TITUS
Mahabharata
Part No. 392
Previous part

Chapter: 95 
Adhyāya 95


Verse: 1  {Lomaśa uvāca}
Halfverse: a    yadā tv amanyatāgastyo   gārhastʰye tāṃ kṣamām iti
   yadā tv amanyata_agastyo   gārhastʰye tāṃ kṣamām iti /
Halfverse: c    tadābʰigamya provāca   vaidarbʰaṃ pr̥tʰivīpatim
   tadā_abʰigamya provāca   vaidarbʰaṃ pr̥tʰivī-patim /1/

Verse: 2 
Halfverse: a    rājan niveśe buddʰir me   vartate putrakāraṇāt
   rājan niveśe buddʰir me   vartate putra-kāraṇāt /
Halfverse: c    varaye tvāṃ mahīpāla   lopāmudrāṃ prayaccʰa me
   varaye tvāṃ mahī-pāla   lopāmudrāṃ prayaccʰa me /2/

Verse: 3 
Halfverse: a    evam uktaḥ sa muninā   mahīpālo vicetanaḥ
   evam uktaḥ sa muninā   mahī-pālo vicetanaḥ /
Halfverse: c    pratyākʰyānāya cāśaktaḥ   pradātum api naiccʰata
   pratyākʰyānāya ca_aśaktaḥ   pradātum api na_aiccʰata /3/

Verse: 4 
Halfverse: a    tataḥ sabʰāryām abʰyetya   provāca pr̥tʰivīpatiḥ
   tataḥ sa-bʰāryām abʰyetya   provāca pr̥tʰivī-patiḥ /
Halfverse: c    maharṣir vīryavān eṣa   kruddʰaḥ śāpāgninā dahet
   maharṣir vīryavān eṣa   kruddʰaḥ śāpa_agninā dahet /4/

Verse: 5 
Halfverse: a    taṃ tatʰā duḥkʰitaṃ dr̥ṣṭvā   sabʰāryaṃ pr̥tʰivīpatim
   taṃ tatʰā duḥkʰitaṃ dr̥ṣṭvā   sa-bʰāryaṃ pr̥tʰivī-patim /
Halfverse: c    lopāmudrābʰigamyedaṃ   kāle vacanam abravīt
   lopāmudrā_abʰigamya_idaṃ   kāle vacanam abravīt /5/

Verse: 6 
Halfverse: a    na matkr̥te mahīpāla   pīḍām abʰyetum arhasi
   na mat-kr̥te mahī-pāla   pīḍām abʰyetum arhasi /
Halfverse: c    prayaccʰa mām agastyāya   trāhy ātmānaṃ mayā pitaḥ
   prayaccʰa mām agastyāya   trāhy ātmānaṃ mayā pitaḥ /6/

Verse: 7 
Halfverse: a    duhitur vacanād rājā   so 'gastyāya mahātmane
   duhitur vacanād rājā   so_agastyāya mahā_ātmane /
Halfverse: c    lopāmudrāṃ tataḥ prādād   vidʰipūrvaṃ viśāṃ pate
   lopāmudrāṃ tataḥ prādād   vidʰi-pūrvaṃ viśāṃ pate /7/

Verse: 8 
Halfverse: a    prāpya bʰāryām agastyas tu   lopāmudrām abʰāṣata
   prāpya bʰāryām agastyas tu   lopāmudrām abʰāṣata /
Halfverse: c    mahārhāṇy utsr̥jaitāni   vāsāṃsy ābʰaraṇāni ca
   mahā_arhāṇy utsr̥ja_etāni   vāsāṃsy ābʰaraṇāni ca /8/

Verse: 9 
Halfverse: a    tataḥ sā darśanīyāni   mahārhāṇi tanūni ca
   tataḥ sā darśanīyāni   mahā_arhāṇi tanūni ca /
Halfverse: c    samutsasarja rambʰorur   vasanāny āyatekṣaṇā
   samutsasarja rambʰa_ūrur   vasanāny āyata_īkṣaṇā /9/

Verse: 10 
Halfverse: a    tataś cīrāṇi jagrāha   valkalāny ajināni ca
   tataś cīrāṇi jagrāha   valkalāny ajināni ca /
Halfverse: c    samānavratacaryā ca   babʰūvāyata locanā
   samāna-vrata-caryā ca   babʰūva_āyata locanā /10/

Verse: 11 
Halfverse: a    gaṅgā dvāram atʰāgamya   bʰagavān r̥ṣisattamaḥ
   gaṅgā dvāram atʰa_āgamya   bʰagavān r̥ṣi-sattamaḥ /
Halfverse: c    ugram ātiṣṭʰata tapaḥ   saha patnyānukūlayā
   ugram ātiṣṭʰata tapaḥ   saha patnyā_anukūlayā /11/

Verse: 12 
Halfverse: a    sā prītyā bahumānāc ca   patiṃ paryacarat tadā
   sā prītyā bahu-mānāc ca   patiṃ paryacarat tadā /
Halfverse: c    agastyaś ca parāṃ prītiṃ   bʰāryāyām akarot prabʰuḥ
   agastyaś ca parāṃ prītiṃ   bʰāryāyām akarot prabʰuḥ /12/

