TITUS
Ramayana
Part No. 184
Previous part

Chapter: 107 
Adhyāya 107


Verse: 1 
Halfverse: a    tato nikṣipya mātr̥̄ḥ sa   ayodʰyāyāṃ dr̥ḍʰavrataḥ {!}
   tato nikṣipya mātr̥̄ḥ sa   ayodʰyāyāṃ dr̥ḍʰa-vrataḥ / {!}
Halfverse: c    bʰarataḥ śokasaṃtapto   gurūn idam atʰābravīt
   bʰarataḥ śoka-saṃtapto   gurūn idam atʰa_abravīt /1/

Verse: 2 
Halfverse: a    nandigrāmaṃ gamiṣyāmi   sarvān āmantraye 'dya vaḥ
   nandi-grāmaṃ gamiṣyāmi   sarvān āmantraye_adya vaḥ /
Halfverse: c    tatra duḥkʰam idaṃ sarvaṃ   sahiṣye rāgʰavaṃ vinā
   tatra duḥkʰam idaṃ sarvaṃ   sahiṣye rāgʰavaṃ vinā /2/

Verse: 3 
Halfverse: a    gataś ca hi divaṃ rājā   vanastʰaś ca gurur mama
   gataś ca hi divaṃ rājā   vanastʰaś ca gurur mama /
Halfverse: c    rāmaṃ pratīkṣe rājyāya   sa hi rājā mahāyaśāḥ
   rāmaṃ pratīkṣe rājyāya   sa hi rājā mahā-yaśāḥ /3/

Verse: 4 
Halfverse: a    etac cʰrutvā śubʰaṃ vākyaṃ   bʰaratasya mahātmanaḥ
   etat śrutvā śubʰaṃ vākyaṃ   bʰaratasya mahātmanaḥ /
Halfverse: c    abruvan mantriṇaḥ sarve   vasiṣṭʰaś ca purohitaḥ
   abruvan mantriṇaḥ sarve   vasiṣṭʰaś ca purohitaḥ /4/

Verse: 5 
Halfverse: a    sadr̥śaṃ ślāgʰanīyaṃ ca   yad uktaṃ bʰarata tvayā
   sadr̥śaṃ ślāgʰanīyaṃ ca   yad uktaṃ bʰarata tvayā /
Halfverse: c    vacanaṃ bʰrātr̥vātsalyād   anurūpaṃ tavaiva tat
   vacanaṃ bʰrātr̥-vātsalyād   anurūpaṃ tava_eva tat /5/

Verse: 6 
Halfverse: a    nityaṃ te bandʰulubdʰasya   tiṣṭʰato bʰrātr̥sauhr̥de
   nityaṃ te bandʰu-lubdʰasya   tiṣṭʰato bʰrātr̥-sauhr̥de /
Halfverse: c    āryamārgaṃ prapannasya   nānumanyeta kaḥ pumān
   ārya-mārgaṃ prapannasya   na_anumanyeta kaḥ pumān /6/

Verse: 7 
Halfverse: a    mantriṇāṃ vacanaṃ śrutvā   yatʰābʰilaṣitaṃ priyam
   mantriṇāṃ vacanaṃ śrutvā   yatʰā_abʰilaṣitaṃ priyam /
Halfverse: c    abravīt sāratʰiṃ vākyaṃ   ratʰo me yujyatām iti
   abravīt sāratʰiṃ vākyaṃ   ratʰo me yujyatām iti /7/

Verse: 8 
Halfverse: a    prahr̥ṣṭavadanaḥ sarvā   mātr̥̄ḥ samabʰivādya saḥ {!}
   prahr̥ṣṭa-vadanaḥ sarvā   mātr̥̄ḥ samabʰivādya saḥ / {!}
Halfverse: c    āruroha ratʰaṃ śrīmāñ   śatrugʰnena samanvitaḥ
   āruroha ratʰaṃ śrīmān   śatrugʰnena samanvitaḥ /8/

Verse: 9 
Halfverse: a    āruhya tu ratʰaṃ śīgʰraṃ   śatrugʰnabʰaratāv ubʰau
   āruhya tu ratʰaṃ śīgʰraṃ   śatrugʰna-bʰaratāv ubʰau /
Halfverse: c    yayatuḥ paramaprītau   vr̥tau mantripurohitaiḥ
   yayatuḥ parama-prītau   vr̥tau mantri-purohitaiḥ /9/

Verse: 10 
Halfverse: a    agrato puravas tatra   vasiṣṭʰa pramukʰā dvijāḥ
   agrato puravas tatra   vasiṣṭʰa pramukʰā dvijāḥ /
Halfverse: c    prayayuḥ prāṅmukʰāḥ sarve   nandigrāmo yato 'bʰavat
   prayayuḥ prāṅ-mukʰāḥ sarve   nandi-grāmo yato_abʰavat /10/

Verse: 11 
Halfverse: a    balaṃ ca tad anāhūtaṃ   gajāśvaratʰasaṃkulam
   balaṃ ca tad anāhūtaṃ   gaja_aśva-ratʰa-saṃkulam /
Halfverse: c    prayayau bʰarate yāte   sarve ca puravāsinaḥ
   prayayau bʰarate yāte   sarve ca pura-vāsinaḥ /11/

