TITUS
Tantrakhyayika
Part No. 7
Previous part

Chapter: 7  
7: Laus und Floh


Sentence: 1     asti kasyacid rājñas sarvaguṇopetam ananyasadr̥śaṃ śayanam \
   asti kasya-cid+ rājñas+ sarva-guṇa-upetam ananya-sadr̥śaṃ+ śayanam \

Sentence: 2     tasmin praccʰadapaṭaikadeśe mandavisarpiṇī nāma yūkā prativasati sma \
   tasmin praccʰada-paṭa-ekadeśe mandavisarpiṇī nāma yūkā prativasati sma \

Sentence: 3     atʰa tasmiṃṣ ṭiṇṭibʰo nāma matkuṇo vāyunā preritas sannipatitaḥ \
   atʰa tasmiṃṣ ṭiṇṭibʰo+ nāma matkuṇo+ vāyunā preritas+ sannipatitaḥ \

Sentence: 4     sa tu tac cʰayanam atisūkṣmottaraccʰadam ubʰayopadʰānaṃ jāhnavīpulinavipulaṃ paramamr̥du surabʰi ca dr̥ṣṭvā paraṃ paritoṣam upagataḥ \
   sa tu tac+ +cʰayanam atisūkṣma-uttara-ccʰadam ubʰaya-upadʰānaṃ+ jāhnavī-pulina-vipulaṃ+ parama-mr̥du surabʰi ca dr̥ṣṭvā paraṃ+ paritoṣam upagataḥ \

Sentence: 5     tatsparśākr̥ṣṭamanā itaś cetaḫ paribʰraman katʰam api tayā mandavisarpiṇyā sametaḥ \
   tat-sparśa-ākr̥ṣṭa-manā+ itaś+ ca_itaḥ paribʰraman katʰam api tayā mandavisarpiṇyā sametaḥ \

Sentence: 6     tayābʰihitaḥ \
   tayā_abʰihitaḥ \

Sentence: 7     kutas tvam asminn ayogyādʰivāsa āgataḥ \
   kutas+ tvam asminn+ ayogya-adʰivāsa+ āgataḥ \

Sentence: 8     apagamyatām asmād iti \
   apagamyatām asmād+ iti \

Sentence: 9     matkuṇaḥ \
   matkuṇaḥ \

Sentence: 10     ārye ! mayā tāvad ihānekaprakārāṇi māṃsāny āsvāditāni brāhmaṇakṣatriyaviṭcʰūdrāntasstʰāni rudʰirāṇi ca \
   ārye ! mayā tāvad+ iha_aneka-prakārāṇi māṃsāny+ āsvāditāni brāhmaṇa-kṣatriya-viṭ-cʰūdra-antasstʰāni rudʰirāṇi ca \

Sentence: 11     tāni tu rūkṣāṇi piccʰilāny atuṣṭikarāṇy amanojñāni \
   tāni tu rūkṣāṇi piccʰilāny+ a-tuṣṭi-karāṇy+ a-manojñāni \

Sentence: 12     yaḫ punar asya śayanasyādʰiṣṭʰātā ! tasya manoramam amr̥topamam asr̥g bʰaviṣyati \
   yaḥ punar asya śayanasya_adʰiṣṭʰātā ! tasya mano-ramam amr̥ta-upamam asr̥g+ bʰaviṣyati \

Sentence: 13     ajasraṃ bʰiṣagbʰiḫ prayatnād auṣadʰādyupakramād vātapittaśleṣmanirodʰād anāmayatayā snigdʰapeśaladravais sakʰaṇḍaguḍadāḍimatrikaṭukapaṭubʰis stʰalajajalajakʰecarabalavatpradʰānapiśitopabrṃhitair āhārair upacitaṃ rudʰiraṃ rasāyanam iva manye \
   ajasraṃ+ bʰiṣagbʰiḥ prayatnād+ auṣadʰa-ādy-upakramād+ vāta-pitta-śleṣma-nirodʰād+ an-āmayatayā snigdʰa-peśala-dravais+ sa-kʰaṇḍa-guḍa-dāḍima-trikaṭuka-paṭubʰis+ stʰalaja-jalaja-kʰecara-balavat-pradʰāna-piśita-upabrṃhitair+ āhārair+ upacitaṃ+ rudʰiraṃ+ rasāyanam iva manye \

