TITUS
Ramayana
Part No. 217
Previous part

Chapter: 29 
Adhyāya 29


Verse: 1 
Halfverse: a    bʰittvā tu tāṃ gadāṃ bāṇai   rāgʰavo dʰarmavatsalaḥ
   bʰittvā tu tāṃ gadāṃ bāṇai   rāgʰavo dʰarma-vatsalaḥ /
Halfverse: c    smayamānaḥ kʰaraṃ vākyaṃ   saṃrabdʰam idam abravīt
   smayamānaḥ kʰaraṃ vākyaṃ   saṃrabdʰam idam abravīt /1/

Verse: 2 
Halfverse: a    etat te balasarvasvaṃ   darśitaṃ rākṣasādʰama
   etat te bala-sarva-svaṃ   darśitaṃ rākṣasa_adʰama /
Halfverse: c    śaktihīnataro matto   vr̥tʰā tvam upagarjitam
   śakti-hīnataro matto   vr̥tʰā tvam upagarjitam /2/

Verse: 3 
Halfverse: a    eṣā bāṇavinirbʰinnā   gadā bʰūmitalaṃ gatā
   eṣā bāṇa-vinirbʰinnā   gadā bʰūmi-talaṃ gatā /
Halfverse: c    abʰidʰānapragalbʰasya   tava pratyayagʰātinī
   abʰidʰāna-pragalbʰasya   tava pratyaya-gʰātinī /3/

Verse: 4 
Halfverse: a    yat tvayoktaṃ vinaṣṭānām   idam aśrupramārjanam
   yat tvayā_uktaṃ vinaṣṭānām   idam aśru-pramārjanam /
Halfverse: c    rākṣasānāṃ karomīti   mitʰyā tad api te vacaḥ
   rākṣasānāṃ karomi_iti   mitʰyā tad api te vacaḥ /4/

Verse: 5 
Halfverse: a    nīcasya kṣudraśīlasya   mitʰyāvr̥ttasya rakṣasaḥ
   nīcasya kṣudra-śīlasya   mitʰyā-vr̥ttasya rakṣasaḥ /
Halfverse: c    prāṇān apahariṣyāmi   garutmān amr̥taṃ yatʰā
   prāṇān apahariṣyāmi   garutmān amr̥taṃ yatʰā /5/

Verse: 6 
Halfverse: a    adya te bʰinnakaṇṭʰasya   pʰenabudbudabʰūṣitam
   adya te bʰinna-kaṇṭʰasya   pʰena-budbuda-bʰūṣitam /
Halfverse: c    vidāritasya madbāṇair   mahī pāsyati śoṇitam
   vidāritasya mad-bāṇair   mahī pāsyati śoṇitam /6/

Verse: 7 
Halfverse: a    pāṃsurūṣitasarvāṅgaḥ   srastanyastabʰujadvayaḥ
   pāṃsu-rūṣita-sarva_aṅgaḥ   srasta-nyasta-bʰuja-dvayaḥ /
Halfverse: c    svapsyase gāṃ samāśliṣya   durlabʰāṃ pramadām iva
   svapsyase gāṃ samāśliṣya   durlabʰāṃ pramadām iva /7/

Verse: 8 
Halfverse: a    pravr̥ddʰanidre śayite   tvayi rākṣasapāṃsane
   pravr̥ddʰa-nidre śayite   tvayi rākṣasa-pāṃsane /
Halfverse: c    bʰaviṣyanty aśaraṇyānāṃ   śaraṇyā daṇḍakā ime
   bʰaviṣyanty aśaraṇyānāṃ   śaraṇyā daṇḍakā ime /8/

Verse: 9 
Halfverse: a    janastʰāne hatastʰāne   tava rākṣasamaccʰaraiḥ
   jana-stʰāne hata-stʰāne   tava rākṣasa-mat-śaraiḥ /
Halfverse: c    nirbʰayā vicariṣyanti   sarvato munayo vane
   nirbʰayā vicariṣyanti   sarvato munayo vane /9/