Verse: 12 
Halfverse: a    ratʰastʰaḥ sa tu dʰarmātmā   bʰarato bʰrātr̥vatsalaḥ
   ratʰastʰaḥ sa tu dʰarma_ātmā   bʰarato bʰrātr̥-vatsalaḥ /
Halfverse: c    nandigrāmaṃ yayau tūrṇaṃ   śirasy ādʰāya pāduke
   nandi-grāmaṃ yayau tūrṇaṃ   śirasy ādʰāya pāduke /12/

Verse: 13 
Halfverse: a    tatas tu bʰarataḥ kṣipraṃ   nandigrāmaṃ praviśya saḥ
   tatas tu bʰarataḥ kṣipraṃ   nandi-grāmaṃ praviśya saḥ /
Halfverse: c    avatīrya ratʰāt tūrṇaṃ   gurūn idam uvāca ha
   avatīrya ratʰāt tūrṇaṃ   gurūn idam uvāca ha /13/

Verse: 14 
Halfverse: a    etad rājyaṃ mama bʰrātrā   dattaṃ saṃnyāsavat svayam
   etad rājyaṃ mama bʰrātrā   dattaṃ saṃnyāsavat svayam /
Halfverse: c    yogakṣemavahe ceme   pāduke hemabʰūṣite
   yoga-kṣema-vahe ca_ime   pāduke hema-bʰūṣite /
Halfverse: e    tam imaṃ pālayiṣyāmi   rāgʰavāgamanaṃ prati
   tam imaṃ pālayiṣyāmi   rāgʰava_āgamanaṃ prati /14/

Verse: 15 
Halfverse: a    kṣipraṃ saṃyojayitvā tu   rāgʰavasya punaḥ svayam
   kṣipraṃ saṃyojayitvā tu   rāgʰavasya punaḥ svayam /
Halfverse: c    caraṇau tau tu rāmasya   drakṣyāmi sahapādukau
   caraṇau tau tu rāmasya   drakṣyāmi saha-pādukau /15/

Verse: 16 
Halfverse: a    tato nikṣiptabʰāro 'haṃ   rāgʰaveṇa samāgataḥ
   tato nikṣipta-bʰāro_ahaṃ   rāgʰaveṇa samāgataḥ /
Halfverse: c    nivedya gurave rājyaṃ   bʰajiṣye guruvr̥ttitām
   nivedya gurave rājyaṃ   bʰajiṣye guru-vr̥ttitām /16/

Verse: 17 
Halfverse: a    rāgʰavāya ca saṃnyāsaṃ   dattveme varapāduke
   rāgʰavāya ca saṃnyāsaṃ   dattvā_ime vara-pāduke /
Halfverse: c    rājyaṃ cedam ayodʰyāṃ ca   dʰūtapāpo bʰavāmi ca
   rājyaṃ ca_idam ayodʰyāṃ ca   dʰūta-pāpo bʰavāmi ca /17/

Verse: 18 
Halfverse: a    abʰiṣikte tu kākutstʰe   prahr̥ṣṭamudite jane
   abʰiṣikte tu kākutstʰe   prahr̥ṣṭa-mudite jane /
Halfverse: c    prītir mama yaśaś caiva   bʰaved rājyāc caturguṇam
   prītir mama yaśaś caiva   bʰaved rājyāc catur-guṇam /18/

Verse: 19 
Halfverse: a    evaṃ tu vilapan dīno   bʰarataḥ sa mahāyaśāḥ
   evaṃ tu vilapan dīno   bʰarataḥ sa mahā-yaśāḥ /
Halfverse: c    nandigrāme 'karod rājyaṃ   duḥkʰito mantribʰiḥ saha
   nandi-grāme_akarod rājyaṃ   duḥkʰito mantribʰiḥ saha /19/

Verse: 20 
Halfverse: a    sa valkalajaṭādʰārī   muniveṣadʰaraḥ prabʰuḥ
   sa valkala-jaṭā-dʰārī   muni-veṣa-dʰaraḥ prabʰuḥ /
Halfverse: c    nandigrāme 'vasad vīraḥ   sasainyo bʰaratas tadā
   nandi-grāme_avasad vīraḥ   sasainyo bʰaratas tadā /20/

Verse: 21 
Halfverse: a    rāmāgamanam ākāṅkṣan   bʰarato bʰrātr̥vatsalaḥ
   rāma_āgamanam ākāṅkṣan   bʰarato bʰrātr̥-vatsalaḥ /
Halfverse: c    bʰrātur vacanakārī ca   pratijñāpāragas tadā
   bʰrātur vacana-kārī ca   pratijñā-pāragas tadā /21/

Verse: 22 
Halfverse: a    pāduke tv abʰiṣicyātʰa   nandigrāme 'vasat tadā
   pāduke tv abʰiṣicya_atʰa   nandi-grāme_avasat tadā /
Halfverse: c    bʰarataḥ śāsanaṃ sarvaṃ   pādukābʰyāṃ nyavedayat
   bʰarataḥ śāsanaṃ sarvaṃ   pādukābʰyāṃ nyavedayat /22/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.