TITUS
Tantrakhyayika
Part No. 13
Previous part

Chapter: 13  
13: Der listige Schakal


Sentence: 1     asti ! kasmiṃścid vanoddeśe vr̥kajambukakarabʰasahito vajradanto nāma siṃhaḫ prativasati sma \
   asti ! kasmiṃś-cid+ vana-uddeśe vr̥ka-jambuka-karabʰa-sahito+ vajradanto+ nāma siṃhaḥ prativasati sma \

Sentence: 2     kadācid asau vanyadviparadanakoṭipāṭitavakṣā ekadeśastʰaẖ kṣutkṣāmatanuẖ kṣudʰā parigatān tān sacivān āha \
   kadā-cid+ asau vanya-dvipa-radana-koṭi-pāṭita-vakṣā+ eka-deśa-stʰaḥ kṣut-kṣāma-tanuḥ kṣudʰā parigatān tān sacivān āha \

Sentence: 3     kiñcid anviṣyatāṃ vane sattvajātam ! yenāham etadavastʰo 'pi bʰavatāṃ vr̥ttim āpādayiṣyāmi \
   kiñ-cid+ anviṣyatāṃ+ vane sattva-jātam ! yena_aham etad-avastʰo+ +api bʰavatāṃ+ vr̥ttim āpādayiṣyāmi \

Sentence: 4     atʰa tadājñāsamakālam eva te 'raṇye paryaṭanto yadā na kiñcid āseduḥ ! tadāsau jambukas taṃ śaṅkukarṇanāmānaṃ karabʰaṃ vivikte 'bʰihitavān \
   atʰa tad-ājñā-sama-kālam eva te +araṇye paryaṭanto+ yadā na kiñ-cid+ āseduḥ ! tadā_asau jambukas+ taṃ+ śaṅkukarṇa-nāmānaṃ+ karabʰaṃ+ vivikte +abʰihitavān \

Sentence: 5     kim atra prāptakālaṃ manyate bʰavān \
   kim atra prāptakālaṃ+ manyate bʰavān \

Sentence: 6     svāmī vajradanto 'smadīyaparyaṭanam anartʰakaṃ śrutvā kadācid vināśāya pravartate \
   svāmī vajradanto+ +asmadīya-paryaṭanam an-artʰakaṃ+ śrutvā kadā-cid+ vināśāya pravartate \

Sentence: 7     tad ahaṃ kiñcid bʰavataḫ prārtʰaye ! yadi pratīccʰasīti \
   tad+ ahaṃ+ kiñ-cid+ bʰavataḥ prārtʰaye ! yadi pratīccʰasi_iti \

Sentence: 8     sa āha \
   sa āha \

Sentence: 9     kiṃ mamāsti ! vayasya ! yat prārtʰyate \
   kiṃ+ mama_asti ! vayasya ! yat prārtʰyate \

Sentence: 10     śarīram api me tvadāyattam \
   śarīram api me tvad-āyattam \

Sentence: 11     yatʰābʰimatam upayujyatām iti \
   yatʰā-abʰimatam upayujyatām iti \

Sentence: 12     atʰa jambuko 'bravīt \
   atʰa jambuko+ +abravīt \

Sentence: 13     etad evātra kāraṇam \
   etad+ eva_atra kāraṇam \

Sentence: 14     ahaṃ te dviguṇaṃ śarīraṃ siṃhasakāśād dāpayiṣye \
   ahaṃ+ te dvi-guṇaṃ+ śarīraṃ+ siṃha-sakāśād+ dāpayiṣye \

Sentence: 15     tvayāpy evaṃ vayam ātmā ca saṃvardʰitās syur iti \
   tvayā_apy+ evaṃ+ vayam ātmā ca saṃvardʰitās+ syur+ iti \

Sentence: 16     pratipannaś cāsau \
   pratipannaś+ ca_asau \

Sentence: 17     evam abʰidʰāya siṃhasakāśaṃ gatvā tam āha \
   evam abʰidʰāya siṃha-sakāśaṃ+ gatvā tam āha \

