TITUS
Ramayana
Part No. 576
Previous part

Chapter: 69 
Adhyāya 69


Verse: 1 
Halfverse: a    bʰuktvā tu bʰāṣitaṃ vākyaṃ   mama rāma śubʰākṣaram
   bʰuktvā tu bʰāṣitaṃ vākyaṃ   mama rāma śubʰa_akṣaram /
Halfverse: c    prāñjaliḥ pratyuvācedaṃ   sa svargī ragʰunandana
   prāñjaliḥ pratyuvāca_idaṃ   sa svargī ragʰu-nandana /1/

Verse: 2 
Halfverse: a    śr̥ṇu brahman yatʰāvr̥ttaṃ   mamaitat sukʰaduḥkʰayoḥ
   śr̥ṇu brahman yatʰā-vr̥ttaṃ   mama_etat sukʰa-duḥkʰayoḥ /
Halfverse: c    duratikramaṇīyaṃ hi   yatʰā pr̥ccʰasi māṃ dvija
   duratikramaṇīyaṃ hi   yatʰā pr̥ccʰasi māṃ dvija /2/

Verse: 3 
Halfverse: a    purā vaidarbʰako rājā   pitā mama mahāyaśāḥ
   purā vaidarbʰako rājā   pitā mama mahā-yaśāḥ /
Halfverse: c    sudeva iti vikʰyātas   triṣu lokeṣu vīryavān
   sudeva iti vikʰyātas   triṣu lokeṣu vīryavān /3/

Verse: 4 
Halfverse: a    tasya putradvayaṃ brahman   dvābʰyāṃ strībʰyām ajāyata
   tasya putra-dvayaṃ brahman   dvābʰyāṃ strībʰyām ajāyata /
Halfverse: c    ahaṃ śveta iti kʰyāto   yavīyān suratʰo 'bʰavat
   ahaṃ śveta iti kʰyāto   yavīyān suratʰo_abʰavat /4/

Verse: 5 
Halfverse: a    tataḥ pitari svaryāte   paurā mām abʰyaṣecayan
   tataḥ pitari svar-yāte   paurā mām abʰyaṣecayan /
Halfverse: c    tatrāhaṃ kr̥tavān rājyaṃ   dʰarmeṇa susamāhitaḥ
   tatra_ahaṃ kr̥tavān rājyaṃ   dʰarmeṇa susamāhitaḥ /5/

Verse: 6 
Halfverse: a    evaṃ varṣasahasrāṇi   samatītāni suvrata
   evaṃ varṣa-sahasrāṇi   samatītāni suvrata /
Halfverse: c    rājyaṃ kārayato brahman   prajā dʰarmeṇa rakṣataḥ
   rājyaṃ kārayato brahman   prajā dʰarmeṇa rakṣataḥ /6/

Verse: 7 
Halfverse: a    so 'haṃ nimitte kasmiṃś cid   vijñātāyur dvijottama
   so_ahaṃ nimitte kasmiṃścid   vijñāta_āyur dvija_uttama /
Halfverse: c    kāladʰarmaṃ hr̥di nyasya   tato vanam upāgamam
   kāla-dʰarmaṃ hr̥di nyasya   tato vanam upāgamam /7/

Verse: 8 
Halfverse: a    so 'haṃ vanam idaṃ durgaṃ   mr̥gapakṣivivarjitam
   so_ahaṃ vanam idaṃ durgaṃ   mr̥ga-pakṣi-vivarjitam /
Halfverse: c    tapaś cartuṃ praviṣṭo 'smi   samīpe sarasaḥ śubʰe
   tapaś cartuṃ praviṣṭo_asmi   samīpe sarasaḥ śubʰe /8/

Verse: 9 
Halfverse: a    bʰrātaraṃ suratʰaṃ rājye   abʰiṣicya narādʰipam
   bʰrātaraṃ suratʰaṃ rājye   abʰiṣicya nara_adʰipam /
Halfverse: c    idaṃ saraḥ samāsādya   tapas taptaṃ mayā ciram
   idaṃ saraḥ samāsādya   tapas taptaṃ mayā ciram /9/