Sentence: 14     tac ca surabʰi puṣṭikaraṃ caiccemy ahaṃ tvatprasādād āsvādayitum iti \
   tac+ ca surabʰi puṣṭi-karaṃ+ ca_iccʰāmy+ ahaṃ+ tvat-prasādād+ āsvādayitum iti \
Page of edition: 32 
Sentence: 15     ato 'sau mandavisarpiṇy āha \
   ato+ +asau mandavisarpiṇy-+ āha \

Sentence: 16     asambʰāvyam etat tvadvidʰānām agnimukʰānāṃ daṃśavr̥ttīnām \
   a-sambʰāvyam etat tvad-vidʰānām agni-mukʰānāṃ+ daṃśa-vr̥ttīnām \

Sentence: 17     apagamyatām asmāc cʰayanāt \
   apagamyatām asmāc+ +cʰayanāt \

Sentence: 18     tato 'sau tasyāḫ pādayor nipatitaḥ \
   tato+ +asau tasyāḥ pādayor+ nipatitaḥ \

Sentence: 19     sā tu dākṣiṇyāt tatʰā nāmeti pratipannā \
   sā tu dākṣiṇyāt tatʰā nāma_iti pratipannā \

Sentence: 20     kintu naivākāle na cātimr̥dubʰāge tvayāsya prahartavyam iti \
   kintu na_eva_a-kāle na ca_atimr̥du-bʰāge tvayā_asya prahartavyam iti \

Sentence: 21     so 'bravīt \
   so+ +abravīt \

Sentence: 22     ko 'sya kālaḥ \
   ko+ +asya kālaḥ \

Sentence: 23     anabʰijño 'ham aparicitatvāt \
   an-abʰijño+ +aham a-paricitatvāt \

Sentence: 24     sā tv akatʰayat \
   sā tv+ akatʰayat \

Sentence: 25     madʰupānaśramāgatanidrasya rativilāsanirbʰarasuptasya ca śanair mr̥dutayā bʰavatā vicāraṇīyam \
   madʰu-pāna-śrama-āgata-nidrasya rati-vilāsa-nirbʰara-suptasya ca śanair+ mr̥dutayā bʰavatā vicāraṇīyam \

Sentence: 26     madaśramanidrāparītakāyo nāśu prabudʰyataiti \
   mada-śrama-nidrā-parīta-kāyo+ na_āśu prabudʰyatai_iti \

Sentence: 27     evam avastʰāpite pratʰamapradoṣa evākālajñena daṣṭaḥ \
   evam avastʰāpite pratʰama-pradoṣae+ eva_a-kālajñena daṣṭaḥ \

Sentence: 28     asāv api partʰiva ulmukadagdʰa iva saṃlīnakukṣipradeśas sasambʰramam uttʰāyāha \
   asāv+ api partʰiva+ ulmuka-dagdʰa+ iva saṃlīna-kukṣi-pradeśas+ sa-sambʰramam uttʰāya_āha \

Sentence: 29     aho ! daṣṭo 'smi kenāpi \
   aho ! daṣṭo+ +asmi kena_api \

Sentence: 30     atʰa matkuṇaś cakitatvād rājavacanaṃ śrutvā śayanād avatīryānyad vivaram āśritaḥ \
   atʰa matkuṇaś+ cakitatvād+ rāja-vacanaṃ+ śrutvā śayanād+ avatīrya_anyad+ vivaram āśritaḥ \

Sentence: 31     śayyāpālair api svāmyādeśāt sunipuṇam anviṣadbʰir vastraṃ parivartayadbʰir antarlīnā mandavisarpiṇī samāsāditā vyāpāditā ca \
   śayyā-pālair+ api svāmy-ādeśāt su-nipuṇam anviṣadbʰir+ vastraṃ+ parivartayadbʰir+ antarlīnā mandavisarpiṇī samāsāditā vyāpāditā ca \



Page of edition: 32 
Next part


This text is part of the TITUS edition of Tantrakhyayika.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.