TITUS
Ramayana
Part No. 564
Previous part

Chapter: 57 
Adhyāya 57


Verse: 1 
Halfverse: a    prastʰāpya tad balaṃ sarvaṃ   māsamātroṣitaḥ patʰi
   prastʰāpya tad balaṃ sarvaṃ   māsa-mātra_uṣitaḥ patʰi /
Halfverse: c    eka evāśu śatrugʰno   jagāma tvaritas tadā
   eka eva_āśu śatrugʰno   jagāma tvaritas tadā /1/

Verse: 2 
Halfverse: a    dvirātram antare śūra   uṣya rāgʰavanandanaḥ
   dvi-rātram antare śūra   uṣya rāgʰava-nandanaḥ /
Halfverse: c    vālmīker āśramaṃ puṇyam   agaccʰad vāsam uttamam
   vālmīker āśramaṃ puṇyam   agaccʰad vāsam uttamam /2/

Verse: 3 
Halfverse: a    so 'bʰivādya mahātmānaṃ   vālmīkiṃ munisattamam
   so_abʰivādya mahātmānaṃ   vālmīkiṃ muni-sattamam /
Halfverse: c    kr̥tāñjalir atʰo bʰūtvā   vākyam etad uvāca ha
   kr̥ta_añjalir atʰo bʰūtvā   vākyam etad uvāca ha /3/

Verse: 4 
Halfverse: a    bʰagavan vastum iccʰāmi   guroḥ kr̥tyād ihāgataḥ
   bʰagavan vastum iccʰāmi   guroḥ kr̥tyād iha_āgataḥ /
Halfverse: c    śvaḥ prabʰāte gamiṣyāmi   pratīcīṃ vāruṇīṃ diśam
   śvaḥ prabʰāte gamiṣyāmi   pratīcīṃ vāruṇīṃ diśam /4/ {!}

Verse: 5 
Halfverse: a    śatrugʰnasya vacaḥ śrutvā   prahasya munipuṃgavaḥ
   śatrugʰnasya vacaḥ śrutvā   prahasya muni-puṃgavaḥ /
Halfverse: c    pratyuvaca mahātmānaṃ   svāgataṃ te mahāyaśaḥ
   pratyuvaca mahātmānaṃ   svāgataṃ te mahā-yaśaḥ /5/

Verse: 6 
Halfverse: a    svam āśramam idaṃ saumya   rāgʰavāṇāṃ kulasya ha
   svam āśramam idaṃ saumya   rāgʰavāṇāṃ kulasya ha /
Halfverse: c    āsanaṃ pādyam argʰyaṃ ca   nirviśaṅkaḥ pratīccʰa me
   āsanaṃ pādyam argʰyaṃ ca   nirviśaṅkaḥ pratīccʰa me /6/

Verse: 7 
Halfverse: a    pratigr̥hya tataḥ pūjāṃ   pʰalamūlaṃ ca bʰojanam
   pratigr̥hya tataḥ pūjāṃ   pʰala-mūlaṃ ca bʰojanam /
Halfverse: c    bʰakṣayām āsa kākutstʰas   tr̥ptiṃ ca paramāṃ gataḥ
   bʰakṣayām āsa kākutstʰas   tr̥ptiṃ ca paramāṃ gataḥ /7/

Verse: 8 
Halfverse: a    sa tu bʰuktvā mahābāhur   maharṣiṃ tam uvāca ha
   sa tu bʰuktvā mahā-bāhur   maharṣiṃ tam uvāca ha /
Halfverse: c    pūrvaṃ yajñavibʰūtīyaṃ   kasyāśramasamīpataḥ
   pūrvaṃ yajña-vibʰūtīyaṃ   kasya_āśrama-samīpataḥ /8/ {?}

Verse: 9 
Halfverse: a    tasya tadbʰāṣitaṃ śrutvā   vālmīkir vākyam abravīt
   tasya tad-bʰāṣitaṃ śrutvā   vālmīkir vākyam abravīt /
Halfverse: c    śatrugʰna śr̥ṇu yasyedaṃ   babʰūvāyatanaṃ purā
   śatrugʰna śr̥ṇu yasya_idaṃ   babʰūva_āyatanaṃ purā /9/