Verse: 10 
Halfverse: a    adya viprasariṣyanti   rākṣasyo hatabāndʰavāḥ
   adya viprasariṣyanti   rākṣasyo hata-bāndʰavāḥ /
Halfverse: c    bāṣpārdravadanā dīnā   bʰayād anyabʰayāvahāḥ
   bāṣpa_ārdra-vadanā dīnā   bʰayād anya-bʰaya_āvahāḥ /10/

Verse: 11 
Halfverse: a    adya śokarasajñās tā   bʰaviṣyanti niśācara
   adya śoka-rasajñās tā   bʰaviṣyanti niśā-cara /
Halfverse: c    anurūpakulāḥ patnyo   yāsāṃ tvaṃ patir īdr̥śaḥ
   anurūpa-kulāḥ patnyo   yāsāṃ tvaṃ patir īdr̥śaḥ /11/

Verse: 12 
Halfverse: a    nr̥śaṃsaśīla kṣudrātman   nityaṃ brāhmaṇakaṇṭaka
   nr̥śaṃsa-śīla kṣudra_ātman   nityaṃ brāhmaṇa-kaṇṭaka /12/
Halfverse: c    tvatkr̥te śaṅkitair agnau   munibʰiḥ pātyate haviḥ
   tvat-kr̥te śaṅkitair agnau   munibʰiḥ pātyate haviḥ /12/

Verse: 13 
Halfverse: a    tam evam abʰisaṃrabdʰaṃ   bruvāṇaṃ rāgʰavaṃ raṇe
   tam evam abʰisaṃrabdʰaṃ   bruvāṇaṃ rāgʰavaṃ raṇe /
Halfverse: c    kʰaro nirbʰartsayām āsa   roṣāt kʰaratara svanaḥ
   kʰaro nirbʰartsayām āsa   roṣāt kʰaratara svanaḥ /13/

Verse: 14 
Halfverse: a    dr̥ḍʰaṃ kʰalv avalipto 'si   bʰayeṣv api ca nirbʰayaḥ
   dr̥ḍʰaṃ kʰalv avalipto_asi   bʰayeṣv api ca nirbʰayaḥ /
Halfverse: c    vācyāvācyaṃ tato hi tvaṃ   mr̥tyuvaśyo na budʰyase
   vācya_avācyaṃ tato hi tvaṃ   mr̥tyu-vaśyo na budʰyase /14/

Verse: 15 
Halfverse: a    kālapāśaparikṣiptā   bʰavanti puruṣā hi ye
   kāla-pāśa-parikṣiptā   bʰavanti puruṣā hi ye /
Halfverse: c    kāryākāryaṃ na jānanti   te nirastaṣaḍindriyāḥ
   kārya_akāryaṃ na jānanti   te nirasta-ṣaḍ-indriyāḥ /15/

Verse: 16 
Halfverse: a    evam uktvā tato rāmaṃ   saṃrudʰya bʰr̥kuṭiṃ tataḥ
   evam uktvā tato rāmaṃ   saṃrudʰya bʰr̥kuṭiṃ tataḥ /
Halfverse: c    sa dadarśa mahāsālam   avidūre niśācaraḥ
   sa dadarśa mahā-sālam   avidūre niśā-caraḥ /16/

Verse: 17 
Halfverse: a    raṇe praharaṇasyārtʰe   sarvato hy avalokayan
   raṇe praharaṇasya_artʰe   sarvato hy avalokayan /
Halfverse: c    sa tam utpāṭayām āsa   saṃdr̥śya daśanaccʰadam
   sa tam utpāṭayām āsa   saṃdr̥śya daśanac-cʰadam /17/

