TITUS
Ramayana
Part No. 590
Previous part

Chapter: 83 
Adhyāya 83


Verse: 1 
Halfverse: a    tat sarvam akʰilenāśu   prastʰāpya bʰaratāgrajaḥ
   tat sarvam akʰilena_āśu   prastʰāpya bʰarata_agrajaḥ /
Halfverse: c    hayaṃ lakṣmaṇasaṃpannaṃ   kr̥ṣṇasāraṃ mumoca ha
   hayaṃ lakṣmaṇa-saṃpannaṃ   kr̥ṣṇa-sāraṃ mumoca ha /1/

Verse: 2 
Halfverse: a    r̥tvigbʰir lakṣmaṇaṃ sārdʰam   aśve ca viniyujya saḥ
   r̥tvigbʰir lakṣmaṇaṃ sārdʰam   aśve ca viniyujya saḥ /
Halfverse: c    tato 'bʰyagaccʰat kākutstʰaḥ   saha sainyena naimiṣam
   tato_abʰyagaccʰat kākutstʰaḥ   saha sainyena naimiṣam /2/

Verse: 3 
Halfverse: a    yajñavāṭaṃ mahābāhur   dr̥ṣṭvā paramam adbʰutam
   yajña-vāṭaṃ mahā-bāhur   dr̥ṣṭvā paramam adbʰutam /
Halfverse: c    praharṣam atulaṃ lebʰe   śrīmān iti ca so 'bravīt
   praharṣam atulaṃ lebʰe   śrīmān iti ca so_abravīt /3/

Verse: 4 
Halfverse: a    naimiṣe vasatas tasya   sarva eva narādʰipāḥ
   naimiṣe vasatas tasya   sarva eva nara_adʰipāḥ /
Halfverse: c    ājagmuḥ sarvarāṣṭrebʰyas   tān rāmaḥ pratyapūjayat
   ājagmuḥ sarva-rāṣṭrebʰyas   tān rāmaḥ pratyapūjayat /4/

Verse: 5 
Halfverse: a    upakāryān mahārhāṃś ca   pārtʰivānāṃ mahātmanām
   upakāryān mahā_arhāṃś ca   pārtʰivānāṃ mahātmanām /
Halfverse: c    sānugānāṃ naraśreṣṭʰo   vyādideśa mahādyutiḥ
   sānugānāṃ nara-śreṣṭʰo   vyādideśa mahā-dyutiḥ /5/

Verse: 6 
Halfverse: a    annapānāni vastrāṇi   sānugānāṃ mahātmanām
   anna-pānāni vastrāṇi   sānugānāṃ mahātmanām /
Halfverse: c    bʰarataḥ saṃdadāv āśu   śatrugʰnasahitas tadā
   bʰarataḥ saṃdadāv āśu   śatrugʰna-sahitas tadā /6/

Verse: 7 
Halfverse: a    vānarāś ca mahātmānaḥ   sugrīvasahitās tadā
   vānarāś ca mahātmānaḥ   sugrīva-sahitās tadā /
Halfverse: c    viprāṇāṃ praṇatāḥ sarve   cakrire pariveṣaṇam
   viprāṇāṃ praṇatāḥ sarve   cakrire pariveṣaṇam /7/

Verse: 8 
Halfverse: a    vibʰīṣaṇaś ca rakṣobʰiḥ   sragvibʰir bahubʰir vr̥taḥ
   vibʰīṣaṇaś ca rakṣobʰiḥ   sragvibʰir bahubʰir vr̥taḥ /
Halfverse: c    r̥ṣīṇām ugratapasāṃ   kiṃkaraḥ paryupastʰitaḥ
   r̥ṣīṇām ugra-tapasāṃ   kiṃkaraḥ paryupastʰitaḥ /8/

Verse: 9 
Halfverse: a    evaṃ suvihito yajño   hayamedʰo 'bʰyavartata
   evaṃ suvihito yajño   haya-medʰo_abʰyavartata /
Halfverse: c    lakṣmaṇenābʰiguptā ca   hayacaryā pravartitā
   lakṣmaṇena_abