikr̥ti-prasannayos~
   (Var.: ... / ... -pradīptayos~)

Verse: cd     rohatīva tava gaṇḍalekʰayoś candrabimbanihitākṣi candrikā
   rohati~ iva tava gaṇḍa-lekʰayos~ / candra-bimba-nihita=akṣi candrikā

Strophe: 75  
Verse: ab     lohitārkamaṇibʰājanārpitaṃ kalpavr̥kṣamadʰu bibʰratī svayam
   lohita=arka-maṇi-bʰājana=arpitam~ / kalpa-vr̥kṣa-madʰu bibʰratī svayam

Verse: cd     tvām iyaṃ stʰitimatīm upastʰitā gandʰamādanavanādʰidevatā
   tvām iyam~ stʰitimatīm upastʰitā / gandʰa-mādana-vana=adʰidevatā

Strophe: 76  
Verse: ab     ārdrakesarasugandʰi te mukʰaṃ mattaraktanayanaṃ svabʰāvataḥ
   (Var.: ... / raktam eva nayanaṃ ...)
   ārdra-kesara-su-gandʰi te mukʰam~ / matta-rakta-nayanam~ sva-bʰāvatas~
   (Var.: ... / raktam eva nayanam~ ...)

Verse: cd     atra labdʰavasatir guṇāntaraṃ kiṃ vilāsini madaḥ kariṣyati
   (Var.: kaṃ)
   (Var.: ... / ... madʰuḥ ...)
   atra labdʰa-vasatis~ guṇa=antaram~ / kim~ vilāsini madas~ kariṣyati?
   (Var.: kam~)
   (Var.: ... / ... madʰus~ ...)

Strophe: 77  
Verse: ab     mānyabʰaktir atʰavā sakʰījanaḥ sevyatām idam anaṅgadīpanam
   (Var.: ... / ... anaṅgadīpakam)
   mānya-bʰaktis~ atʰa-vā sakʰī-janas~ / sevyatām idam an-aṅga-dīpanam
   (Var.: ... / ... an-aṅga-dīpakam)

Verse: cd     ity udāram abʰidʰāya śaṅkaras tām apāyayata pānam ambikām
   ity udāram abʰidʰāya śaṅkaras / tām apāyayata pānam ambikām

Strophe: 78  
Verse: ab     pārvatī tadupayogasaṃbʰavāṃ vikriyām api satāṃ manoharām
   (Var.: satīṃ)
   pārvatī tad-upayoga-saṃbʰavām~ / vikriyām api satām~ manas=harām
   (Var.: satīm~)

Verse: cd     apratarkyavidʰiyoganirmitām āmrateva sahakāratāṃ yayau
   (Var.: ... -yogakāritām /)
   a-pratarkya-vidʰi-yoga-nirmitām / āmratā~ iva saha-kāratām~ yayau
   (Var.: ... -yoga-kāritām /)

Strophe: 79  
Verse: ab     tatkṣaṇaṃ viparivartitahriyor neṣyatoḥ śayanam iddʰarāgayoḥ
   tad=kṣaṇam~ viparivartita-hriyos~ / neṣyatos~ śayanam iddʰa-rāgayos~

Verse: cd     sā babʰūva vaśavartinī dvayoḥ śūlinaḥ suvadanā madasya ca
   sā babʰūva vaśa-vartinī dvayos~ / śūlinas~ su-vadanā madasya ca

Strophe: 80  
Verse: ab     gʰūrṇamānanayanaṃ skʰalatkatʰaṃ svedabindumad akāraṇasmitam
   gʰūrṇamāna-nayanam~ skʰalat-katʰam~ / sveda-bindumat~ a-kāraṇa-smitam

Verse: cd     ānanena na tu tāvad īśvaraś cakṣuṣā ciram umāmukʰaṃ papau
   ānanena na tu tāvat~ īśvaras~ / cakṣuṣā ciram umā-mukʰam~ papau

Strophe: 81  
Verse: ab     tāṃ vilambitapanīyamekʰalām udvahañ jagʰanabʰāradurvahām
   tām~ vilambi-tapanīya-mekʰalām / udvahan~ jagʰana-bʰāra-durvahām

Verse: cd     dʰyānasaṃbʰr̥tavibʰūtibʰāsvaraṃ praviśan maṇiśilāgr̥haṃ haraḥ
   (Var.: ... -vibʰūtisaṃbʰr̥taṃ /)
   dʰyāna-saṃbʰr̥ta-vibʰūti-bʰāsvaram~ / praviśan maṇi-śilā-gr̥ham~ haras~
   (Var.: ... -vibʰūti-saṃbʰr̥tam~ /)

Strophe: 82  
Verse: ab     tatra haṃsadʰavalottaracchadaṃ jāhnavīpulinacārudarśanam
   tatra haṃsa-dʰavala=uttara=chadam~ / jāhnavī-pulina-cāru-darśanam

Verse: cd     adʰyaśeta śayanaṃ priyāsakʰaḥ śāradābʰram iva rohiṇīpatiḥ
   adʰyaśeta śayanam~ priyā-sakʰas~ / śārada=abʰram iva rohiṇī-patis~

Strophe: 83  
Verse: ab     kliṣṭakeśamavaluptacandanaṃ vyatyayārpitanakʰaṃ samatsaram
   (Var.: kliṣṭacandramadayaiḥ kacagrahair /)
   (Var.: / utpatʰārpitanakʰaṃ ...)
   kliṣṭa-keśam avalupta-candanam~ / vyatyaya=arpita-nakʰam~ sa-matsaram
   (Var.: kliṣṭa-candram a-dayais~ kaca-grahais~ /)
   (Var.: / utpatʰa=arpita-nakʰam~ ...)

