TITUS
Ramayana
Part No. 186
Previous part

Chapter: 109 
Adhyāya 109


Verse: 1 
Halfverse: a    rāgʰavas tv apayāteṣu   tapasviṣu vicintayan
   rāgʰavas tv apayāteṣu   tapasviṣu vicintayan /
Halfverse: c    na tatrārocayad vāsaṃ   kāraṇair bahubʰis tadā
   na tatra_arocayad vāsaṃ   kāraṇair bahubʰis tadā /1/

Verse: 2 
Halfverse: a    iha me bʰarato dr̥ṣṭo   mātaraś ca sanāgarāḥ
   iha me bʰarato dr̥ṣṭo   mātaraś ca sanāgarāḥ /
Halfverse: c    sā ca me smr̥tir anveti   tān nityam anuśocataḥ
   sā ca me smr̥tir anveti   tān nityam anuśocataḥ /2/

Verse: 3 
Halfverse: a    skandʰāvāraniveśena   tena tasya mahātmanaḥ
   skandʰa_āvāra-niveśena   tena tasya mahātmanaḥ /
Halfverse: c    hayahastikarīṣaiś ca   upamardaḥ kr̥to bʰr̥śam
   haya-hasti-karīṣaiś ca   upamardaḥ kr̥to bʰr̥śam /3/

Verse: 4 
Halfverse: a    tasmād anyatra gaccʰāma   iti saṃcintya rāgʰavaḥ
   tasmād anyatra gaccʰāma   iti saṃcintya rāgʰavaḥ /
Halfverse: c    prātiṣṭʰata sa vaidehyā   lakṣmaṇena ca saṃgataḥ
   prātiṣṭʰata sa vaidehyā   lakṣmaṇena ca saṃgataḥ /4/

Verse: 5 
Halfverse: a    so 'trer āśramam āsādya   taṃ vavande mahāyaśāḥ
   so_atrer āśramam āsādya   taṃ vavande mahā-yaśāḥ /
Halfverse: c    taṃ cāpi bʰagavān atriḥ   putravat pratyapadyata
   taṃ ca_api bʰagavān atriḥ   putravat pratyapadyata /5/

Verse: 6 
Halfverse: a    svayam ātitʰyam ādiśya   sarvam asya susatkr̥tam
   svayam ātitʰyam ādiśya   sarvam asya susatkr̥tam /
Halfverse: c    saumitriṃ ca mahābʰāgāṃ   sītāṃ ca samasāntvayat
   saumitriṃ ca mahā-bʰāgāṃ   sītāṃ ca samasāntvayat /6/

Verse: 7 
Halfverse: a    patnīṃ ca tam anuprāptāṃ   vr̥ddʰām āmantrya satkr̥tām
   patnīṃ ca tam anuprāptāṃ   vr̥ddʰām āmantrya satkr̥tām /
Halfverse: c    sāntvayām āsa dʰarmajñaḥ   sarvabʰūtahite rataḥ
   sāntvayām āsa dʰarmajñaḥ   sarva-bʰūta-hite rataḥ /

Verse: 8 
Halfverse: a    anasūyāṃ mahābʰāgāṃ   tāpasīṃ dʰarmacāriṇīm
   anasūyāṃ mahā-bʰāgāṃ   tāpasīṃ dʰarma-cāriṇīm /
Halfverse: c    pratigr̥hṇīṣva vaidehīm   abravīd r̥ṣisattamaḥ
   pratigr̥hṇīṣva vaidehīm   abravīd r̥ṣi-sattamaḥ /8/

Verse: 9 
Halfverse: a    rāmāya cācacakṣe tāṃ   tāpasīṃ dʰarmacāriṇīm
   rāmāya ca_ācacakṣe tāṃ   tāpasīṃ dʰarma-cāriṇīm /
Halfverse: c    daśa varṣāṇy anāvr̥ṣṭyā   dagdʰe loke nirantaram
   daśa varṣāṇy anāvr̥ṣṭyā   dagdʰe loke nirantaram /9/

Verse: 10 
Halfverse: a    yayā mūlapʰale sr̥ṣṭe   jāhnavī ca pravartitā
   yayā mūla-pʰale sr̥ṣṭe   jāhnavī ca pravartitā /
Halfverse: c    ugreṇa tapasā yuktā   niyamaiś cāpy alaṃkr̥tā
   ugreṇa tapasā yuktā   niyamaiś ca_apy alaṃkr̥tā /10/

