TITUS
Ramayana
Part No. 570
Previous part

Chapter: 63 
Adhyāya 63


Verse: 1 
Halfverse: a    tato dvādaśame varṣe   śatrugʰno rāmapālitām
   tato dvādaśame varṣe   śatrugʰno rāma-pālitām /
Halfverse: c    ayodʰyāṃ cakame gantum   alpabʰr̥tyabalānugaḥ
   ayodʰyāṃ cakame gantum   alpa-bʰr̥tya-bala_anugaḥ /1/

Verse: 2 
Halfverse: a    mantriṇo balamukʰyāṃś ca   nivartya ca purodʰasaṃ
   mantriṇo bala-mukʰyāṃś ca   nivartya ca purodʰasaṃ /
Halfverse: c    jagāma ratʰamukʰyena   hayayuktena bʰāsvatā
   jagāma ratʰa-mukʰyena   haya-yuktena bʰāsvatā /2/

Verse: 3 
Halfverse: a    sa gatvā gaṇitān vāsān   saptāṣṭau ragʰunandanaḥ
   sa gatvā gaṇitān vāsān   sapta_aṣṭau ragʰu-nandanaḥ /
Halfverse: c    ayodʰyām agamat tūrṇaṃ   rāgʰavotsukadarśanaḥ
   ayodʰyām agamat tūrṇaṃ   rāgʰava_utsuka-darśanaḥ /3/

Verse: 4 
Halfverse: a    sa praviśya purīṃ ramyāṃ   śrīmān ikṣvākunandanaḥ
   sa praviśya purīṃ ramyāṃ   śrīmān ikṣvāku-nandanaḥ /
Halfverse: c    praviveśa mahābāhur   yatra rāmo mahādyutiḥ
   praviveśa mahā-bāhur   yatra rāmo mahā-dyutiḥ /4/

Verse: 5 
Halfverse: a    so 'bʰivādya mahātmānaṃ   jvalantam iva tejasā
   so_abʰivādya mahātmānaṃ   jvalantam iva tejasā /
Halfverse: c    uvāca prāñjalir bʰūtvā   rāmaṃ satyaparākramam
   uvāca prāñjalir bʰūtvā   rāmaṃ satya-parākramam /5/

Verse: 6 
Halfverse: a    yad ājñaptaṃ mahārāja   sarvaṃ tat kr̥tavān aham
   yad ājñaptaṃ mahā-rāja   sarvaṃ tat kr̥tavān aham /
Halfverse: c    hataḥ sa lavaṇaḥ pāpaḥ   purī sā ca niveśitā
   hataḥ sa lavaṇaḥ pāpaḥ   purī sā ca niveśitā /6/

Verse: 7 
Halfverse: a    dvādaśaṃ ca gataṃ varṣaṃ   tvāṃ vinā ragʰunandana
   dvādaśaṃ ca gataṃ varṣaṃ   tvāṃ vinā ragʰu-nandana /
Halfverse: c    notsaheyam ahaṃ vastuṃ   tvayā virahito nr̥pa
   na_utsaheyam ahaṃ vastuṃ   tvayā virahito nr̥pa /7/

Verse: 8 
Halfverse: a    sa me prasādaṃ kākutstʰa   kuruṣvāmitavikrama
   sa me prasādaṃ kākutstʰa   kuruṣva_amita-vikrama /
Halfverse: c    mātr̥hīno yatʰā vatsas   tvāṃ vinā pravasāmy aham
   mātr̥-hīno yatʰā vatsas   tvāṃ vinā pravasāmy aham /8/ {!}

Verse: 9 
Halfverse: a    evaṃ bruvāṇaṃ śatrugʰnaṃ   pariṣvajyedam abravīt
   evaṃ bruvāṇaṃ śatrugʰnaṃ   pariṣvajya_idam abravīt /
Halfverse: c    mā viṣādaṃ kr̥tʰā vīra   naitat kṣatriya ceṣṭitam
   mā viṣādaṃ kr̥tʰā vīra   na_etat kṣatriya ceṣṭitam /9/

Verse: 10 
Halfverse: a    nāvasīdanti rājāno   vipravāseṣu rāgʰava
   na_avasīdanti rājāno   vipravāseṣu rāgʰava /
Halfverse: c    prajāś ca paripālyā hi   kṣatradʰarmeṇa rāgʰava
   prajāś ca paripālyā hi   kṣatra-dʰarmeṇa rāgʰava /10/

Verse: 11 
Halfverse: a    kāle kāle ca māṃ vīra   ayodʰyām avalokitum
   kāle kāle ca māṃ vīra   ayodʰyām avalokitum /
Halfverse: c    āgaccʰa tvaṃ naraśreṣṭʰa   gantāsi ca puraṃ tava
   āgaccʰa tvaṃ nara-śreṣṭʰa   gantā_asi ca puraṃ tava /11/

Verse: 12 
Halfverse: a    mamāpi tvaṃ sudayitaḥ   prāṇair api na saṃśayaḥ
   mama_api tvaṃ sudayitaḥ   prāṇair api na saṃśayaḥ /
Halfverse: c    avaśyaṃ karaṇīyaṃ ca   rājyasya paripālanam
   avaśyaṃ karaṇīyaṃ ca   rājyasya paripālanam /12/

Verse: 13 
Halfverse: a    tasmāt tvaṃ vasa kākutstʰa   pañcarātraṃ mayā saha
   tasmāt tvaṃ vasa kākutstʰa   pañca-rātraṃ mayā saha /
Halfverse: c    ūrdʰvaṃ gantāsi madʰurāṃ   sabʰr̥tyabalavāhanaḥ
   ūrdʰvaṃ gantā_asi madʰurāṃ   sabʰr̥tya-bala-vāhanaḥ /13/

Verse: 14 
Halfverse: a    rāmasyaitad vacaḥ śrutvā   dʰarmayuktaṃ mano'nugam
   rāmasya_etad vacaḥ śrutvā   dʰarma-yuktaṃ mano_anugam /
Halfverse: c    śatrugʰno dīnayā vācā   bāḍʰam ity eva cābravīt
   śatrugʰno dīnayā vācā   bāḍʰam ity eva ca_abravīt /14/

Verse: 15 
Halfverse: a    sa pañcarātraṃ kākutstʰo   rāgʰavasya yatʰājñayā
   sa pañca-rātraṃ kākutstʰo   rāgʰavasya yatʰā_ājñayā /
Halfverse: c    uṣya tatra maheṣvāso   gamanāyopacakrame
   uṣya tatra mahā_iṣvāso   gamanāya_upacakrame /15/

Verse: 16 
Halfverse: a    āmantrya tu mahātmānaṃ   rāmaṃ satyaparākramam
   āmantrya tu mahātmānaṃ   rāmaṃ satya-parākramam /
Halfverse: c    bʰarataṃ lakṣmaṇaṃ caiva   mahāratʰam upāruhat
   bʰarataṃ lakṣmaṇaṃ caiva   mahā-ratʰam upāruhat /16/

Verse: 17 
Halfverse: a    dūraṃ tābʰyām anugato   lakṣmaṇena mahātmanā
   dūraṃ tābʰyām anugato   lakṣmaṇena mahātmanā /
Halfverse: c    bʰaratena ca śatrugʰno   jagāmāśu purīṃ tadā
   bʰaratena ca śatrugʰno   jagāma_āśu purīṃ tadā /17/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.