Sentence: 18     svāmin ! na kiñcit sattvam āsāditam \
   svāmin ! na kiñ-cit sattvam āsāditam \

Sentence: 19     eṣa punaś śaṅkukarṇo 'bʰidʰatte \
   eṣa punaś+ śaṅkukarṇo+ +abʰidʰatte \

Sentence: 20     br̥hatprastʰena dviguṇayā tulayojjāsyaṃ śarīraṃ samprayaccʰāmīti \
   br̥hat-prastʰena dvi-guṇayā tulayā_ujjāsyaṃ+ śarīraṃ+ samprayaccʰāmi_iti \

Sentence: 21     tac cʰrutvā siṃhaḫ prahr̥ṣṭa āha \
   tac+ +cʰrutvā siṃhaḥ prahr̥ṣṭa+ āha \

Sentence: 22     evaṃ kriyatām \
   evaṃ+ kriyatām \

Sentence: 23     atʰa pratipanne śaṅkukarṇaḫ papāta bʰūmau ! kʰaṇḍaśaś ca kr̥taḥ \
   atʰa pratipanne śaṅkukarṇaḥ papāta bʰūmau ! kʰaṇḍaśaś+ ca kr̥taḥ \

Sentence: 24     tataś caturakas taṃ siṃhaṃ rudʰiraraktasarvagātraṃ dr̥ṣṭvābravīt \
   tataś+ caturakas+ taṃ+ siṃhaṃ+ rudʰira-rakta-sarva-gātraṃ+ dr̥ṣṭvā_abravīt \

Sentence: 25     gaccʰatu svāmī snānam ācaritum ! yāvad ahaṃ kravyamukʰasahitas tiṣṭʰāmi \
   gaccʰatu svāmī snānam ācaritum ! yāvad+ ahaṃ+ kravyamukʰa-sahitas+ tiṣṭʰāmi \

Sentence: 26     gate ca tasmiṃś caturakas taṃ kravyamukʰam āha \
   gate ca tasmiṃś caturakas+ taṃ+ kravyamukʰam āha \

Sentence: 27     bʰakṣaya tāvad ataḫ piśitam ! yāvad asau snātuṃ gataḥ \
   bʰakṣaya tāvad+ ataḥ piśitam ! yāvad+ asau snātuṃ+ gataḥ \

Sentence: 28     so 'bravīt \
   so+ +abravīt \

Sentence: 29     bʰakṣayitvā kim uttaraṃ dāsyāmi \
   bʰakṣayitvā kim uttaraṃ+ dāsyāmi \

Sentence: 30     jambuko 'bravīt \
   jambuko+ +abravīt \

Sentence: 31     kiṃ tavānena vicāreṇa \
   kiṃ+ tava_anena vicāreṇa \
Page of edition: 49 
Sentence: 32     aham etasya prativacanaṃ dāsyāmi \
   aham etasya prativacanaṃ+ dāsyāmi \

Sentence: 33     tvayā punar mama mukʰam evāvalokitavyam iti \
   tvayā punar mama mukʰam eva_avalokitavyam iti \

Sentence: 34     evam ukte tābʰyāṃ kravyam atibahu bʰakṣitam \
   evam ukte tābʰyāṃ+ kravyam atibahu bʰakṣitam \

Sentence: 35     atrāntare siṃhas samprāpto yāvat paśyati sakalaṃ jaṭʰarapiśitam upabʰuktam ! tataś caturakam āha \
   atra_antare siṃhas+ samprāpto+ yāvat paśyati sakalaṃ+ jaṭʰara-piśitam upabʰuktam ! tataś+ caturakam āha \

Sentence: 36     māma ! kva taj jatʰarapiśitam \
   māma ! kva taj+ jatʰara-piśitam \

Sentence: 37     evaṃ vadati siṃhe kravyamukʰo mukʰaṃ caturakasyāvalokitavān \
   evaṃ+ vadati siṃhe kravyamukʰo+ mukʰaṃ+ caturakasya_avalokitavān \