Verse: 13 
Halfverse: a    tato bahutitʰe kāle   lopāmudrāṃ viśāṃ pate
   tato bahu-titʰe kāle   lopāmudrāṃ viśāṃ pate /
Halfverse: c    tapasā dyotitāṃ snātāṃ   dadarśa bʰagavān r̥ṣiḥ
   tapasā dyotitāṃ snātāṃ   dadarśa bʰagavān r̥ṣiḥ /13/

Verse: 14 
Halfverse: a    sa tasyāḥ paricāreṇa   śaucena ca damena ca
   sa tasyāḥ paricāreṇa   śaucena ca damena ca /
Halfverse: c    śriyā rūpeṇa ca prīto   maitʰunāyājuhāva tām
   śriyā rūpeṇa ca prīto   maitʰunāya_ājuhāva tām /14/

Verse: 15 
Halfverse: a    tataḥ sā prāñjalir bʰūtvā   lajjamāneva bʰāminī
   tataḥ sā prāñjalir bʰūtvā   lajjamānā_iva bʰāminī /
Halfverse: c    tadā sa praṇayaṃ vākyaṃ   bʰagavantam atʰābravīt
   tadā sa praṇayaṃ vākyaṃ   bʰagavantam atʰa_abravīt /15/

Verse: 16 
Halfverse: a    asaṃśayaṃ prajā hetor   bʰāryāṃ patir avindata
   asaṃśayaṃ prajā hetor   bʰāryāṃ patir avindata /
Halfverse: c    yā tu tvayi mama prītis   tām r̥ṣe kartum arhasi
   yā tu tvayi mama prītis   tām r̥ṣe kartum arhasi /16/

Verse: 17 
Halfverse: a    yatʰā pitur gr̥he vipra   prāsāde śayanaṃ mama
   yatʰā pitur gr̥he vipra   prāsāde śayanaṃ mama /
Halfverse: c    tatʰāvidʰe tvaṃ śayane   mām upetum ihārhasi
   tatʰā-vidʰe tvaṃ śayane   mām upetum iha_arhasi /17/

Verse: 18 
Halfverse: a    iccʰāmi tvāṃ sragviṇaṃ ca   bʰūṣaṇaiś ca vibʰūṣitam
   iccʰāmi tvāṃ sragviṇaṃ ca   bʰūṣaṇaiś ca vibʰūṣitam /
Halfverse: c    upasartuṃ yatʰākāmaṃ   divyābʰaraṇabʰūṣitā
   upasartuṃ yatʰā-kāmaṃ   divya_ābʰaraṇa-bʰūṣitā /18/

Verse: 19  {Agastya uvāca}
Halfverse: a    na vai dʰanāni vidyante   lopāmudre tatʰā mama
   na vai dʰanāni vidyante   lopāmudre tatʰā mama /
Halfverse: c    yatʰāvidʰāni kalyāṇi   pitur tava sumadʰyame
   yatʰā-vidʰāni kalyāṇi   pitur tava sumadʰyame /19/

Verse: 20  {Lopāmudrovāca}
Halfverse: a    īśo 'si tapasā sarvaṃ   samāhartum iheśvara
   īśo_asi tapasā sarvaṃ   samāhartum iha_īśvara /
Halfverse: c    kṣaṇena jīvaloke yad   vasu kiṃ cana vidyate
   kṣaṇena jīva-loke yad   vasu kiṃcana vidyate /20/

Verse: 21  {Agastya uvāca}
Halfverse: a    evam etad yatʰāttʰa tvaṃ   tapo vyayakaraṃ tu me
   evam etad yatʰā_āttʰa tvaṃ   tapo vyaya-karaṃ tu me /
Halfverse: c    yatʰā tu me na naśyeta   tapas tan māṃ pracodaya
   yatʰā tu me na naśyeta   tapas tan māṃ pracodaya /21/

Verse: 22  {Lopāmudrovāca}
Halfverse: a    alpāvaśiṣṭaḥ kālo 'yam   r̥tau mama tapodʰana
   alpa_avaśiṣṭaḥ kālo_ayam   r̥tau mama tapo-dʰana /
Halfverse: c    na cānyatʰāham iccʰāmi   tvām upetuṃ katʰaṃ cana
   na ca_anyatʰā_aham iccʰāmi   tvām upetuṃ katʰaṃcana /22/

Verse: 23 
Halfverse: a    na cāpi dʰarmam iccʰāmi   viloptuṃ te tapodʰana
   na ca_api dʰarmam iccʰāmi   viloptuṃ te tapo-dʰana /
Halfverse: c    etat tu me yatʰākāmaṃ   saṃpādayitum arhasi
   etat tu me yatʰā-kāmaṃ   saṃpādayitum arhasi /23/

Verse: 24 
Halfverse: a    yady eṣa kāmaḥ subʰage   tava buddʰyā viniś citaḥ
   yady eṣa kāmaḥ subʰage   tava buddʰyā viniś citaḥ /
Halfverse: c    hanta gaccʰāmy ahaṃ bʰadre   cara kāmam iha stʰitā
   hanta gaccʰāmy ahaṃ bʰadre   cara kāmam iha stʰitā /24/ (E)



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.