TITUS
Ramayana
Part No. 208
Previous part

Chapter: 20 
Adhyāya 20


Verse: 1 
Halfverse: a    sa punaḥ patitāṃ dr̥ṣṭvā   krodʰāc cʰūrpaṇakʰāṃ kʰaraḥ
   sa punaḥ patitāṃ dr̥ṣṭvā   krodʰāt śūrpaṇakʰāṃ kʰaraḥ /
Halfverse: c    uvāca vyaktatā vācā   tām anartʰārtʰam āgatām
   uvāca vyaktatā vācā   tām anartʰa_artʰam āgatām /1/

Verse: 2 
Halfverse: a    mayā tv idānīṃ śūrās te   rākṣasā rudʰirāśanāḥ
   mayā tv idānīṃ śūrās te   rākṣasā rudʰira_aśanāḥ /
Halfverse: c    tvatpriyārtʰaṃ vinirdiṣṭāḥ   kimartʰaṃ rudyate punaḥ
   tvat-priya_artʰaṃ vinirdiṣṭāḥ   kim-artʰaṃ rudyate punaḥ /2/

Verse: 3 
Halfverse: a    bʰaktāś caivānuraktāś ca   hitāś ca mama nityaśaḥ
   bʰaktāś caiva_anuraktāś ca   hitāś ca mama nityaśaḥ /
Halfverse: c    gʰnanto 'pi na nihantavyā   na na kuryur vaco mama
   gʰnanto_api na nihantavyā   na na kuryur vaco mama /3/

Verse: 4 
Halfverse: a    kim etac cʰrotum iccʰāmi   kāraṇaṃ yatkr̥te punaḥ
   kim etat śrotum iccʰāmi   kāraṇaṃ yat-kr̥te punaḥ /
Halfverse: c    hā nātʰeti vinardantī   sarpavad veṣṭase kṣitau
   hā nātʰa_iti vinardantī   sarpavad veṣṭase kṣitau /4/

Verse: 5 
Halfverse: a    anātʰavad vilapasi   kiṃ nu nātʰe mayi stʰite
   anātʰavad vilapasi   kiṃ nu nātʰe mayi stʰite /
Halfverse: c    uttiṣṭʰottiṣṭʰa mā bʰaiṣīr   vaiklavyaṃ tyajyatām iha
   uttiṣṭʰa_uttiṣṭʰa mā bʰaiṣīr   vaiklavyaṃ tyajyatām iha /5/

Verse: 6 
Halfverse: a    ity evam uktā durdʰarṣā   kʰareṇa parisāntvitā
   ity evam uktā durdʰarṣā   kʰareṇa parisāntvitā /
Halfverse: c    vimr̥jya nayane sāsre   kʰaraṃ bʰrātaram abravīt
   vimr̥jya nayane sāsre   kʰaraṃ bʰrātaram abravīt /6/

Verse: 7 
Halfverse: a    preṣitāś ca tvayā śūrā   rākṣasās te caturdaśa
   preṣitāś ca tvayā śūrā   rākṣasās te catur-daśa /
Halfverse: c    nihantuṃ rāgʰavaṃ gʰorā   matpriyārtʰaṃ salakṣmaṇam
   nihantuṃ rāgʰavaṃ gʰorā   mat-priya_artʰaṃ salakṣmaṇam /7/

Verse: 8 
Halfverse: a    te tu rāmeṇa sāmarṣāḥ   śūlapaṭṭiśapāṇayaḥ
   te tu rāmeṇa sāmarṣāḥ   śūla-paṭṭiśa-pāṇayaḥ /
Halfverse: c    samare nihatāḥ sarve   sāyakair marmabʰedibʰiḥ
   samare nihatāḥ sarve   sāyakair marma-bʰedibʰiḥ /8/

Verse: 9 
Halfverse: a    tān bʰūmau patitān dr̥ṣṭvā   kṣaṇenaiva mahābalān
   tān bʰūmau patitān dr̥ṣṭvā   kṣaṇena_eva mahā-balān /
Halfverse: c    rāmasya ca mahat karma   mahāṃs trāso 'bʰavan mama
   rāmasya ca mahat karma   mahāṃs trāso_abʰavan mama /9/

