TITUS
Ramayana
Part No. 546
Previous part

Chapter: 39 
Adhyāya 39


Verse: 1 
Halfverse: a    tatʰā sma teṣāṃ vasatām   r̥kṣavānararakṣasām
   tatʰā sma teṣāṃ vasatām   r̥kṣa-vānara-rakṣasām /
Halfverse: c    rāgʰavas tu mahātejāḥ   sugrīvam idam abravīt
   rāgʰavas tu mahā-tejāḥ   sugrīvam idam abravīt /1/

Verse: 2 
Halfverse: a    gamyatāṃ saumya kiṣkindʰāṃ   durādʰarṣaṃ surāsuraiḥ
   gamyatāṃ saumya kiṣkindʰāṃ   durādʰarṣaṃ sura_asuraiḥ /
Halfverse: c    pālayasva sahāmātyai   rājyaṃ nihatakaṇṭakam
   pālayasva saha_amātyai   rājyaṃ nihata-kaṇṭakam /2/

Verse: 3 
Halfverse: a    aṅgadaṃ ca mahābāho   prītyā paramayānvitaḥ
   aṅgadaṃ ca mahā-bāho   prītyā paramayā_anvitaḥ /
Halfverse: c    paśya tvaṃ hanumantaṃ ca   nalaṃ ca sumahābalam
   paśya tvaṃ hanumantaṃ ca   nalaṃ ca sumahā-balam /3/

Verse: 4 
Halfverse: a    suṣeṇaṃ śvaśuraṃ śūraṃ   tāraṃ ca balināṃ varam
   suṣeṇaṃ śvaśuraṃ śūraṃ   tāraṃ ca balināṃ varam /
Halfverse: c    kumudaṃ caiva durdʰarṣaṃ   nīlaṃ ca sumahābalam
   kumudaṃ caiva durdʰarṣaṃ   nīlaṃ ca sumahā-balam /4/

Verse: 5 
Halfverse: a    vīraṃ śatabaliṃ caiva   maindaṃ dvividam eva ca
   vīraṃ śata-baliṃ caiva   maindaṃ dvividam eva ca /
Halfverse: c    gajaṃ gavākṣaṃ gavayaṃ   śarabʰaṃ ca mahābalam
   gajaṃ gava_akṣaṃ gavayaṃ   śarabʰaṃ ca mahā-balam /5/

Verse: 6 
Halfverse: a    r̥kṣarājaṃ ca durdʰarṣaṃ   jāmbavantaṃ mahābalam
   r̥kṣa-rājaṃ ca durdʰarṣaṃ   jāmbavantaṃ mahā-balam /
Halfverse: c    paśya prītisamāyukto   gandʰamādanam eva ca
   paśya prīti-samāyukto   gandʰa-mādanam eva ca /6/

Verse: 7 
Halfverse: a    ye cānye sumahātmāno   madartʰe tyaktajīvitāḥ
   ye ca_anye sumahātmāno   mad-artʰe tyakta-jīvitāḥ /
Halfverse: c    paśya tvaṃ prītisaṃyukto   mā caiṣāṃ vipriyaṃ kr̥tʰāḥ
   paśya tvaṃ prīti-saṃyukto   mā ca_eṣāṃ vipriyaṃ kr̥tʰāḥ /7/

Verse: 8 
Halfverse: a    evam uktvā ca sugrīvaṃ   praśasya ca punaḥ punaḥ
   evam uktvā ca sugrīvaṃ   praśasya ca punaḥ punaḥ /
Halfverse: c    vibʰīṣaṇam atʰovāca   rāmo madʰurayā girā
   vibʰīṣaṇam atʰa_uvāca   rāmo madʰurayā girā /

Verse: 9 
Halfverse: a    taṅkāṃ praśādʰi dʰarmeṇa   saṃmato hy asi pārtʰiva
   taṅkāṃ praśādʰi dʰarmeṇa   saṃmato hy asi pārtʰiva /
Halfverse: c    purasya rākṣasānāṃ ca   bʰrātur vaiśvaraṇasya ca
   purasya rākṣasānāṃ ca   bʰrātur vaiśvaraṇasya ca /9/

Verse: 10 
Halfverse: a    mā ca buddʰim adʰarme tvaṃ   kuryā rājan katʰaṃ cana
   mā ca buddʰim adʰarme tvaṃ   kuryā rājan katʰaṃcana /
Halfverse: c    buddʰimanto hi rājāno   dʰruvam aśnanti medinīm
   buddʰimanto hi rājāno   dʰruvam aśnanti medinīm /10/

Verse: 11 
Halfverse: a    ahaṃ ca nityaśo rājan   sugrīvasahitas tvayā
   ahaṃ ca nityaśo rājan   sugrīva-sahitas tvayā /
Halfverse: c    smartavyaḥ parayā prītyā   gaccʰa tvaṃ vigatajvaraḥ
   smartavyaḥ parayā prītyā   gaccʰa tvaṃ vigata-jvaraḥ /11/

Verse: 12 
Halfverse: a    rāmasya bʰāṣitaṃ śrutvā   r̥ṣkavānararākṣasāḥ
   rāmasya bʰāṣitaṃ śrutvā   r̥ṣka-vānara-rākṣasāḥ /
Halfverse: c    sādʰu sādʰv iti kākutstʰaṃ   praśaśaṃsuḥ punaḥ punaḥ
   sādʰu sādʰv iti kākutstʰaṃ   praśaśaṃsuḥ punaḥ punaḥ /12/

