TITUS
Ramayana
Part No. 185
Previous part

Chapter: 108 
Adhyāya 108


Verse: 1 
Halfverse: a    pratiprayāte bʰarate   vasan rāmas tapovane
   pratiprayāte bʰarate   vasan rāmas tapo-vane /
Halfverse: c    lakṣayām āsa sodvegam   atʰautsukyaṃ tapasvinām
   lakṣayām āsa sa_udvegam   atʰa_autsukyaṃ tapasvinām /1/

Verse: 2 
Halfverse: a    ye tatra citrakūṭasya   purastāt tāpasāśrame
   ye tatra citra-kūṭasya   purastāt tāpasa_āśrame /
Halfverse: c    rāmam āśritya niratās   tān alakṣayad utsukān
   rāmam āśritya niratās   tān alakṣayad utsukān /2/

Verse: 3 
Halfverse: a    nayanair bʰr̥kuṭībʰiś ca   rāmaṃ nirdiśya śaṅkitāḥ
   nayanair bʰr̥kuṭībʰiś ca   rāmaṃ nirdiśya śaṅkitāḥ /
Halfverse: c    anyonyam upajalpantaḥ   śanaiś cakrur mitʰaḥ katʰāḥ
   anyonyam upajalpantaḥ   śanaiś cakrur mitʰaḥ katʰāḥ /3/

Verse: 4 
Halfverse: a    teṣām autsukyam ālakṣya   rāmas tv ātmani śaṅkitaḥ
   teṣām autsukyam ālakṣya   rāmas tv ātmani śaṅkitaḥ /
Halfverse: c    kr̥tāñjalir uvācedam   r̥ṣiṃ kulapatiṃ tataḥ
   kr̥ta_añjalir uvāca_idam   r̥ṣiṃ kula-patiṃ tataḥ /4/

Verse: 5 
Halfverse: a    na kac cid bʰagavan kiṃ cit   pūrvavr̥ttam idaṃ mayi
   na kaccid bʰagavan kiṃcit   pūrva-vr̥ttam idaṃ mayi /
Halfverse: c    dr̥śyate vikr̥taṃ yena   vikriyante tapasvinaḥ
   dr̥śyate vikr̥taṃ yena   vikriyante tapasvinaḥ /5/

Verse: 6 
Halfverse: a    pramādāc caritaṃ kac cit   kiṃ cin nāvarajasya me
   pramādāc caritaṃ kaccit   kiṃcin na_avarajasya me /
Halfverse: c    lakṣmaṇasyarṣibʰir dr̥ṣṭaṃ   nānurūpam ivātmanaḥ
   lakṣmaṇasya-r̥ṣibʰir dr̥ṣṭaṃ   na_anurūpam iva_ātmanaḥ /6/

Verse: 7 
Halfverse: a    kac cic cʰuśrūṣamāṇā vaḥ   śuśrūṣaṇaparā mayi
   kaccit śuśrūṣamāṇā vaḥ   śuśrūṣaṇa-parā mayi /
Halfverse: c    pramadābʰyucitāṃ vr̥ttiṃ   sītā yuktaṃ na vartate
   pramadā_abʰyucitāṃ vr̥ttiṃ   sītā yuktaṃ na vartate /7/

Verse: 8 
Halfverse: a    atʰarṣir jarayā vr̥ddʰas   tapasā ca jarāṃ gataḥ
   atʰa-r̥ṣir jarayā vr̥ddʰas   tapasā ca jarāṃ gataḥ /
Halfverse: c    vepamāna ivovāca   rāmaṃ bʰūtadayāparam
   vepamāna iva_uvāca   rāmaṃ bʰūta-dayā-param /8/

Verse: 9 
Halfverse: a    kutaḥ kalyāṇasattvāyāḥ   kalyāṇābʰirates tatʰā
   kutaḥ kalyāṇa-sattvāyāḥ   kalyāṇa_abʰirates tatʰā /
Halfverse: c    calanaṃ tāta vaidehyās   tapasviṣu viśeṣataḥ
   calanaṃ tāta vaidehyās   tapasviṣu viśeṣataḥ /9/