Verse: 18 
Halfverse: a    taṃ samutkṣipya bāhubʰyāṃ   vinarditvā mahābalaḥ
   taṃ samutkṣipya bāhubʰyāṃ   vinarditvā mahā-balaḥ /
Halfverse: c    rāmam uddiśya cikṣepa   hatas tvam iti cābravīt
   rāmam uddiśya cikṣepa   hatas tvam iti ca_abravīt /18/

Verse: 19 
Halfverse: a    tam āpatantaṃ bāṇaugʰaiś   cʰittvā rāmaḥ pratāpavān
   tam āpatantaṃ bāṇa_ogʰaiś   cʰittvā rāmaḥ pratāpavān /
Halfverse: c    roṣam āhārayat tīvraṃ   nihantuṃ samare kʰaram
   roṣam āhārayat tīvraṃ   nihantuṃ samare kʰaram /19/

Verse: 20 
Halfverse: a    jātasvedas tato rāmo   roṣād raktāntalocanaḥ
   jāta-svedas tato rāmo   roṣād rakta_anta-locanaḥ /
Halfverse: c    nirbibʰeda sahasreṇa   bāṇānāṃ samare kʰaram
   nirbibʰeda sahasreṇa   bāṇānāṃ samare kʰaram /20/

Verse: 21 
Halfverse: a    tasya bāṇāntarād raktaṃ   bahu susrāva pʰenilam
   tasya bāṇa_antarād raktaṃ   bahu susrāva pʰenilam /
Halfverse: c    gireḥ prasravaṇasyeva   toyadʰārāparisravaḥ
   gireḥ prasravaṇasya_iva   toya-dʰārā-parisravaḥ /21/

Verse: 22 
Halfverse: a    vihvalaḥ sa kr̥to bāṇaiḥ   kʰaro rāmeṇa saṃyuge
   vihvalaḥ sa kr̥to bāṇaiḥ   kʰaro rāmeṇa saṃyuge /
Halfverse: c    matto rudʰiragandʰena   tam evābʰyadravad drutam
   matto rudʰira-gandʰena   tam eva_abʰyadravad drutam /22/

Verse: 23 
Halfverse: a    tam āpatantaṃ saṃrabdʰaṃ   kr̥tāstro rudʰirāplutam
   tam āpatantaṃ saṃrabdʰaṃ   kr̥ta_astro rudʰira_āplutam /
Halfverse: c    apasarpat pratipadaṃ   kiṃ cit tvaritavikramaḥ
   apasarpat pratipadaṃ   kiṃcit tvarita-vikramaḥ /23/

Verse: 24 
Halfverse: a    tataḥ pāvakasaṃkāśaṃ   badʰāya samare śaram
   tataḥ pāvaka-saṃkāśaṃ   badʰāya samare śaram /
Halfverse: c    kʰarasya rāmo jagrāha   brahmadaṇḍam ivāparam
   kʰarasya rāmo jagrāha   brahma-daṇḍam iva_aparam /24/

Verse: 25 
Halfverse: a    sa tad dattaṃ magʰavatā   surarājena dʰīmatā
   sa tad dattaṃ magʰavatā   sura-rājena dʰīmatā /
Halfverse: c    saṃdadʰe ca sa dʰarmātmā   mumoca ca kʰaraṃ prati
   saṃdadʰe ca sa dʰarma_ātmā   mumoca ca kʰaraṃ prati /25/

Verse: 26 
Halfverse: a    sa vimukto mahābāṇo   nirgʰātasamaniḥsvanaḥ
   sa vimukto mahā-bāṇo   nirgʰāta-sama-niḥsvanaḥ /
Halfverse: c    rāmeṇa dʰanur udyamya   kʰarasyorasi cāpatat
   rāmeṇa dʰanur udyamya   kʰarasya_urasi ca_āpatat /26/