Verse: 10 
Halfverse: a    sāsmi bʰītā samudvignā   viṣaṇṇā ca niśācara
   sā_asmi bʰītā samudvignā   viṣaṇṇā ca niśā-cara /
Halfverse: c    śaraṇaṃ tvāṃ punaḥ prāptā   sarvato bʰayadarśinī
   śaraṇaṃ tvāṃ punaḥ prāptā   sarvato bʰaya-darśinī /10/

Verse: 11 
Halfverse: a    viṣādanakrādʰyuṣite   paritrāsormimālini
   viṣāda-nakra_adʰyuṣite   paritrāsa_ūrmi-mālini /
Halfverse: c    kiṃ māṃ na trāyase magnāṃ   vipule śokasāgare
   kiṃ māṃ na trāyase magnāṃ   vipule śoka-sāgare /11/

Verse: 12 
Halfverse: a    ete ca nihatā bʰūmau   rāmeṇa niśitaiḥ śaraiḥ
   ete ca nihatā bʰūmau   rāmeṇa niśitaiḥ śaraiḥ /
Halfverse: c    ye ca me padavīṃ prāptā   rākṣasāḥ piśitāśanāḥ
   ye ca me padavīṃ prāptā   rākṣasāḥ piśita_aśanāḥ /12/

Verse: 13 
Halfverse: a    mayi te yady anukrośo   yadi rakṣaḥsu teṣu ca
   mayi te yady anukrośo   yadi rakṣaḥsu teṣu ca /
Halfverse: c    rāmeṇa yadi śaktis te   tejo vāsti niśācara
   rāmeṇa yadi śaktis te   tejo vā_asti niśā-cara /
Halfverse: e    daṇḍakāraṇyanilayaṃ   jahi rākṣasakaṇṭakam
   daṇḍaka_araṇya-nilayaṃ   jahi rākṣasa-kaṇṭakam /13/

Verse: 14 
Halfverse: a    yadi rāmaṃ mamāmitram   adya tvaṃ na vadʰiṣyasi
   yadi rāmaṃ mama_amitram   adya tvaṃ na vadʰiṣyasi /
Halfverse: c    tava caivāgrataḥ prāṇāṃs   tyakṣyāmi nirapatrapā
   tava caiva_agrataḥ prāṇāṃs   tyakṣyāmi nirapatrapā /14/

Verse: 15 
Halfverse: a    buddʰyāham anupaśyāmi   na tvaṃ rāmasya saṃyuge
   buddʰyā_aham anupaśyāmi   na tvaṃ rāmasya saṃyuge /
Halfverse: c    stʰātuṃ pratimukʰe śaktaḥ   sacāpasya mahāraṇe
   stʰātuṃ pratimukʰe śaktaḥ   sacāpasya mahā-raṇe /15/

Verse: 16 
Halfverse: a    śūramānī na śūras tvaṃ   mitʰyāropitavikramaḥ
   śūra-mānī na śūras tvaṃ   mitʰyā_āropita-vikramaḥ /
Halfverse: c    mānuṣau yan na śaknoṣi   hantuṃ tau rāmalakṣmaṇau
   mānuṣau yan na śaknoṣi   hantuṃ tau rāma-lakṣmaṇau /16/

Verse: 17 
Halfverse: a    apayāhi janastʰānāt   tvaritaḥ sahabāndʰavaḥ
   apayāhi jana-stʰānāt   tvaritaḥ saha-bāndʰavaḥ /
Halfverse: c    niḥsattvasyālpavīryasya   vāsas te kīdr̥śas tv iha
   niḥsattvasya_alpa-vīryasya   vāsas te kīdr̥śas tv iha /17/

Verse: 18 
Halfverse: a    rāmatejo'bʰibʰūto hi   tvaṃ kṣipraṃ vinaśiṣyasi
   rāma-tejo_abʰibʰūto hi   tvaṃ kṣipraṃ vinaśiṣyasi /
Halfverse: c    sa hi tejaḥsamāyukto   rāmo daśaratʰātmajaḥ
   sa hi tejaḥ-samāyukto   rāmo daśaratʰa_ātmajaḥ /
Halfverse: e    bʰrātā cāsya mahāvīryo   yena cāsmi virūpitā
   bʰrātā ca_asya mahā-vīryo   yena ca_asmi virūpitā /18/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.