Verse: 11 
Halfverse: a    daśavarṣasahasrāṇi   yayā taptaṃ mahat tapaḥ
   daśa-varṣa-sahasrāṇi   yayā taptaṃ mahat tapaḥ /
Halfverse: c    anasūyāvratais tāta   pratyūhāś ca nibarhitāḥ
   anasūyā-vratais tāta   pratyūhāś ca nibarhitāḥ /11/

Verse: 12 
Halfverse: a    devakāryanimittaṃ ca   yayā saṃtvaramāṇayā
   deva-kārya-nimittaṃ ca   yayā saṃtvaramāṇayā /
Halfverse: c    daśarātraṃ kr̥tvā rātriḥ   seyaṃ māteva te 'nagʰa
   daśa-rātraṃ kr̥tvā rātriḥ   sā_iyaṃ mātā_iva te_anagʰa /12/

Verse: 13 
Halfverse: a    tām imāṃ sarvabʰūtānāṃ   namaskāryāṃ yaśasvinīm
   tām imāṃ sarva-bʰūtānāṃ   namas-kāryāṃ yaśasvinīm /
Halfverse: c    abʰigaccʰatu vaidehī   vr̥ddʰām akrodʰanāṃ sadā
   abʰigaccʰatu vaidehī   vr̥ddʰām akrodʰanāṃ sadā /13/

Verse: 14 
Halfverse: a    evaṃ bruvāṇaṃ tam r̥ṣiṃ   tatʰety uktvā sa rāgʰavaḥ
   evaṃ bruvāṇaṃ tam r̥ṣiṃ   tatʰā_ity uktvā sa rāgʰavaḥ /
Halfverse: c    sītām uvāca dʰarmajñām   idaṃ vacanam uttamam
   sītām uvāca dʰarmajñām   idaṃ vacanam uttamam /14/

Verse: 15 
Halfverse: a    rājaputri śrutaṃ tv etan   muner asya samīritam
   rāja-putri śrutaṃ tv etan   muner asya samīritam /
Halfverse: c    śreyo 'rtʰam ātmanaḥ śīgʰram   abʰigaccʰa tapasvinīm
   śreyo_artʰam ātmanaḥ śīgʰram   abʰigaccʰa tapasvinīm /15/

Verse: 16 
Halfverse: a    anasūyeti yā loke   karmabʰiḥ kyātim āgatā
   anasūyā_iti yā loke   karmabʰiḥ kyātim āgatā /
Halfverse: c    tāṃ śīgʰram abʰigaccʰa tvam   abʰigamyāṃ tapasvinīm
   tāṃ śīgʰram abʰigaccʰa tvam   abʰigamyāṃ tapasvinīm /16/

Verse: 17 
Halfverse: a    sītā tv etad vacaḥ śrutvā   rāgʰavasya hitaiṣiṇī
   sītā tv etad vacaḥ śrutvā   rāgʰavasya hita_eṣiṇī /
Halfverse: c    tām atripatnīṃ dʰarmajñām   abʰicakrāma maitʰilī
   tām atri-patnīṃ dʰarmajñām   abʰicakrāma maitʰilī /

Verse: 18 
Halfverse: a    śitʰilāṃ valitāṃ vr̥ddʰāṃ   jarāpāṇḍuramūrdʰajām
   śitʰilāṃ valitāṃ vr̥ddʰāṃ   jarā-pāṇḍura-mūrdʰajām /
Halfverse: c    satataṃ vepamānāṅgīṃ   pravāte kadalī yatʰā
   satataṃ vepamāna_aṅgīṃ   pravāte kadalī yatʰā /18/

Verse: 19 
Halfverse: a    tāṃ tu sītā mahābʰāgām   anasūyāṃ pativratām
   tāṃ tu sītā mahā-bʰāgām   anasūyāṃ pati-vratām /
Halfverse: c    abʰyavādayad avyagrā   svaṃ nāma samudāharat
   abʰyavādayad avyagrā   svaṃ nāma samudāharat /19/