Sentence: 38     caturako 'bravīt \
   caturako+ +abravīt \

Sentence: 39     kim adʰunā manmukʰam avalokayasi \
   kim adʰunā man-mukʰam avalokayasi \

Sentence: 40     svāmin \
   svāmin \

Sentence: 41     bʰakṣitam aneneti \
   bʰakṣitam anena_iti \

Sentence: 42     atʰa siṃhaẖ kuliśakʰaranakaro bʰrūkuṭilamukʰaḫ prakaṭitaroṣas taṃ hantum aiccʰat \
   atʰa siṃhaḥ kuliśa-kʰara-nakaro+ bʰrū-kuṭila-mukʰaḥ prakaṭita-roṣas+ taṃ+ hantum aiccʰat \

Sentence: 43     atʰāsāv api vr̥ko mukʰavaivarṇyavepatʰuvyāptatanur atanupadavikṣepaẖ kṣiprapalāyanapaṭur aṭavīm uddiśya jagāma \
   atʰa_asāv+ api vr̥ko+ mukʰa-vaivarṇya-vepatʰu-vyāpta-tanur+ a-tanu-pada-vikṣepaḥ kṣipra-palāyana-paṭur+ aṭavīm uddiśya jagāma \

Sentence: 44     siṃho 'pi kiñcid anusr̥tya pratinivr̥ttaḥ \
   siṃho+ +api kiñ-cid+ anusr̥tya pratinivr̥ttaḥ \

Sentence: 45     etasmiṃś cāntare katʰamapi ca tatsamīpam atʰa kaścit sārtʰavāho 'nena patʰāyātaḥ \
   etasmiṃś ca_antare katʰam-api ca tat-samīpam atʰa kaś-cit sārtʰavāho+ +anena patʰā_āyātaḥ \

Sentence: 46     tasya ca sārtʰāgresaraṃ kaṭāhena galabaddʰena karabʰam āgaccʰantaṃ dr̥ṣṭvā kr̥takaviṣādo jambukas taṃ siṃham āha \
   tasya ca sārtʰa-agre-saraṃ+ kaṭāhena gala-baddʰena karabʰam āgaccʰantaṃ+ dr̥ṣṭvā kr̥taka-viṣādo+ jambukas+ taṃ+ siṃham āha \

Sentence: 47     deva ! vinaṣṭāv āvām \
   deva ! vinaṣṭāv+ āvām \

Sentence: 48     mā kʰalu kaścid vanaṃ dʰārayatu \
   mā kʰalu kaś-cid+ vanaṃ+ dʰārayatu \

Sentence: 49     yāvad adyāpi piśitaṃ naupabʰujyate ! tāvad br̥hatprastʰam ādāya dʰanikācāreṇāyaṃ karabʰakas samprāptaḥ \
   yāvad+ adya_api piśitaṃ+ nā_upabʰujyate ! tāvad+ br̥hat-prastʰam ādāya dʰanika-ācāreṇa_ayaṃ+ karabʰakas+ samprāptaḥ \

Sentence: 50     tat kim atra prāptakālam \
   tat kim atra prāptakālam \

Sentence: 51     gaccʰatu svāmī digantaram anyat ! yāvad aham enaṃ labdʰacittābʰiprāyaṃ karomīti \
   gaccʰatu svāmī dig-antaram anyat ! yāvad+ aham enaṃ+ labdʰa-citta-abʰiprāyaṃ+ karomi_iti \

Sentence: 52     evam abʰihite siṃhas tasmād apayātaḥ \
   evam abʰihite siṃhas+ tasmād+ apayātaḥ \

Sentence: 53     caturako 'pi bahudināni tat piśitam upabʰuktavān \
   caturako+ +api bahu-dināni tat piśitam upabʰuktavān \



Page of edition: 53 
Next part


This text is part of the TITUS edition of Tantrakhyayika.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.