Verse: 10 
Halfverse: a    so 'haṃ varṣasahasrāṇi   tapas trīṇi mahāmune
   so_ahaṃ varṣa-sahasrāṇi   tapas trīṇi mahā-mune /
Halfverse: c    taptvā suduṣkaraṃ prāpto   brahmalokam anuttamam
   taptvā suduṣkaraṃ prāpto   brahma-lokam anuttamam /10/

Verse: 11 
Halfverse: a    tato māṃ svargasaṃstʰaṃ vai   kṣutpipāse dvijottama
   tato māṃ svarga-saṃstʰaṃ vai   kṣut-pipāse dvija_uttama /
Halfverse: c    bādʰete paramodāra   tato 'haṃ vyatʰitendriyaḥ
   bādʰete parama_udāra   tato_ahaṃ vyatʰita_indriyaḥ /11/

Verse: 12 
Halfverse: a    gatvā tribʰuvanaśreṣṭʰaṃ   pitāmaham uvāca ha {!}
   gatvā tribʰuvana-śreṣṭʰaṃ   pitāmaham uvāca ha / {!}
Halfverse: c    bʰagavan brahmaloko 'yaṃ   kṣutpipāsāvivarjitaḥ
   bʰagavan brahma-loko_ayaṃ   kṣut-pipāsā-vivarjitaḥ /12/

Verse: 13 
Halfverse: a    kasyeyaṃ karmaṇaḥ prāptiḥ   kṣutpipāsāvaśo 'smi yat
   kasya_iyaṃ karmaṇaḥ prāptiḥ   kṣut-pipāsā-vaśo_asmi yat /
Halfverse: c    āhāraḥ kaś ca me deva   tan me brūhi pitāmaha
   āhāraḥ kaś ca me deva   tan me brūhi pitāmaha /13/

Verse: 14 
Halfverse: a    pitāmahas tu mām āha   tavāhāraḥ sudevaja
   pitāmahas tu mām āha   tava_āhāraḥ sudevaja /
Halfverse: c    svādūni svāni māṃsāni   tāni bʰakṣaya nityaśaḥ
   svādūni svāni māṃsāni   tāni bʰakṣaya nityaśaḥ /14/

Verse: 15 
Halfverse: a    svaśarīraṃ tvayā puṣṭaṃ   kurvatā tapa uttamam
   sva-śarīraṃ tvayā puṣṭaṃ   kurvatā tapa uttamam /
Halfverse: c    anuptaṃ rohate śveta   na kadā cin mahāmate
   anuptaṃ rohate śveta   na kadācin mahā-mate /15/

Verse: 16 
Halfverse: a    dattaṃ na te 'sti sūkṣmo 'pi   vane sattvaniṣevite
   dattaṃ na te_asti sūkṣmo_api   vane sattva-niṣevite /
Halfverse: c    tena svargagato vatsa   bādʰyase kṣutpipāsayā
   tena svarga-gato vatsa   bādʰyase kṣut-pipāsayā /16/

Verse: 17 
Halfverse: a    sa tvaṃ supuṣṭam āhāraiḥ   svaśarīram anuttamam
   sa tvaṃ supuṣṭam āhāraiḥ   sva-śarīram anuttamam /
Halfverse: c    bʰakṣayasvāmr̥tarasaṃ   sā te tr̥ptir bʰaviṣyati
   bʰakṣayasva_amr̥ta-rasaṃ   sā te tr̥ptir bʰaviṣyati /17/

Verse: 18 
Halfverse: a    yadā tu tad vanaṃ śveta   agastyaḥ sumahān r̥ṣiḥ
   yadā tu tad vanaṃ śveta   agastyaḥ sumahān r̥ṣiḥ /
Halfverse: c    ākramiṣyati durdʰarṣas   tadā kr̥ccʰād vimokṣyase
   ākramiṣyati durdʰarṣas   tadā kr̥ccʰād vimokṣyase /18/