Verse: 10 
Halfverse: a    yuṣmākaṃ pūrvako rājā   sudāsasya mahātmanaḥ
   yuṣmākaṃ pūrvako rājā   sudāsasya mahātmanaḥ /
Halfverse: c    putro mitrasaho nāma   vīryavān atidʰārmikaḥ
   putro mitra-saho nāma   vīryavān atidʰārmikaḥ /10/

Verse: 11 
Halfverse: a    sa bāla eva saudāso   mr̥gayām upacakrame
   sa bāla eva saudāso   mr̥gayām upacakrame /
Halfverse: c    cañcūryamāṇaṃ dadr̥śe   sa śūro rākṣasadvayam
   cañcūryamāṇaṃ dadr̥śe   sa śūro rākṣasa-dvayam /11/

Verse: 12 
Halfverse: a    śārdūlarūpiṇau gʰorau   mr̥gān bahusahasraśaḥ
   śārdūla-rūpiṇau gʰorau   mr̥gān bahu-sahasraśaḥ /
Halfverse: c    bʰakṣayānāv asaṃtuṣṭau   paryāptiṃ ca na jagmatuḥ {!}
   bʰakṣayānāv asaṃtuṣṭau   paryāptiṃ ca na jagmatuḥ /12/ {!}

Verse: 13 
Halfverse: a    sa tu tau rākṣasau dr̥ṣṭvā   nirmr̥gaṃ ca vanaṃ kr̥tam
   sa tu tau rākṣasau dr̥ṣṭvā   nirmr̥gaṃ ca vanaṃ kr̥tam /
Halfverse: c    krodʰena mahatāviṣṭo   jagʰānaikaṃ maheṣuṇā
   krodʰena mahatā_āviṣṭo   jagʰāna_ekaṃ mahā_iṣuṇā /13/

Verse: 14 
Halfverse: a    vinipātya tam ekaṃ tu   saudāsaḥ puruṣarṣabʰaḥ
   vinipātya tam ekaṃ tu   saudāsaḥ puruṣa-r̥ṣabʰaḥ /
Halfverse: c    vijvaro vigatāmarṣo   hataṃ rakṣo 'bʰyavaikṣata
   vijvaro vigata_amarṣo   hataṃ rakṣo_abʰyavaikṣata /14/

Verse: 15 
Halfverse: a    nirīkṣamāṇaṃ taṃ dr̥ṣṭvā   sahāyas tasya rakṣasaḥ
   nirīkṣamāṇaṃ taṃ dr̥ṣṭvā   sahāyas tasya rakṣasaḥ /
Halfverse: c    saṃtāpam akarod gʰoraṃ   saudāsaṃ cedam abravīt
   saṃtāpam akarod gʰoraṃ   saudāsaṃ ca_idam abravīt /15/

Verse: 16 
Halfverse: a    yasmād anaparāddʰaṃ tvaṃ   sahāyaṃ mama jagʰnivān
   yasmād anaparāddʰaṃ tvaṃ   sahāyaṃ mama jagʰnivān / {-rādʰaṃ txt}
Halfverse: c    tasmāt tavāpu pāpiṣṭʰa   pradāsyāmi pratikriyām
   tasmāt tava_apu pāpiṣṭʰa   pradāsyāmi pratikriyām /16/

Verse: 17 
Halfverse: a    evam uktvā tu taṃ rakṣas   tatraivāntaradʰīyata
   evam uktvā tu taṃ rakṣas   tatra_eva_antar-adʰīyata /
Halfverse: c    kālaparyāya yogena   rājā mitrasaho 'bʰavat
   kāla-paryāya yogena   rājā mitra-saho_abʰavat /17/