Verse: cd     tasya tac chiduramekʰalāguṇaṃ pārvatīratam abʰūn na tr̥ptaye
   (Var.: ... / ... abʰūd atr̥ptaye)
   tasya tat~ chidura-mekʰalā-guṇam~ / pārvatī-ratam abʰūt~ na tr̥ptaye
   (Var.: ... / ... a-tr̥ptaye)

Strophe: 84  
Verse: ab     kevalaṃ priyatamādayālunā jyotiṣām avanatāsu paṅktiṣu
   kevalam~ priyatamā-dayālunā / jyotiṣām avanatāsu paṅktiṣu

Verse: cd     tena tatparigr̥hītavakṣasā netramīlanakutūhalaṃ kr̥tam
   tena tad=parigr̥hīta-vakṣasā / netra-mīlana-kutūhalam~ kr̥tam

Strophe: 85  
Verse: ab     sa vyabudʰyata budʰastavocitaḥ śātakumbʰakamalākaraiḥ samam
   sa vyabudʰyata budʰa-stava=ucitas~ / śāta-kumbʰa-kamala=ākarais~ samam

Verse: cd     mūrcchanāparigr̥hītakaiśikaiḥ kinnarair uṣasi gītamaṅgalaḥ
   mūrcchanā-parigr̥hīta-kaiśikais~ / kinnarais~ uṣasi gīta-maṅgalas~

Strophe: 86  
Verse: ab     tau kṣaṇaṃ śitʰilitopagūhanau dampatī calitamānasormayaḥ
   (Var.: ... / ... racitamānasormayaḥ)
   tau kṣaṇam~ śitʰilita=upagūhanau / dam-patī calita-mānasa=ūrmayas~
   (Var.: ... / ... racita-mānasa=ūrmayas~)

Verse: cd     padmabʰedapiśunāḥ siṣevire gandʰamādanavanāntamārutāḥ
   (Var.: padmabʰedanipuṇāḥ ... /)
   padma-bʰeda-piśunās~ siṣevire / gandʰa-mādana-vana=anta-mārutās~
   (Var.: padma-bʰeda-nipuṇās~ ... /)

Strophe: 87  
Verse: ab     ūrumūlanakʰamārgarājibʰis tatkṣaṇaṃ hr̥tavilocano haraḥ
   ūru-mūla-nakʰa-mārga-rājibʰis / tad=kṣaṇam~ hr̥ta-vilocanas~ haras~

Verse: cd     vāsasaḥ praśitʰilasya saṃyamaṃ kurvatīṃ priyatamām avārayat
   vāsasas~ praśitʰilasya saṃyamam~ / kurvatīm~ priyatamām avārayat

Strophe: 88  
Verse: ab     sa prajāgarakaṣāyalocanaṃ gāḍʰadantapadatāḍitādʰaram
   sa prajāgara-kaṣāya-locanam~ / gāḍʰa-danta-pada-tāḍita=adʰaram

Verse: cd     ākulālakam araṃsta rāgavān prekṣya bʰinnatilakaṃ priyāmukʰam
   ākula=alakam araṃsta rāgavān / prekṣya bʰinna-tilakam~ priyā-mukʰam

Strophe: 89  
Verse: ab     tena bʰaṅgiviṣamottaracchadaṃ madʰyapiṇḍitavisūtramekʰalam
   tena bʰaṅgi-viṣama=uttara=chadam~ / madʰya-piṇḍita-visūtra-mekʰalam

Verse: cd     nirmale 'pi śayanaṃ niśātyaye nojjʰitaṃ caraṇarāgalāñchitam
   nirmale ~api śayanam~ niśā=atyaye / na~ ujjʰitam~ caraṇa-rāga-lāñchitam

Strophe: 90  
Verse: ab     sa priyāmukʰarasaṃ divāniśaṃ tarṣavr̥ddʰijananaṃ siṣeviṣuḥ
   (Var.: ... / harṣavr̥ddʰijananaṃ ...)
   sa priyā-mukʰa-rasam~ divā-niśam~ / tarṣa-vr̥ddʰi-jananam~ siṣeviṣus~
   (Var.: ... / harṣa-vr̥ddʰi- ...)

Verse: cd     darśanapraṇayinām adr̥śyatām ājagāma vijayāniveditaḥ
   darśana-praṇayinām a-dr̥śyatām / ājagāma vijayā-niveditas~

Metre: M    (mālinī)

Strophe: 91  
Verse: a     samadivasaniśītʰaṃ saṅginas tatra śambʰoḥ
   sama-divasa-niśītʰam~ / saṅginas tatra śambʰos~

Verse: b     śatam agamad r̥tūnāṃ sārdʰam ekā niśeva
   śatam agamat~ r̥tūnām~ / sa=ardʰam ekā niśā~ iva

Verse: c     na tu suratasukʰeṣu cchinnatr̥ṣṇo babʰūva
   (Var.: sa)
   (Var.: ... suratasukʰebʰyaś chinnatr̥ṣṇo ...)
   na tu su-rata-sukʰeṣu / ~chinna-tr̥ṣṇas~ babʰūva
   (Var.: ... su-rata-sukʰebʰyas~ / chinna-tr̥ṣṇas~ ...)

Verse: d     jvalana iva samudrāntargatas tajjaleṣu
   (Var.: tajjalaugʰaiḥ)
   jvalanas~ iva samudra=antar-gatas tad=jaleṣu
   (Var.: tad=jala=ogʰais~)

This text is part of the TITUS edition of Kalidasa, Kumarasambhava.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.