Verse: 20 
Halfverse: a    abʰivādya ca vaidehī   tāpasīṃ tām aninditām
   abʰivādya ca vaidehī   tāpasīṃ tām aninditām /
Halfverse: c    baddʰāñjalipuṭā hr̥ṣṭā   paryapr̥ccʰad anāmayam
   baddʰa_añjali-puṭā hr̥ṣṭā   paryapr̥ccʰad anāmayam /20/

Verse: 21 
Halfverse: a    tataḥ sītāṃ mahābʰāgāṃ   dr̥ṣṭvā tāṃ dʰarmacāriṇīm
   tataḥ sītāṃ mahā-bʰāgāṃ   dr̥ṣṭvā tāṃ dʰarma-cāriṇīm /
Halfverse: c    sāntvayanty abravīd dʰr̥ṣṭā   diṣṭyā dʰarmam avekṣase
   sāntvayanty abravīdd^hr̥ṣṭā   diṣṭyā dʰarmam avekṣase /21/

Verse: 22 
Halfverse: a    tyaktvā jñātijanaṃ sīte   mānam r̥ddʰiṃ ca mānini
   tyaktvā jñāti-janaṃ sīte   mānam r̥ddʰiṃ ca mānini /
Halfverse: c    avaruddʰaṃ vane rāmaṃ   diṣṭyā tvam anugaccʰasi
   avaruddʰaṃ vane rāmaṃ   diṣṭyā tvam anugaccʰasi /22/

Verse: 23 
Halfverse: a    nagarastʰo vanastʰo vā   pāpo vā yadi vāśubʰaḥ
   nagarastʰo vanastʰo vā   pāpo vā yadi vā_aśubʰaḥ /
Halfverse: c    yāsāṃ strīṇāṃ priyo bʰartā   tāsāṃ lokā mahodayāḥ
   yāsāṃ strīṇāṃ priyo bʰartā   tāsāṃ lokā mahā_udayāḥ /23/

Verse: 24 
Halfverse: a    duḥśīlaḥ kāmavr̥tto vā   dʰanair vā parivarjitaḥ
   duḥśīlaḥ kāma-vr̥tto vā   dʰanair vā parivarjitaḥ /
Halfverse: c    strīṇām ārya svabʰāvānāṃ   paramaṃ daivataṃ patiḥ
   strīṇām ārya svabʰāvānāṃ   paramaṃ daivataṃ patiḥ /24/

Verse: 25 
Halfverse: a    nāto viśiṣṭaṃ paśyāmi   bāndʰavaṃ vimr̥śanty aham
   na_ato viśiṣṭaṃ paśyāmi   bāndʰavaṃ vimr̥śanty aham /
Halfverse: c    sarvatra yogyaṃ vaidehi   tapaḥ kr̥tam ivāvyayam
   sarvatra yogyaṃ vaidehi   tapaḥ kr̥tam iva_avyayam /25/

Verse: 26 
Halfverse: a    na tv evam avagaccʰanti   guṇa doṣam asat striyaḥ
   na tv evam avagaccʰanti   guṇa doṣam asat striyaḥ /
Halfverse: c    kāmavaktavyahr̥dayā   bʰartr̥nātʰāś caranti yāḥ
   kāma-vaktavya-hr̥dayā   bʰartr̥-nātʰāś caranti yāḥ /26/

Verse: 27 
Halfverse: a    prāpnuvanty ayaśaś caiva   dʰarmabʰraṃśaṃ ca maitʰili
   prāpnuvanty ayaśaś caiva   dʰarma-bʰraṃśaṃ ca maitʰili /
Halfverse: c    akārya vaśam āpannāḥ   striyo yāḥ kʰalu tad vidʰāḥ
   akārya vaśam āpannāḥ   striyo yāḥ kʰalu tad vidʰāḥ /27/

Verse: 28 
Halfverse: a    tvadvidʰās tu guṇair yuktā   dr̥ṣṭalokaparāvarāḥ
   tvad-vidʰās tu guṇair yuktā   dr̥ṣṭa-loka-para_avarāḥ /
Halfverse: c    striyaḥ svarge cariṣyanti   yatʰā puṇyakr̥tas tatʰā
   striyaḥ svarge cariṣyanti   yatʰā puṇya-kr̥tas tatʰā /28/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.