TITUS
Mahabharata
Part No. 1929
Previous part

Chapter: 94 
Adhyāya 94


Verse: 1  {Janamejaya uvāca}
Halfverse: a    yajñe saktā nr̥patayas   tapaḥ saktā maharṣayaḥ
   yajñe saktā nr̥patayas   tapaḥ saktā maharṣayaḥ /
Halfverse: c    śānti vyavasitā viprāḥ   śamo dama iti prabʰo
   śānti vyavasitā viprāḥ   śamo dama\ iti prabʰo /1/ ՙ

Verse: 2 
Halfverse: a    tasmād yajñapʰalais tulyaṃ   na kiṃ cid iha vidyate
   tasmād yajña-pʰalais tulyaṃ   na kiṃcid iha vidyate /
Halfverse: c    iti me vartate buddʰis   tatʰā caitad asaṃśayam
   iti me vartate buddʰis   tatʰā ca_etad asaṃśayam /2/

Verse: 3 
Halfverse: a    yajñair iṣṭvā hi bahavo   rājāno dvijasattama
   yajñair iṣṭvā hi bahavo   rājāno dvija-sattama /
Halfverse: c    iha kīrtiṃ parāṃ prāpya   pretya svargam ito gatāḥ
   iha kīrtiṃ parāṃ prāpya   pretya svargam ito gatāḥ /3/

Verse: 4 
Halfverse: a    devarājaḥ sahasrākṣaḥ   kratubʰir bʰūridakṣiṇaiḥ
   deva-rājaḥ sahasra_akṣaḥ   kratubʰir bʰūri-dakṣiṇaiḥ /
Halfverse: c    devarājyaṃ mahātejāḥ   prāptavān akʰilaṃ vibʰuḥ
   deva-rājyaṃ mahā-tejāḥ   prāptavān akʰilaṃ vibʰuḥ /4/

Verse: 5 
Halfverse: a    yatʰā yudʰiṣṭʰiro rājā   bʰīmārjunapuraḥ saraḥ
   yatʰā yudʰiṣṭʰiro rājā   bʰīma_arjuna-puraḥ saraḥ /
Halfverse: c    sadr̥śo devarājena   samr̥ddʰyā vikrameṇa ca
   sadr̥śo deva-rājena   samr̥ddʰyā vikrameṇa ca /5/

Verse: 6 
Halfverse: a    atʰa kasmāt sa nakulo   garhayām āsa taṃ kratum
   atʰa kasmāt sa nakulo   garhayām āsa taṃ kratum /
Halfverse: c    aśvamedʰaṃ mahāyajñaṃ   rājñas tasya mahātmanaḥ
   aśva-medʰaṃ mahā-yajñaṃ   rājñas tasya mahātmanaḥ /6/

Verse: 7  {Vaiśaṃpāyana uvāca}
Halfverse: a    yajñasya vidʰim agryaṃ vai   pʰalaṃ caiva nararṣabʰa
   yajñasya vidʰim agryaṃ vai   pʰalaṃ caiva nara-r̥ṣabʰa /
Halfverse: c    gadataḥ śr̥ṇu me rājan   yatʰāvad iha bʰārata
   gadataḥ śr̥ṇu me rājan   yatʰāvad iha bʰārata /7/

Verse: 8 
Halfverse: a    purā śakrasya yajataḥ   sarva ūcur maharṣayaḥ
   purā śakrasya yajataḥ   sarva\ ūcur maharṣayaḥ / ՙ
Halfverse: c    r̥tvikṣu karma vyagreṣu   vitato yajñakarmaṇi
   r̥tvikṣu karma vyagreṣu   vitato yajña-karmaṇi /8/

Verse: 9 
Halfverse: a    hūyamāne tatʰā vahnau   hotre bahuguṇānvite
   hūyamāne tatʰā vahnau   hotre bahu-guṇa_anvite /
Halfverse: c    deveṣv āhūyamāneṣu   stʰiteṣu paramarṣiṣu
   deveṣv āhūyamāneṣu   stʰiteṣu parama-r̥ṣiṣu /9/ 9