Verse: 13 
Halfverse: a    tava buddʰir mahābāho   vīryam adbʰutam eva ca
   tava buddʰir mahā-bāho   vīryam adbʰutam eva ca /
Halfverse: c    mādʰuryaṃ paramaṃ rāma   svayambʰor iva nityadā
   mādʰuryaṃ paramaṃ rāma   svayambʰor iva nityadā /13/

Verse: 14 
Halfverse: a    teṣām evaṃ bruvāṇānāṃ   vānarāṇāṃ ca rakṣasām
   teṣām evaṃ bruvāṇānāṃ   vānarāṇāṃ ca rakṣasām /
Halfverse: c    hanūmatpraṇato bʰūtvā   rāgʰavaṃ vākyam abravīt
   hanūmat-praṇato bʰūtvā   rāgʰavaṃ vākyam abravīt /14/

Verse: 15 
Halfverse: a    sneho me paramo rājaṃs   tvayi nityaṃ pratiṣṭʰitaḥ
   sneho me paramo rājaṃs   tvayi nityaṃ pratiṣṭʰitaḥ /
Halfverse: c    bʰaktiś ca niyatā vīra   bʰāvo nānyatra gaccʰati
   bʰaktiś ca niyatā vīra   bʰāvo na_anyatra gaccʰati /15/

Verse: 16 
Halfverse: a    yāvad rāmakatʰāṃ vīra   śroṣye 'haṃ pr̥tʰivītale
   yāvad rāma-katʰāṃ vīra   śroṣye_ahaṃ pr̥tʰivī-tale /
Halfverse: c    tāvac cʰarīre vatsyantu   mama prāṇā na saṃśayaḥ
   tāvat śarīre vatsyantu   mama prāṇā na saṃśayaḥ /16/

Verse: 17 
Halfverse: a    evaṃ bruvāṇaṃ rājendro   hanūmantam atʰāsanāt
   evaṃ bruvāṇaṃ rāja_indro   hanūmantam atʰa_āsanāt /
Halfverse: c    uttʰāya ca pariṣvajya   vākyam etad uvāca ha
   uttʰāya ca pariṣvajya   vākyam etad uvāca ha /17/

Verse: 18 
Halfverse: a    evam etat kapiśreṣṭʰa   bʰavitā nātra saṃśayaḥ
   evam etat kapi-śreṣṭʰa   bʰavitā na_atra saṃśayaḥ /
Halfverse: c    lokā hi yāvat stʰāsyanti   tāvat stʰāsyati me katʰā
   lokā hi yāvat stʰāsyanti   tāvat stʰāsyati me katʰā /18/

Verse: 19 
Halfverse: a    cariṣyati katʰā yāval   lokān eṣā hi māmikā
   cariṣyati katʰā yāval   lokān eṣā hi māmikā /19/
Halfverse: c    tāvac cʰarīre vatsyanti   prāṇās tava na saṃśayaḥ
   tāvat śarīre vatsyanti   prāṇās tava na saṃśayaḥ /19/

Verse: 20 
Halfverse: a    tato 'sya hāraṃ candrābʰaṃ   mucya kaṇṭʰāt sa rāgʰavaḥ
   tato_asya hāraṃ candra_ābʰaṃ   mucya kaṇṭʰāt sa rāgʰavaḥ /
Halfverse: c    vaidūryataralaṃ snehād   ābabandʰe hanūmati
   vaidūrya-taralaṃ snehād   ābabandʰe hanūmati /20/

Verse: 21 
Halfverse: a    tenorasi nibaddʰena   hāreṇa sa mahākapiḥ
   tena_urasi nibaddʰena   hāreṇa sa mahā-kapiḥ /
Halfverse: c    rarāja hemaśailendraś   candreṇākrāntamastakaḥ
   rarāja hema-śaila_indraś   candreṇa_ākrānta-mastakaḥ /21/

Verse: 22 
Halfverse: a    śrutvā tu rāgʰavasyaitad   uttʰāyottʰāya vānarāḥ
   śrutvā tu rāgʰavasya_etad   uttʰāya_uttʰāya vānarāḥ /
Halfverse: c    praṇamya śirasā pādau   prajagmus te mahābalāḥ
   praṇamya śirasā pādau   prajagmus te mahā-balāḥ /22/

Verse: 23 
Halfverse: a    sugrīvaś caiva rāmeṇa   pariṣvakto mahābʰujaḥ
   sugrīvaś caiva rāmeṇa   pariṣvakto mahā-bʰujaḥ /
Halfverse: c    vibʰīṣaṇaś ca dʰarmātmā   nirantaram urogataḥ
   vibʰīṣaṇaś ca dʰarma_ātmā   nirantaram uro-gataḥ /23/

Verse: 24 
Halfverse: a    sarve ca te bāṣpagalāḥ   sāśrunetrā vicetasaḥ
   sarve ca te bāṣpa-galāḥ   sāśru-netrā vicetasaḥ /
Halfverse: c    saṃmūḍʰā iva duḥkʰena   tyajante rāgʰavaṃ tadā
   saṃmūḍʰā iva duḥkʰena   tyajante rāgʰavaṃ tadā /24/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.