TITUS
Mahabharata
Part No. 1936
Previous part

Chapter: 5 
Adhyāya 5


Verse: 1  {Dʰr̥tarāṣṭra uvāca}
Halfverse: a    viditaṃ bʰavatām etad   yatʰāvr̥ttaḥ kuru kṣayaḥ
   viditaṃ bʰavatām etad   yatʰā-vr̥ttaḥ kuru kṣayaḥ /
Halfverse: c    mamāparādʰāt tat sarvam   iti jñeyaṃ tu kauravāḥ
   mama_aparādʰāt tat sarvam   iti jñeyaṃ tu kauravāḥ /1/

Verse: 2 
Halfverse: a    yo 'haṃ duṣṭamatiṃ mūḍʰaṃ   jñātīnāṃ bʰayavardʰanam
   yo_ahaṃ duṣṭa-matiṃ mūḍʰaṃ   jñātīnāṃ bʰaya-vardʰanam /
Halfverse: c    duryodʰanaṃ kauravāṇām   ādʰipatye 'bʰyaṣecayam
   duryodʰanaṃ kauravāṇām   ādʰipatye_abʰyaṣecayam /2/

Verse: 3 
Halfverse: a    yac cāhaṃ vāsudevasya   vākyaṃ nāśrauṣam artʰavat
   yac ca_ahaṃ vāsudevasya   vākyaṃ na_aśrauṣam artʰavat /
Halfverse: c    vadʰyatāṃ sādʰv ayaṃ pāpaḥ   sāmātya iti durmatiḥ
   vadʰyatāṃ sādʰv ayaṃ pāpaḥ   sāmātya\ iti durmatiḥ /3/

Verse: 4 
Halfverse: a    putrasnehābʰibʰūtaś ca   hitamukto manīṣibʰiḥ
   putra-sneha_abʰibʰūtaś ca   hita-mukto manīṣibʰiḥ /
Halfverse: c    vidureṇātʰa bʰīṣmeṇa   droṇena ca kr̥peṇa ca
   vidureṇa_atʰa bʰīṣmeṇa   droṇena ca kr̥peṇa ca /4/

Verse: 5 
Halfverse: a    pade pade bʰagavatā   vyāsena ca mahātmanā
   pade pade bʰagavatā   vyāsena ca mahātmanā /
Halfverse: c    saṃjayenātʰa gāndʰāryā   tad idaṃ tapyate 'dya mām
   saṃjayena_atʰa gāndʰāryā   tad idaṃ tapyate_adya mām /5/

Verse: 6 
Halfverse: a    yac cāhaṃ pāṇḍuputreṇa   guṇavatsu mahātmasu
   yac ca_ahaṃ pāṇḍu-putreṇa   guṇavatsu mahātmasu /
Halfverse: c    na dattavāñ śriyaṃ dīptāṃ   pitr̥paitāmahīm imām
   na dattavān śriyaṃ dīptāṃ   pitr̥-paitāmahīm imām /6/

Verse: 7 
Halfverse: a    vināśaṃ paśyamāno hi   sarvarājñāṃ gadāgrajaḥ
   vināśaṃ paśyamāno hi   sarva-rājñāṃ gadā_agrajaḥ /
Halfverse: c    etac cʰreyaḥ sa paramam   amanyata janārdanaḥ
   etat śreyaḥ sa paramam   amanyata janārdanaḥ /7/

Verse: 8 
Halfverse: a    so 'ham etāny alīkāni   nivr̥ttāny ātmanaḥ sadā
   so_aham etāny alīkāni   nivr̥ttāny ātmanaḥ sadā /
Halfverse: c    hr̥daye śalya bʰūtāni   dʰārayāmi sahasraśaḥ
   hr̥daye śalya bʰūtāni   dʰārayāmi sahasraśaḥ /8/

Verse: 9 
Halfverse: a    viśeṣatas tu dahyāmi   varṣaṃ pañcadaśaṃ hi vai
   viśeṣatas tu dahyāmi   varṣaṃ pañca-daśaṃ hi vai /
Halfverse: c    asya pāpasya śuddʰy artʰaṃ   niyato 'smi sudurmatiḥ
   asya pāpasya śuddʰy artʰaṃ   niyato_asmi sudurmatiḥ /9/

Verse: 10 
Halfverse: a    caturtʰe niyate kāle   kadā cid api cāṣṭame
   caturtʰe niyate kāle   kadācid api ca_aṣṭame /
Halfverse: c    tr̥ṣṇā vinayanaṃ bʰuñje   gāndʰārī veda tan mama
   tr̥ṣṇā vinayanaṃ bʰuñje   gāndʰārī veda tan mama /10/ 10

Verse: 11 
Halfverse: a    karoty āhāram iti māṃ   sarvaḥ parijanaḥ sadā
   karoty āhāram iti māṃ   sarvaḥ parijanaḥ sadā /
Halfverse: c    yudʰiṣṭʰira bʰayād vetti   bʰr̥śaṃ tapyati pāṇḍavaḥ
   yudʰiṣṭʰira bʰayād vetti   bʰr̥śaṃ tapyati pāṇḍavaḥ /11/

Verse: 12 
Halfverse: a    bʰūmau śaye japyaparo   darbʰeṣv ajina saṃvr̥taḥ
   bʰūmau śaye japya-paro   darbʰeṣv ajina saṃvr̥taḥ /
Halfverse: c    niyamavyapadeśena   gāndʰārī ca yaśasvinī
   niyama-vyapadeśena   gāndʰārī ca yaśasvinī /12/