Verse: 27 
Halfverse: a    sa papāta kʰaro bʰūmau   dahyamānaḥ śarāgninā
   sa papāta kʰaro bʰūmau   dahyamānaḥ śara_agninā /
Halfverse: c    rudreṇaiva vinirdagdʰaḥ   śvetāraṇye yatʰāndʰakaḥ
   rudreṇa_eva vinirdagdʰaḥ   śveta_araṇye yatʰā_andʰakaḥ /27/

Verse: 28 
Halfverse: a    sa vr̥tra iva vajreṇa   pʰenena namucir yatʰāa
   sa vr̥tra iva vajreṇa   pʰenena namucir yatʰāa /
Halfverse: c    balo vendrāśanihato   nipapāta hataḥ kʰaraḥ
   balo vā_indra_aśani-hato   nipapāta hataḥ kʰaraḥ /28/

Verse: 29 
Halfverse: a    tato rājarṣayaḥ sarve   saṃgatāḥ paramarṣayaḥ
   tato rāja-r̥ṣayaḥ sarve   saṃgatāḥ parama-r̥ṣayaḥ /
Halfverse: c    sabʰājya muditā rāmam   idaṃ vacanam abruvan
   sabʰājya muditā rāmam   idaṃ vacanam abruvan /29/

Verse: 30 
Halfverse: a    etadartʰaṃ mahātejā   mahendraḥ pākaśāsanaḥ
   etad-artʰaṃ mahā-tejā   mahā_indraḥ pāka-śāsanaḥ /
Halfverse: c    śarabʰaṅgāśramaṃ puṇyam   ājagāma puraṃdaraḥ
   śara-bʰaṅga_āśramaṃ puṇyam   ājagāma puraṃdaraḥ /30/

Verse: 31 
Halfverse: a    ānītas tvam imaṃ deśam   upāyena maharṣibʰiḥ
   ānītas tvam imaṃ deśam   upāyena maharṣibʰiḥ /
Halfverse: c    eṣāṃ vadʰārtʰaṃ krūrāṇāṃ   rakṣasāṃ pāpakarmaṇām
   eṣāṃ vadʰa_artʰaṃ krūrāṇāṃ   rakṣasāṃ pāpa-karmaṇām /31/

Verse: 32 
Halfverse: a    tad idaṃ naḥ kr̥taṃ kāryaṃ   tvayā daśaratʰātmaja
   tad idaṃ naḥ kr̥taṃ kāryaṃ   tvayā daśaratʰa_ātmaja /
Halfverse: c    sukʰaṃ dʰarmaṃ cariṣyanti   daṇḍakeṣu maharṣayaḥ
   sukʰaṃ dʰarmaṃ cariṣyanti   daṇḍakeṣu maharṣayaḥ /32/

Verse: 33 
Halfverse: a    etasminn antare vīro   lakṣmaṇaḥ saha sītayā
   etasminn antare vīro   lakṣmaṇaḥ saha sītayā /
Halfverse: c    giridurgād viniṣkramya   saṃviveśāśramaṃ sukʰī
   giri-durgād viniṣkramya   saṃviveśa_āśramaṃ sukʰī /

Verse: 34 
Halfverse: a    tato rāmas tu vijayī   pūjyamāno maharṣibʰiḥ
   tato rāmas tu vijayī   pūjyamāno maharṣibʰiḥ /
Halfverse: c    praviveśāśramaṃ vīro   lakṣmaṇenābʰivāditaḥ
   praviveśa_āśramaṃ vīro   lakṣmaṇena_abʰivāditaḥ /34/

Verse: 35 
Halfverse: a    taṃ dr̥ṣṭvā śatruhantāraṃ   maharṣīṇāṃ sukʰāvaham
   taṃ dr̥ṣṭvā śatru-hantāraṃ   maharṣīṇāṃ sukʰa_āvaham /
Halfverse: c    babʰūva hr̥ṣṭā vaidehī   bʰartāraṃ pariṣasvaje
   babʰūva hr̥ṣṭā vaidehī   bʰartāraṃ pariṣasvaje /35/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.