Verse: 10 
Halfverse: a    tvannimittam idaṃ tāvat   tāpasān prati vartate
   tvan-nimittam idaṃ tāvat   tāpasān prati vartate /
Halfverse: c    rakṣobʰyas tena saṃvignāḥ   katʰayanti mitʰaḥ katʰāḥ
   rakṣobʰyas tena saṃvignāḥ   katʰayanti mitʰaḥ katʰāḥ /10/

Verse: 11 
Halfverse: a    rāvaṇāvarajaḥ kaś cit   kʰaro nāmeha rākṣasaḥ
   rāvaṇa_avarajaḥ kaścit   kʰaro nāma_iha rākṣasaḥ /
Halfverse: c    utpāṭya tāpasān sarvāñ   janastʰānaniketanān
   utpāṭya tāpasān sarvān   jana-stʰāna-niketanān /11/

Verse: 12 
Halfverse: a    dʰr̥ṣṭaś ca jitakāśī ca   nr̥śaṃsaḥ puruṣādakaḥ
   dʰr̥ṣṭaś ca jita-kāśī ca   nr̥śaṃsaḥ puruṣa_adakaḥ /
Halfverse: c    avaliptaś ca pāpaś ca   tvāṃ ca tāta na mr̥ṣyate
   avaliptaś ca pāpaś ca   tvāṃ ca tāta na mr̥ṣyate /12/

Verse: 13 
Halfverse: a    tvaṃ yadā prabʰr̥ti hy asminn   āśrame tāta vartase
   tvaṃ yadā prabʰr̥ti hy asminn   āśrame tāta vartase /
Halfverse: c    tadā prabʰr̥ti rakṣāṃsi   viprakurvanti tāpasān
   tadā prabʰr̥ti rakṣāṃsi   viprakurvanti tāpasān /13/

Verse: 14 
Halfverse: a    darśayanti hi bībʰatsaiḥ   krūrair bʰīṣaṇakair api
   darśayanti hi bībʰatsaiḥ   krūrair bʰīṣaṇakair api /
Halfverse: c    nānā rūpair virūpaiś ca   rūpair asukʰadarśanaiḥ
   nānā rūpair virūpaiś ca   rūpair asukʰa-darśanaiḥ /14/

Verse: 15 
Halfverse: a    apraśastair aśucibʰiḥ   saṃprayojya ca tāpasān
   apraśastair aśucibʰiḥ   saṃprayojya ca tāpasān /
Halfverse: c    pratigʰnanty aparān kṣipram   anāryāḥ purataḥ stʰitaḥ
   pratigʰnanty aparān kṣipram   anāryāḥ purataḥ stʰitaḥ /15/

Verse: 16 
Halfverse: a    teṣu teṣv āśramastʰāneṣv   abuddʰam avalīya ca
   teṣu teṣv āśramastʰāneṣv   abuddʰam avalīya ca /
Halfverse: c    ramante tāpasāṃs tatra   nāśayanto 'lpacetasaḥ
   ramante tāpasāṃs tatra   nāśayanto_alpa-cetasaḥ /16/

Verse: 17 
Halfverse: a    apakṣipanti srugbʰāṇḍān   agnīn siñcanti vāriṇā
   apakṣipanti srug-bʰāṇḍān   agnīn siñcanti vāriṇā /
Halfverse: c    kalaśāṃś ca pramr̥dnanti   havane samupastʰite
   kalaśāṃś ca pramr̥dnanti   havane samupastʰite /17/

Verse: 18 
Halfverse: a    tair durātmabʰir āviṣṭān   āśramān prajihāsavaḥ
   tair durātmabʰir āviṣṭān   āśramān prajihāsavaḥ /
Halfverse: c    gamanāyānyadeśasya   codayanty r̥ṣayo 'dya mām
   gamanāya_anya-deśasya   codayanty r̥ṣayo_adya mām /18/