Verse: 13 
Halfverse: a    hataṃ putraśataṃ śūraṃ   saṃgrāmeṣv apalāyinam
   hataṃ putra-śataṃ śūraṃ   saṃgrāmeṣv apalāyinam /
Halfverse: c    nānutapyāmi tac cāhaṃ   kṣatradʰarmaṃ hi taṃ viduḥ
   na_anutapyāmi tac ca_ahaṃ   kṣatra-dʰarmaṃ hi taṃ viduḥ /
Halfverse: e    ity uktvā dʰarmarājānam   abʰyabʰāṣata kauravaḥ
   ity uktvā dʰarma-rājānam   abʰyabʰāṣata kauravaḥ /13/

Verse: 14 
Halfverse: a    bʰadraṃ te yādavī mātar   vākyaṃ cedaṃ nibodʰa me
   bʰadraṃ te yādavī mātar   vākyaṃ ca_idaṃ nibodʰa me /
Halfverse: c    sukʰam asmy uṣitaḥ putra   tvayā suparipālitaḥ
   sukʰam asmy uṣitaḥ putra   tvayā suparipālitaḥ /14/

Verse: 15 
Halfverse: a    mahādānāni dattāni   śrāddʰāni ca punaḥ punaḥ
   mahā-dānāni dattāni   śrāddʰāni ca punaḥ punaḥ /
Halfverse: c    prakr̥ṣṭaṃ me vayaḥ putra   puṇyaṃ cīrṇaṃ yatʰābalam
   prakr̥ṣṭaṃ me vayaḥ putra   puṇyaṃ cīrṇaṃ yatʰā-balam /
Halfverse: e    gāndʰārī hataputreyaṃ   dʰairyeṇodīkṣate ca mām
   gāndʰārī hata-putrā_iyaṃ   dʰairyeṇa_udīkṣate ca mām /15/

Verse: 16 
Halfverse: a    draupadyā hy apakartāras   tava caiśvaryahāriṇaḥ
   draupadyā hy apakartāras   tava ca_aiśvarya-hāriṇaḥ /
Halfverse: c    samatītā nr̥śaṃsās te   dʰarmeṇa nihatā yudʰi
   samatītā nr̥śaṃsās te   dʰarmeṇa nihatā yudʰi /16/

Verse: 17 
Halfverse: a    na teṣu pratikartavyaṃ   paśyāmi kurunandana
   na teṣu pratikartavyaṃ   paśyāmi kuru-nandana /
Halfverse: c    sarve śastrajitām̐l lokān   gatās te 'bʰimukʰaṃ hatāḥ
   sarve śastra-jitām̐l lokān   gatās te_abʰimukʰaṃ hatāḥ /17/

Verse: 18 
Halfverse: a    ātmanas tu hitaṃ mukʰyaṃ   pratikartavyam adya me
   ātmanas tu hitaṃ mukʰyaṃ   pratikartavyam adya me /
Halfverse: c    gāndʰāryāś caiva rājendra   tadanujñātum arhasi
   gāndʰāryāś caiva rāja_indra   tad-anujñātum arhasi /18/

Verse: 19 
Halfverse: a    tvaṃ hi dʰarmabʰr̥tāṃ śreṣṭʰaḥ   satataṃ dʰarmavatsalaḥ
   tvaṃ hi dʰarma-bʰr̥tāṃ śreṣṭʰaḥ   satataṃ dʰarma-vatsalaḥ /
Halfverse: c    rājā guruḥ prāṇabʰr̥tāṃ   tasmād etad bravīmy aham
   rājā guruḥ prāṇa-bʰr̥tāṃ   tasmād etad bravīmy aham /19/

Verse: 20 
Halfverse: a    anujñātas tvayā vīra   saṃśrayeyaṃ vanāny aham
   anujñātas tvayā vīra   saṃśrayeyaṃ vanāny aham /
Halfverse: c    cīravalkala bʰr̥d rājan   gāndʰāryā sahito 'nayā
   cīra-valkala bʰr̥d rājan   gāndʰāryā sahito_anayā /
Halfverse: e    tavāśiṣaḥ prayuñjāno   bʰaviṣyāmi vanecaraḥ
   tava_āśiṣaḥ prayuñjāno   bʰaviṣyāmi vane-caraḥ /20/ 20

Verse: 21 
Halfverse: a    ucitaṃ naḥ kule tāta   sarveṣāṃ bʰaratarṣabʰa
   ucitaṃ naḥ kule tāta   sarveṣāṃ bʰarata-r̥ṣabʰa /
Halfverse: c    putreṣv aiśvaryam ādʰāya   vayaso 'nte vanaṃ nr̥pa
   putreṣv aiśvaryam ādʰāya   vayaso_ante vanaṃ nr̥pa /21/

Verse: 22 
Halfverse: a    tatrāhaṃ vāyubʰakṣo vā   nirāhāro 'pi vā vasan
   tatra_ahaṃ vāyu-bʰakṣo vā   nirāhāro_api vā vasan /
Halfverse: c    patnyā sahānayā vīra   cariṣyāmi tapaḥ param
   patnyā saha_anayā vīra   cariṣyāmi tapaḥ param /22/

Verse: 23 
Halfverse: a    tvaṃ cāpi pʰalabʰāk tāta   tapasaḥ pārtʰivo hy asi
   tvaṃ ca_api pʰala-bʰāk tāta   tapasaḥ pārtʰivo hy asi /
Halfverse: c    pʰalabʰājo hi rājānaḥ   kalyāṇasyetarasya vā
   pʰala-bʰājo hi rājānaḥ   kalyāṇasya_itarasya vā /23/ (E)23



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.