Verse: 18 
Halfverse: a    rājāpi yajate yajñaṃ   tasyāśramasamīpataḥ
   rājā_api yajate yajñaṃ   tasya_āśrama-samīpataḥ /
Halfverse: c    aśvamedʰaṃ mahāyajñaṃ   taṃ vasiṣṭʰo 'bʰyapālayat
   aśva-medʰaṃ mahā-yajñaṃ   taṃ vasiṣṭʰo_abʰyapālayat /18/

Verse: 19 
Halfverse: a    tatra yajño mahān āsīd   bahuvarṣa gaṇāyutān
   tatra yajño mahān āsīd   bahu-varṣa gaṇa_ayutān /
Halfverse: c    samr̥ddʰaḥ parayā lakṣmyā   devayajñasamo 'bʰavat
   samr̥ddʰaḥ parayā lakṣmyā   deva-yajña-samo_abʰavat /19/

Verse: 20 
Halfverse: a    atʰāvasāne yajñasya   pūrvavairam anusmaran
   atʰa_avasāne yajñasya   pūrva-vairam anusmaran /
Halfverse: c    vasiṣṭʰarūpī rājānam   iti hovāca rākṣasaḥ
   vasiṣṭʰa-rūpī rājānam   iti ha_uvāca rākṣasaḥ /20/

Verse: 21 
Halfverse: a    adya yajñāvasānānte   sāmiṣaṃ bʰojanaṃ mama
   adya yajña_avasāna_ante   sāmiṣaṃ bʰojanaṃ mama /
Halfverse: c    dīyatām iti śīgʰraṃ vai   nātra kāryā vicāraṇā
   dīyatām iti śīgʰraṃ vai   na_atra kāryā vicāraṇā /21/

Verse: 22 
Halfverse: a    tac cʰrutvā vyāhr̥taṃ vākyaṃ   rakṣasā kāmarūpiṇā
   tat śrutvā vyāhr̥taṃ vākyaṃ   rakṣasā kāma-rūpiṇā /
Halfverse: c    bʰakṣasaṃskārakuśalam   uvāca pr̥tʰivīpatiḥ
   bʰakṣa-saṃskāra-kuśalam   uvāca pr̥tʰivī-patiḥ /22/

Verse: 23 
Halfverse: a    haviṣyaṃ sāmiṣaṃ svādu   yatʰā bʰavati bʰojanam
   haviṣyaṃ sāmiṣaṃ svādu   yatʰā bʰavati bʰojanam /
Halfverse: c    tatʰā kuruṣva śīgʰraṃ vai   parituṣyed yatʰā guruḥ
   tatʰā kuruṣva śīgʰraṃ vai   parituṣyed yatʰā guruḥ /23/

Verse: 24 
Halfverse: a    śāsanāt pārtʰivendrasya   sūdaḥ saṃbʰrāntamānasaḥ
   śāsanāt pārtʰiva_indrasya   sūdaḥ saṃbʰrānta-mānasaḥ / {!}
Halfverse: c    sa ca rakṣaḥ punas tatra   sūdaveṣam atʰākarot
   sa ca rakṣaḥ punas tatra   sūda-veṣam atʰa_akarot /24/

Verse: 25 
Halfverse: a    sa mānuṣam atʰo māṃsaṃ   pārtʰivāya nyavedayat
   sa mānuṣam atʰo māṃsaṃ   pārtʰivāya nyavedayat /
Halfverse: c    idaṃ svāduhaviṣyaṃ ca   sāmiṣaṃ cānnam āhr̥tam
   idaṃ svādu-haviṣyaṃ ca   sāmiṣaṃ ca_annam āhr̥tam /25/

Verse: 26 
Halfverse: a    sa bʰojanaṃ vasiṣṭʰāya   patnyā sārdʰam upāharat
   sa bʰojanaṃ vasiṣṭʰāya   patnyā sārdʰam upāharat /
Halfverse: c    madayantyā naravyāgʰra   sāmiṣaṃ rakṣasā hr̥tam
   madayantyā nara-vyāgʰra   sāmiṣaṃ rakṣasā hr̥tam /26/

