TITUS
Ramayana
Part No. 206
Previous part

Chapter: 18 
Adhyāya 18


Verse: 1 
Halfverse: a    tāṃ tatʰā patitāṃ dr̥ṣṭvā   virūpāṃ śoṇitokṣitām
   tāṃ tatʰā patitāṃ dr̥ṣṭvā   virūpāṃ śoṇita_ukṣitām /
Halfverse: c    bʰaginīṃ krodʰasaṃtaptaḥ   kʰaraḥ papraccʰa rākṣasaḥ
   bʰaginīṃ krodʰa-saṃtaptaḥ   kʰaraḥ papraccʰa rākṣasaḥ /1/

Verse: 2 
Halfverse: a    balavikramasaṃpannā   kāmagā kāmarūpiṇī
   bala-vikrama-saṃpannā   kāmagā kāma-rūpiṇī /
Halfverse: c    imām avastʰāṃ nītā tvaṃ   kenāntakasamā gatā
   imām avastʰāṃ nītā tvaṃ   kena_antaka-samā gatā /2/

Verse: 3 
Halfverse: a    devagandʰarvabʰūtānām   r̥ṣīṇāṃ ca mahātmanām
   deva-gandʰarva-bʰūtānām   r̥ṣīṇāṃ ca mahātmanām /
Halfverse: c    ko 'yam evaṃ mahāvīryas   tvāṃ virūpāṃ cakāra ha
   ko_ayam evaṃ mahā-vīryas   tvāṃ virūpāṃ cakāra ha /3/

Verse: 4 
Halfverse: a    na hi paśyāmy ahaṃ loke   yaḥ kuryān mama vipriyam
   na hi paśyāmy ahaṃ loke   yaḥ kuryān mama vipriyam /
Halfverse: c    antarena sahasrākṣaṃ   mahendraṃ pākaśāsanam
   antarena sahasra_akṣaṃ   mahā_indraṃ pāka-śāsanam /4/

Verse: 5 
Halfverse: a    adyāhaṃ mārgaṇaiḥ prāṇān   ādāsye jīvitāntakaiḥ
   adya_ahaṃ mārgaṇaiḥ prāṇān   ādāsye jīvita_antakaiḥ /
Halfverse: c    salile kṣīram āsaktaṃ   niṣpibann iva sārasaḥ
   salile kṣīram āsaktaṃ   niṣpibann iva sārasaḥ /5/

Verse: 6 
Halfverse: a    nihatasya mayā saṃkʰye   śarasaṃkr̥ttamarmaṇaḥ
   nihatasya mayā saṃkʰye   śara-saṃkr̥tta-marmaṇaḥ /
Halfverse: c    sapʰenaṃ rudʰiraṃ raktaṃ   medinī kasya pāsyati
   sapʰenaṃ rudʰiraṃ raktaṃ   medinī kasya pāsyati /6/

Verse: 7 
Halfverse: a    kasya patraratʰāḥ kāyān   māṃsam utkr̥tya saṃgatāḥ
   kasya patra-ratʰāḥ kāyān   māṃsam utkr̥tya saṃgatāḥ /
Halfverse: c    prahr̥ṣṭā bʰakṣayiṣyanti   nihatasya mayā raṇe
   prahr̥ṣṭā bʰakṣayiṣyanti   nihatasya mayā raṇe /7/

Verse: 8 
Halfverse: a    taṃ na devā na gandʰarvā   na piśācā na rākṣasāḥ
   taṃ na devā na gandʰarvā   na piśācā na rākṣasāḥ /
Halfverse: c    mayāpakr̥ṣṭaṃ kr̥paṇaṃ   śaktās trātuṃ mahāhave
   mayā_apakr̥ṣṭaṃ kr̥paṇaṃ   śaktās trātuṃ mahā_āhave /8/

Verse: 9 
Halfverse: a    upalabʰya śanaiḥ saṃjñāṃ   taṃ me śaṃsitum arhasi
   upalabʰya śanaiḥ saṃjñāṃ   taṃ me śaṃsitum arhasi /
Halfverse: c    yena tvaṃ durvinītena   vane vikramya nirjitā
   yena tvaṃ durvinītena   vane vikramya nirjitā /9/

Verse: 10 
Halfverse: a    iti bʰrātur vacaḥ śrutvā   kruddʰasya ca viśeṣataḥ
   iti bʰrātur vacaḥ śrutvā   kruddʰasya ca viśeṣataḥ /
Halfverse: c    tataḥ śūrpaṇakʰā vākyaṃ   sabāṣpam idam abravīt
   tataḥ śūrpaṇakʰā vākyaṃ   sabāṣpam idam abravīt /10/