Verse: 10 
Halfverse: a    supratītais tadā vipraiḥ   svāgamaiḥ susvanair nr̥pa
   su-pratītais tadā vipraiḥ   svāgamaiḥ susvanair nr̥pa /
Halfverse: c    aśrāntaiś cāpi lagʰubʰir   adʰvaryu vr̥ṣabʰais tatʰā
   aśrāntaiś ca_api lagʰubʰir   adʰvaryu vr̥ṣabʰais tatʰā /10/ 10

Verse: 11 
Halfverse: a    ālambʰa samaye tasmin   gr̥hīteṣu paśuṣv atʰa
   ālambʰa samaye tasmin   gr̥hīteṣu paśuṣv atʰa /
Halfverse: c    maharṣayo mahārāja   saṃbabʰūvuḥ kr̥pānvitāḥ
   maharṣayo mahā-rāja   saṃbabʰūvuḥ kr̥pā_anvitāḥ /11/

Verse: 12 
Halfverse: a    tato dīnān paśūn dr̥ṣṭvā   r̥ṣayas te tapodʰanāḥ
   tato dīnān paśūn dr̥ṣṭvā r̥ṣayas te tapo-dʰanāḥ / ՙ
Halfverse: c    ūcuḥ śakraṃ samāgamya   nāyaṃ yajñavidʰiḥ śubʰaḥ
   ūcuḥ śakraṃ samāgamya   na_ayaṃ yajña-vidʰiḥ śubʰaḥ /12/

Verse: 13 
Halfverse: a    apavijñānam etat te   mahāntaṃ dʰarmam iccʰataḥ
   apavijñānam etat te   mahāntaṃ dʰarmam iccʰataḥ /
Halfverse: c    na hi yajñe paśugaṇā   vidʰidr̥ṣṭāḥ puraṃdara
   na hi yajñe paśu-gaṇā   vidʰi-dr̥ṣṭāḥ puraṃ-dara /13/

Verse: 14 
Halfverse: a    dʰarmopagʰātakas tv eṣa   samārambʰas tava prabʰo
   dʰarma_upagʰātakas tv eṣa   samārambʰas tava prabʰo /
Halfverse: c    nāyaṃ dʰarmakr̥to dʰarmo   na hiṃsā dʰarma ucyate
   na_ayaṃ dʰarma-kr̥to dʰarmo   na hiṃsā dʰarma\ ucyate /14/ ՙ

Verse: 15 
Halfverse: a    āgamenaiva te yajñaṃ   kurvantu yadi heccʰasi
   āgamena_eva te yajñaṃ   kurvantu yadi ha_iccʰasi /
Halfverse: c    vidʰidr̥ṣṭena yajñena   dʰarmas te sumahān bʰavet
   vidʰi-dr̥ṣṭena yajñena   dʰarmas te su-mahān bʰavet /15/

Verse: 16 
Halfverse: a    yaja bījaiḥ sahasrākṣa   trivarṣa paramoṣitaiḥ
   yaja bījaiḥ sahasra_akṣa   tri-varṣa parama_uṣitaiḥ /
Halfverse: c    eṣa dʰarmo mahāñ śakra   cintyamāno 'dʰigamyate
   eṣa dʰarmo mahān śakra   cintyamāno_adʰigamyate /16/

Verse: 17 
Halfverse: a    śatakratus tu tad vākyam   r̥ṣibʰis tattvadarśibʰiḥ
   śata-kratus tu tad vākyam   r̥ṣibʰis tattva-darśibʰiḥ /
Halfverse: c    uktaṃ na pratijagrāha   mānamohavaśānugaḥ
   uktaṃ na pratijagrāha   māna-moha-vaśa_anugaḥ /17/