Verse: 19 
Halfverse: a    tat purā rāma śārīrām   upahiṃsāṃ tapasviṣu
   tat purā rāma śārīrām   upahiṃsāṃ tapasviṣu /
Halfverse: c    darśayati hi duṣṭās te   tyakṣyāma imam āśramam
   darśayati hi duṣṭās te   tyakṣyāma imam āśramam /19/

Verse: 20 
Halfverse: a    bahumūlapʰalaṃ citram   avidūrād ito vanam
   bahu-mūla-pʰalaṃ citram   avidūrād ito vanam /
Halfverse: c    purāṇāśramam evāhaṃ   śrayiṣye sagaṇaḥ punaḥ
   purāṇa_āśramam eva_ahaṃ   śrayiṣye sagaṇaḥ punaḥ /20/

Verse: 21 
Halfverse: a    kʰaras tvayy api cāyuktaṃ   purā tāta pravartate
   kʰaras tvayy api ca_ayuktaṃ   purā tāta pravartate /
Halfverse: c    sahāsmābʰir ito gaccʰa   yadi buddʰiḥ pravartate
   saha_asmābʰir ito gaccʰa   yadi buddʰiḥ pravartate /21/

Verse: 22 
Halfverse: a    sakalatrasya saṃdeho   nityaṃ yat tasya rāgʰava
   sakalatrasya saṃdeho   nityaṃ yat tasya rāgʰava /
Halfverse: c    samartʰasyāpi hi sato   vāso duḥkʰa ihādya te
   samartʰasya_api hi sato   vāso duḥkʰa iha_adya te /22/

Verse: 23 
Halfverse: a    ity uktavantaṃ rāmas taṃ   rājaputras tapasvinam
   ity uktavantaṃ rāmas taṃ   rāja-putras tapasvinam /
Halfverse: c    na śaśākottarair vākyair   avaroddʰuṃ samutsukam
   na śaśāka_uttarair vākyair   avaroddʰuṃ samutsukam /23/

Verse: 24 
Halfverse: a    abʰinandya samāpr̥ccʰya   samādʰāya ca rāgʰavam
   abʰinandya samāpr̥ccʰya   samādʰāya ca rāgʰavam /
Halfverse: c    sa jagāmāśramaṃ tyaktvā   kulaiḥ kulapatiḥ saha
   sa jagāma_āśramaṃ tyaktvā   kulaiḥ kula-patiḥ saha /24/

Verse: 25 
Halfverse: a    rāmaḥ saṃsādʰya tv r̥ṣigaṇam   anugamanād deśāt tasmāccit kulapatim abʰivādyarṣim
   rāmaḥ saṃsādʰya tv r̥ṣi-gaṇam   anugamanād deśāt tasmāccit kula-patim abʰivādya-r̥ṣim /
Halfverse: c    samyakprītais tair anumata   upadiṣṭārtʰaḥ puṇyaṃ vāsāya svanilayam upasaṃpede
   samyak-prītais tair anumata   upadiṣṭa_artʰaḥ puṇyaṃ vāsāya sva-nilayam upasaṃpede /25/

Verse: 26 
Halfverse: a    āśramaṃ tv r̥ṣivirahitaṃ   prabʰuḥ kṣaṇam api na jahau sa rāgʰavaḥ
   āśramaṃ tv r̥ṣi-virahitaṃ   prabʰuḥ kṣaṇam api na jahau sa rāgʰavaḥ /
Halfverse: c    rāgʰavaṃ hi satatam anugatās   tāpasāś carṣicaritadʰr̥taguṇāḥ
   rāgʰavaṃ hi satatam anugatās   tāpasāś ca-r̥ṣi-carita-dʰr̥ta-guṇāḥ /26/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.