Verse: 11 
Halfverse: a    taruṇau rūpasaṃpannau   sukūmārau mahābalau
   taruṇau rūpa-saṃpannau   sukūmārau mahā-balau /
Halfverse: c    puṇḍarīkaviśālākṣau   cīrakr̥ṣṇājināmbarau
   puṇḍarīka-viśāla_akṣau   cīra-kr̥ṣṇa_ajina_ambarau /11/

Verse: 12 
Halfverse: a    gandʰarvarājapratimau   pārtʰivavyañjanānvitau
   gandʰarva-rāja-pratimau   pārtʰiva-vyañjana_anvitau /
Halfverse: c    devau vā mānuṣau vā tau   na tarkayitum utsahe
   devau vā mānuṣau vā tau   na tarkayitum utsahe /12/

Verse: 13 
Halfverse: a    taruṇī rūpasaṃpannā   sarvābʰaraṇabʰūṣitā
   taruṇī rūpa-saṃpannā   sarva_ābʰaraṇa-bʰūṣitā /
Halfverse: c    dr̥ṣṭā tatra mayā nārī   tayor madʰye sumadʰyamā
   dr̥ṣṭā tatra mayā nārī   tayor madʰye sumadʰyamā /13/

Verse: 14 
Halfverse: a    tābʰyām ubʰābʰyāṃ saṃbʰūya   pramadām adʰikr̥tya tām
   tābʰyām ubʰābʰyāṃ saṃbʰūya   pramadām adʰikr̥tya tām /
Halfverse: c    imām avastʰāṃ nītāhaṃ   yatʰānātʰāsatī tatʰā
   imām avastʰāṃ nītā_ahaṃ   yatʰā_anātʰā_asatī tatʰā /14/

Verse: 15 
Halfverse: a    tasyāś cānr̥juvr̥ttāyās   tayoś ca hatayor aham
   tasyāś ca_anr̥ju-vr̥ttāyās   tayoś ca hatayor aham /
Halfverse: c    sapʰenaṃ pātum iccʰāmi   rudʰiraṃ raṇamūrdʰani
   sapʰenaṃ pātum iccʰāmi   rudʰiraṃ raṇa-mūrdʰani /15/

Verse: 16 
Halfverse: a    eṣa me pratʰamaḥ kāmaḥ   kr̥tas tāta tvayā bʰavet
   eṣa me pratʰamaḥ kāmaḥ   kr̥tas tāta tvayā bʰavet /
Halfverse: c    tasyās tayoś ca rudʰiraṃ   pibeyam aham āhave
   tasyās tayoś ca rudʰiraṃ   pibeyam aham āhave /16/

Verse: 17 
Halfverse: a    iti tasyāṃ bruvāṇāyāṃ   caturdaśa mahābalān
   iti tasyāṃ bruvāṇāyāṃ   caturdaśa mahā-balān /
Halfverse: c    vyādideśa kʰaraḥ kruddʰo   rākṣasān antakopamān
   vyādideśa kʰaraḥ kruddʰo   rākṣasān antaka_upamān /17/

Verse: 18 
Halfverse: a    mānuṣau śastrasaṃpannau   cīrakr̥ṣṇājināmbarau
   mānuṣau śastra-saṃpannau   cīra-kr̥ṣṇa_ajina_ambarau /
Halfverse: c    praviṣṭau daṇḍakāraṇyaṃ   gʰoraṃ pramadayā saha
   praviṣṭau daṇḍaka_araṇyaṃ   gʰoraṃ pramadayā saha /18/

Verse: 19 
Halfverse: a    tau hatvā tāṃ ca durvr̥ttām   upāvartitum arhatʰa
   tau hatvā tāṃ ca durvr̥ttām   upāvartitum arhatʰa /
Halfverse: c    iyaṃ ca rudʰiraṃ teṣāṃ   bʰaginī mama pāsyati
   iyaṃ ca rudʰiraṃ teṣāṃ   bʰaginī mama pāsyati /19/

Verse: 20 
Halfverse: a    manoratʰo 'yam iṣṭo 'syā   bʰaginyā mama rākṣasāḥ
   mano-ratʰo_ayam iṣṭo_asyā   bʰaginyā mama rākṣasāḥ /
Halfverse: c    śīgʰraṃ saṃpadyatāṃ gatvā   tau pramatʰya svatejasā
   śīgʰraṃ saṃpadyatāṃ gatvā   tau pramatʰya sva-tejasā /20/

Verse: 21 
Halfverse: a    iti pratisamādiṣṭā   rākṣasās te caturdaśa
   iti pratisamādiṣṭā   rākṣasās te caturdaśa /
Halfverse: c    tatra jagmus tayā sārdʰaṃ   gʰanā vāteritā yatʰā
   tatra jagmus tayā sārdʰaṃ   gʰanā vāta_īritā yatʰā /21/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.