Verse: 18 
Halfverse: a    teṣāṃ vivādaḥ sumahāñ   jajñe śakra maharṣiṇām
   teṣāṃ vivādaḥ su-mahān   jajñe śakra maharṣiṇām /
Halfverse: c    jaṅgamaiḥ stʰāvarair vāpi   yaṣṭavyam iti bʰārata
   jaṅgamaiḥ stʰāvarair vā_api   yaṣṭavyam iti bʰārata /18/

Verse: 19 
Halfverse: a    te tu kʰinnā vivādena   r̥ṣayas tattvadarśinaḥ
   te tu kʰinnā vivādena r̥ṣayas tattva-darśinaḥ / ՙ
Halfverse: c    tataḥ saṃdʰāya śakreṇa   papraccʰur nr̥patiṃ vasum
   tataḥ saṃdʰāya śakreṇa   papraccʰur nr̥patiṃ vasum /19/

Verse: 20 
Halfverse: a    mahābʰāga katʰaṃ yajñeṣv   āgamo nr̥pate smr̥taḥ
   mahā-bʰāga katʰaṃ yajñeṣv   āgamo nr̥pate smr̥taḥ /
Halfverse: c    yaṣṭavyaṃ paśubʰir medʰyair   atʰo bījair ajair api
   yaṣṭavyaṃ paśubʰir medʰyair   atʰo bījair ajair api /20/ 20

Verse: 21 
Halfverse: a    tac cʰrutvā tu vacas teṣām   avicārya balābalam
   tat śrutvā tu vacas teṣām   avicārya bala_abalam /
Halfverse: c    yatʰopanītair yaṣṭavyam   iti provāca pārtʰivaḥ
   yatʰā_upanītair yaṣṭavyam   iti provāca pārtʰivaḥ /21/

Verse: 22 
Halfverse: a    evam uktvā sa nr̥patiḥ   praviveśa rasātalam
   evam uktvā sa nr̥patiḥ   praviveśa rasā-talam /
Halfverse: c    uktveha vitatʰaṃ rājaṃś   cedīnām īśvaraḥ prabʰuḥ
   uktvā_iha vitatʰaṃ rājaṃś   cedīnām īśvaraḥ prabʰuḥ /22/

Verse: 23 
Halfverse: a    anyāyopagataṃ dravyam   atītaṃ yo hy apaṇḍitaḥ
   anyāya_upagataṃ dravyam   atītaṃ yo hy apaṇḍitaḥ /
Halfverse: c    dʰarmābʰikāṅkṣī yajate   na dʰarmapʰalam aśnute
   dʰarma_abʰikāṅkṣī yajate   na dʰarma-pʰalam aśnute /23/ 23

Verse: 24 
Halfverse: a    dʰarmavaitaṃsiko yas tu   pāpātmā puruṣas tatʰā
   dʰarma-vaitaṃsiko yas tu   pāpa_ātmā puruṣas tatʰā /
Halfverse: c    dadāti dānaṃ viprebʰyo   lokaviśvāsa kārakam
   dadāti dānaṃ viprebʰyo   loka-viśvāsa kārakam /24/

Verse: 25 
Halfverse: a    pāpena karmaṇā vipro   dʰanaṃ labdʰvā niraṅkuśaḥ
   pāpena karmaṇā vipro   dʰanaṃ labdʰvā niraṅkuśaḥ /
Halfverse: c    rāgamohānvitaḥ so 'nte   kaluṣāṃ gatim āpnute
   rāga-moha_anvitaḥ so_ante   kaluṣāṃ gatim āpnute /25/

Verse: 26 
Halfverse: a    tena dattāni dānāni   pāpena hatabuddʰinā
   tena dattāni dānāni   pāpena hata-buddʰinā /
Halfverse: c    tāni sattvam anāsādya   naśyanti vipulāny api
   tāni sattvam anāsādya   naśyanti vipulāny api /26/