Verse: 27 
Halfverse: a    jñātvā tadāmiṣaṃ vipro   mānuṣaṃ bʰojanāhr̥tam
   jñātvā tadā_āmiṣaṃ vipro   mānuṣaṃ bʰojana_āhr̥tam /
Halfverse: c    krodʰena mahatāviṣṭo   vyāhartum upacakrame
   krodʰena mahatā_āviṣṭo   vyāhartum upacakrame /27/

Verse: 28 
Halfverse: a    yasmāt tvaṃ bʰojanaṃ rājan   mamaitad dātum iccʰasi
   yasmāt tvaṃ bʰojanaṃ rājan   mama_etad dātum iccʰasi /
Halfverse: c    tasmād bʰojanam etat te   bʰaviṣyati na saṃśayaḥ
   tasmād bʰojanam etat te   bʰaviṣyati na saṃśayaḥ /28/

Verse: 29 
Halfverse: a    sa rājā saha patnyā vai   praṇipatya muhur muhuḥ
   sa rājā saha patnyā vai   praṇipatya muhur muhuḥ /
Halfverse: c    punar vasiṣṭʰaṃ provāca   yad uktaṃ brahmarūpiṇā
   punar vasiṣṭʰaṃ provāca   yad uktaṃ brahma-rūpiṇā /29/

Verse: 30 
Halfverse: a    tac cʰrutā pārtʰivendrasya   rakṣasā vikr̥taṃ ca tat
   tat śrutā pārtʰiva_indrasya   rakṣasā vikr̥taṃ ca tat /
Halfverse: c    punaḥ provāca rājānaṃ   vasiṣṭʰaḥ puruṣarṣabʰam
   punaḥ provāca rājānaṃ   vasiṣṭʰaḥ puruṣa-r̥ṣabʰam /30/

Verse: 31 
Halfverse: a    mayā roṣaparītena   yad idaṃ vyāhr̥taṃ vacaḥ
   mayā roṣa-parītena   yad idaṃ vyāhr̥taṃ vacaḥ /
Halfverse: c    naitac cʰakyaṃ vr̥tʰā kartuṃ   pradāsyāmi ca te varam
   na_etat śakyaṃ vr̥tʰā kartuṃ   pradāsyāmi ca te varam /31/

Verse: 32 
Halfverse: a    kālo dvādaśa varṣāṇi   śāpasyāsya bʰaviṣyati
   kālo dvādaśa varṣāṇi   śāpasya_asya bʰaviṣyati /
Halfverse: c    matprasādāc ca rājendra   atītaṃ na smariṣyasi
   mat-prasādāc ca rāja_indra   atītaṃ na smariṣyasi /32/

Verse: 33 
Halfverse: a    evaṃ sa rājā taṃ śāpam   upabʰujyārimardanaḥ
   evaṃ sa rājā taṃ śāpam   upabʰujya_ari-mardanaḥ /
Halfverse: c    pratilebʰe punā rājyaṃ   prajāś caivānvapālayat
   pratilebʰe punā rājyaṃ   prajāś caiva_anvapālayat /33/

Verse: 34 
Halfverse: a    tasya kalmāṣapādasya   yajñasyāyatanaṃ śubʰam
   tasya kalmāṣa-pādasya   yajñasya_āyatanaṃ śubʰam /
Halfverse: c    āśramasya samīpe 'smin   yasmin pr̥ccʰasi rāgʰava
   āśramasya samīpe_asmin   yasmin pr̥ccʰasi rāgʰava /34/

Verse: 35 
Halfverse: a    tasya tāṃ pārtʰivendrasya   katʰāṃ śrutvā sudāruṇam
   tasya tāṃ pārtʰiva_indrasya   katʰāṃ śrutvā sudāruṇam /
Halfverse: c    viveśa parṇaśālāyāṃ   maharṣim abʰivādya ca
   viveśa parṇa-śālāyāṃ   maharṣim abʰivādya ca /35/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.