Verse: 19 
Halfverse: a    sa hi tārayituṃ saumya   śaktaḥ suragaṇān api
   sa hi tārayituṃ saumya   śaktaḥ sura-gaṇān api /
Halfverse: c    kiṃ punas tvāṃ mahābāho   kṣutpipāsāvaśaṃ gatam
   kiṃ punas tvāṃ mahā-bāho   kṣut-pipāsā-vaśaṃ gatam /19/

Verse: 20 
Halfverse: a    so 'haṃ bʰagavataḥ śrutvā   devadevasya niścayam
   so_ahaṃ bʰagavataḥ śrutvā   deva-devasya niścayam /
Halfverse: c    āhāraṃ garhitaṃ kurmi   svaśarīraṃ dvijottama
   āhāraṃ garhitaṃ kurmi   sva-śarīraṃ dvija_uttama /20/

Verse: 21 
Halfverse: a    bahūn varṣagaṇān brahman   bʰujyamānam idaṃ mayā
   bahūn varṣa-gaṇān brahman   bʰujyamānam idaṃ mayā /
Halfverse: c    kṣayaṃ nābʰyeti brahmarṣe   tr̥ptiś cāpi mamottamā
   kṣayaṃ na_abʰyeti brahma-r̥ṣe   tr̥ptiś ca_api mama_uttamā /21/

Verse: 22 
Halfverse: a    tasya me kr̥ccʰrabʰūtasya   kr̥ccʰrād asmād vimokṣaya
   tasya me kr̥ccʰra-bʰūtasya   kr̥ccʰrād asmād vimokṣaya /
Halfverse: c    anyeṣām agatir hy atra   kumbʰayonim r̥te dvijam
   anyeṣām agatir hy atra   kumbʰa-yonim r̥te dvijam /22/

Verse: 23 
Halfverse: a    idam ābʰaraṇaṃ saumya   tāraṇārtʰaṃ dvijottama
   idam ābʰaraṇaṃ saumya   tāraṇa_artʰaṃ dvija_uttama /
Halfverse: c    pratigr̥hṇīṣva brahmarṣe   prasādaṃ kartum arhasi
   pratigr̥hṇīṣva brahma-r̥ṣe   prasādaṃ kartum arhasi /23/

Verse: 24 
Halfverse: a    tasyāhaṃ svargiṇo vākyaṃ   śrutvā duḥkʰasamanvitam
   tasya_ahaṃ svargiṇo vākyaṃ   śrutvā duḥkʰa-samanvitam /
Halfverse: c    tāraṇāyopajagrāha   tad ābʰaraṇam uttamam
   tāraṇāya_upajagrāha   tad ābʰaraṇam uttamam /24/

Verse: 25 
Halfverse: a    mayā pratigr̥hīte tu   tasminn ābʰaraṇe śubʰe
   mayā pratigr̥hīte tu   tasminn ābʰaraṇe śubʰe /
Halfverse: c    mānuṣaḥ pūrvako deho   rājarṣeḥ sa nanāśa ha
   mānuṣaḥ pūrvako deho   rāja-r̥ṣeḥ sa nanāśa ha /25/

Verse: 26 
Halfverse: a    pranaṣṭe tu śarīre 'sau   rājarṣiḥ parayā mudā
   pranaṣṭe tu śarīre_asau   rāja-r̥ṣiḥ parayā mudā /
Halfverse: c    tr̥ptaḥ pramudito rājā   jagāma tridivaṃ punaḥ
   tr̥ptaḥ pramudito rājā   jagāma tridivaṃ punaḥ /26/

Verse: 27 
Halfverse: a    tenedaṃ śakratulyena   divyam ābʰaraṇaṃ mama
   tena_idaṃ śakra-tulyena   divyam ābʰaraṇaṃ mama /
Halfverse: c    tasmin nimitte kākutstʰa   dattam adbʰutadarśanam
   tasmin nimitte kākutstʰa   dattam adbʰuta-darśanam /27/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.