Verse: 27 
Halfverse: a    tasyādʰarma pravr̥ttasya   hiṃsakasya durātmanaḥ
   tasya_adʰarma pravr̥ttasya   hiṃsakasya durātmanaḥ /
Halfverse: c    dāne na kīrtir bʰavati   pretya ceha ca durmateḥ
   dāne na kīrtir bʰavati   pretya ca_iha ca durmateḥ /27/

Verse: 28 
Halfverse: a    api saṃcayabuddʰir hi   lobʰamohavaśaṃ gataḥ
   api saṃcaya-buddʰir hi   lobʰa-moha-vaśaṃ gataḥ /
Halfverse: c    udvejayati bʰūtāni   hiṃsayā pāpacetanaḥ
   udvejayati bʰūtāni   hiṃsayā pāpa-cetanaḥ /28/

Verse: 29 
Halfverse: a    evaṃ labdʰvā dʰanaṃ lobʰād   yajate yo dadāti ca
   evaṃ labdʰvā dʰanaṃ lobʰād   yajate yo dadāti ca /
Halfverse: c    sa kr̥tvā karmaṇā tena   na sidʰyati durāgamāt
   sa kr̥tvā karmaṇā tena   na sidʰyati durāgamāt /29/

Verse: 30 
Halfverse: a    uñcʰaṃ mūlaṃ pʰalaṃ śākam   udapātraṃ tapodʰanāḥ
   uñcʰaṃ mūlaṃ pʰalaṃ śākam   uda-pātraṃ tapo-dʰanāḥ / ՙ
Halfverse: c    dānaṃ vibʰavato dattvā   narāḥ svar yānti dʰarmiṇaḥ
   dānaṃ vibʰavato dattvā   narāḥ svar yānti dʰarmiṇaḥ /30/ 30

Verse: 31 
Halfverse: a    eṣa dʰarmo mahāṃs tyāgo   dānaṃ bʰūtadayā tatʰā
   eṣa dʰarmo mahāṃs tyāgo   dānaṃ bʰūta-dayā tatʰā /
Halfverse: c    brahmacaryaṃ tatʰā satyam   anukrośo dʰr̥tiḥ kṣamā
   brahma-caryaṃ tatʰā satyam   anukrośo dʰr̥tiḥ kṣamā /
Halfverse: e    sanātanasya dʰarmasya   mūlam etat sanātanam
   sanātanasya dʰarmasya   mūlam etat sanātanam /31/

Verse: 32 
Halfverse: a    śrūyante hi purā viprā   viśvāmitrādayo nr̥pāḥ
   śrūyante hi purā viprā   viśvāmitra_ādayo nr̥pāḥ /
Halfverse: c    viśvāmitro 'sitaś caiva   janakaś ca mahīpatiḥ
   viśvāmitro_asitaś caiva   janakaś ca mahī-patiḥ /
Halfverse: e    kakṣasenārṣṭiṣeṇo ca   sindʰudvīpaś ca pārtʰivaḥ
   kakṣa-sena_ārṣṭiṣeṇo ca   sindʰu-dvīpaś ca pārtʰivaḥ /32/

Verse: 33 
Halfverse: a    ete cānye ca bahavaḥ   siddʰiṃ paramikāṃ gatāḥ
   ete ca_anye ca bahavaḥ   siddʰiṃ paramikāṃ gatāḥ /
Halfverse: c    nr̥pāḥ satyaś ca dānaś ca   nyāyalabdʰais tapodʰanāḥ
   nr̥pāḥ satyaś ca dānaś ca   nyāya-labdʰais tapo-dʰanāḥ /33/

Verse: 34 
Halfverse: a    brāhmaṇāḥ kṣatriyā vaiśyāḥ   śūdrā ye cāśritās tapaḥ
   brāhmaṇāḥ kṣatriyā vaiśyāḥ   śūdrā ye ca_āśritās tapaḥ /
Halfverse: c    dānadʰarmāgninā śuddʰās   te svargaṃ yānti bʰārata
   dāna-dʰarma_agninā śuddʰās   te svargaṃ yānti bʰārata /34/ (E)34



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.