TITUS
Ramayana
Part No. 182
Previous part

Chapter: 105 
Adhyāya 105


Verse: 1 
Halfverse: a    tataḥ śirasi kr̥tvā tu   pāduke bʰaratas tadā
   tataḥ śirasi kr̥tvā tu   pāduke bʰaratas tadā /
Halfverse: c    āruroha ratʰaṃ hr̥ṣṭaḥ   śatrugʰnena samanvitaḥ
   āruroha ratʰaṃ hr̥ṣṭaḥ   śatrugʰnena samanvitaḥ /1/

Verse: 2 
Halfverse: a    vasiṣṭʰo vāmadevaś ca   jābāliś ca dr̥ḍʰavrataḥ
   vasiṣṭʰo vāmadevaś ca   jābāliś ca dr̥ḍʰa-vrataḥ /
Halfverse: c    agrataḥ prayayuḥ sarve   mantriṇo mantrapūjitāḥ
   agrataḥ prayayuḥ sarve   mantriṇo mantra-pūjitāḥ /2/

Verse: 3 
Halfverse: a    mandākinīṃ nadīṃ ramyāṃ   prāṅmukʰās te yayus tadā
   mandākinīṃ nadīṃ ramyāṃ   prāṅ-mukʰās te yayus tadā /
Halfverse: c    pradakṣiṇaṃ ca kurvāṇāś   citrakūṭaṃ mahāgirim
   pradakṣiṇaṃ ca kurvāṇāś   citra-kūṭaṃ mahā-girim /3/

Verse: 4 
Halfverse: a    paśyan dʰātusahasrāṇi   ramyāṇi vividʰāni ca
   paśyan dʰātu-sahasrāṇi   ramyāṇi vividʰāni ca /
Halfverse: c    prayayau tasya pārśvena   sasainyo bʰaratas tadā
   prayayau tasya pārśvena   sasainyo bʰaratas tadā /4/

Verse: 5 
Halfverse: a    adūrāc citrakūṭasya   dadarśa bʰaratas tadā
   adūrāc citra-kūṭasya   dadarśa bʰaratas tadā /
Halfverse: c    āśramaṃ yatra sa munir   bʰaradvājaḥ kr̥tālayaḥ
   āśramaṃ yatra sa munir   bʰaradvājaḥ kr̥ta_ālayaḥ /5/

Verse: 6 
Halfverse: a    sa tam āśramam āgamya   bʰaradvājasya buddʰimān
   sa tam āśramam āgamya   bʰaradvājasya buddʰimān /
Halfverse: c    avatīrya ratʰāt pādau   vavande kulanandanaḥ
   avatīrya ratʰāt pādau   vavande kula-nandanaḥ /6/

Verse: 7 
Halfverse: a    tato hr̥ṣṭo bʰaradvājo   bʰarataṃ vākyam abravīt
   tato hr̥ṣṭo bʰaradvājo   bʰarataṃ vākyam abravīt /
Halfverse: c    api kr̥tyaṃ kr̥taṃ tāta   rāmeṇa ca samāgatam
   api kr̥tyaṃ kr̥taṃ tāta   rāmeṇa ca samāgatam /7/

Verse: 8 
Halfverse: a    evam uktas tu bʰarato   bʰaradvājena dʰīmatā
   evam uktas tu bʰarato   bʰaradvājena dʰīmatā /
Halfverse: c    pratyuvāca bʰaradvājaṃ   bʰarato dʰarmavatsalaḥ
   pratyuvāca bʰaradvājaṃ   bʰarato dʰarma-vatsalaḥ /8/

Verse: 9 
Halfverse: a    sa yācyamāno guruṇā   mayā ca dr̥ḍʰavikramaḥ
   sa yācyamāno guruṇā   mayā ca dr̥ḍʰa-vikramaḥ /
Halfverse: c    rāgʰavaḥ paramaprīto   vasiṣṭʰaṃ vākyam abravīt
   rāgʰavaḥ parama-prīto   vasiṣṭʰaṃ vākyam abravīt /9/

Verse: 10 
Halfverse: a    pituḥ pratijñāṃ tām eva   pālayiṣyāmi tattvataḥ
   pituḥ pratijñāṃ tām eva   pālayiṣyāmi tattvataḥ /
Halfverse: c    caturdaśa hi varṣāṇi   ya pratijñā pitur mama
   caturdaśa hi varṣāṇi   ya pratijñā pitur mama /10/

Verse: 11 
Halfverse: a    evam ukto mahāprājño   vasiṣṭʰaḥ pratyuvāca ha
   evam ukto mahā-prājño   vasiṣṭʰaḥ pratyuvāca ha /
Halfverse: c    vākyajño vākyakuśalaṃ   rāgʰavaṃ vacanaṃ mahat
   vākyajño vākya-kuśalaṃ   rāgʰavaṃ vacanaṃ mahat /11/

Verse: 12 
Halfverse: a    ete prayaccʰa saṃhr̥ṣṭaḥ   pāduke hemabʰūṣite
   ete prayaccʰa saṃhr̥ṣṭaḥ   pāduke hema-bʰūṣite /
Halfverse: c    ayodʰyāyāṃ mahāprājña   yogakṣemakare tava
   ayodʰyāyāṃ mahā-prājña   yoga-kṣema-kare tava /12/

Verse: 13 
Halfverse: a    evam ukto vasiṣṭʰena   rāgʰavaḥ prāṅmukʰaḥ stʰitaḥ
   evam ukto vasiṣṭʰena   rāgʰavaḥ prāṅ-mukʰaḥ stʰitaḥ /
Halfverse: c    pāduke hemavikr̥te   mama rājyāya te dadau
   pāduke hema-vikr̥te   mama rājyāya te dadau /13/

Verse: 14 
Halfverse: a    nivr̥tto 'ham anujñāto   rāmeṇa sumahātmanā
   nivr̥tto_aham anujñāto   rāmeṇa sumahātmanā /
Halfverse: c    ayodʰyām eva gaccʰāmi   gr̥hītvā pāduke śubʰe
   ayodʰyām eva gaccʰāmi   gr̥hītvā pāduke śubʰe /14/

Verse: 15 
Halfverse: a    etac cʰrutvā śubʰaṃ vākyaṃ   bʰaratasya mahātmanaḥ
   etat śrutvā śubʰaṃ vākyaṃ   bʰaratasya mahātmanaḥ /
Halfverse: c    bʰaradvājaḥ śubʰataraṃ   munir vākyam udāharat
   bʰaradvājaḥ śubʰataraṃ   munir vākyam udāharat /15/

Verse: 16 
Halfverse: a    naitac citraṃ naravyāgʰra   śīlavr̥ttavatāṃ vara
   na_etac citraṃ nara-vyāgʰra   śīla-vr̥ttavatāṃ vara /
Halfverse: c    yad āryaṃ tvayi tiṣṭʰet tu   nimne vr̥ṣṭim ivodakam
   yad āryaṃ tvayi tiṣṭʰet tu   nimne vr̥ṣṭim iva_udakam /16/

Verse: 17 
Halfverse: a    amr̥taḥ sa mahābāhuḥ   pitā daśaratʰas tava
   amr̥taḥ sa mahā-bāhuḥ   pitā daśaratʰas tava /
Halfverse: c    yasya tvam īdr̥śaḥ putro   dʰarmātmā dʰarmavatsalaḥ
   yasya tvam īdr̥śaḥ putro   dʰarma_ātmā dʰarma-vatsalaḥ /17/

Verse: 18 
Halfverse: a    tam r̥ṣiṃ tu mahātmānam   uktavākyaṃ kr̥tāñjaliḥ
   tam r̥ṣiṃ tu mahātmānam   ukta-vākyaṃ kr̥ta_añjaliḥ /
Halfverse: c    āmantrayitum ārebʰe   caraṇāv upagr̥hya ca
   āmantrayitum ārebʰe   caraṇāv upagr̥hya ca /18/

Verse: 19 
Halfverse: a    tataḥ pradakṣiṇaṃ kr̥tvā   bʰaradvājaṃ punaḥ punaḥ
   tataḥ pradakṣiṇaṃ kr̥tvā   bʰaradvājaṃ punaḥ punaḥ /
Halfverse: c    bʰaratas tu yayau śrīmān   ayodʰyāṃ saha mantribʰiḥ
   bʰaratas tu yayau śrīmān   ayodʰyāṃ saha mantribʰiḥ /19/

Verse: 20 
Halfverse: a    yānaiś ca śakaṭaiś caiva   hayaiś nāgaiś ca sā camūḥ
   yānaiś ca śakaṭaiś caiva   hayaiś nāgaiś ca sā camūḥ /
Halfverse: c    punar nivr̥ttā vistīrṇā   bʰaratasyānuyāyinī
   punar nivr̥ttā vistīrṇā   bʰaratasya_anuyāyinī /20/

Verse: 21 
Halfverse: a    tatas te yamunāṃ divyāṃ   nadīṃ tīrtvormimālinīm
   tatas te yamunāṃ divyāṃ   nadīṃ tīrtvā_ūrmi-mālinīm /
Halfverse: c    dadr̥śus tāṃ punaḥ sarve   gaṅgāṃ śivajalāṃ nadīm
   dadr̥śus tāṃ punaḥ sarve   gaṅgāṃ śiva-jalāṃ nadīm /21/

Verse: 22 
Halfverse: a    tāṃ ramyajalasaṃpūrṇāṃ   saṃtīrya saha bāndʰavaḥ
   tāṃ ramya-jala-saṃpūrṇāṃ   saṃtīrya saha bāndʰavaḥ /
Halfverse: c    śr̥ṅgaverapuraṃ ramyaṃ   praviveśa sasainikaḥ
   śr̥ṅga-vera-puraṃ ramyaṃ   praviveśa sasainikaḥ /22/

Verse: 23 
Halfverse: a    śr̥ṅgaverapurād bʰūya   ayodʰyāṃ saṃdadarśa ha
   śr̥ṅga-vera-purād bʰūya   ayodʰyāṃ saṃdadarśa ha /
Halfverse: c    bʰarato duḥkʰasaṃtaptaḥ   sāratʰiṃ cedam abravīt
   bʰarato duḥkʰa-saṃtaptaḥ   sāratʰiṃ ca_idam abravīt /23/

Verse: 24 
Halfverse: a    sāratʰe paśya vidʰvastā   ayodʰyā na prakāśate
   sāratʰe paśya vidʰvastā   ayodʰyā na prakāśate /
Halfverse: c    nirākārā nirānandā   dīnā pratihatasvanā
   nirākārā nirānandā   dīnā pratihata-svanā /24/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.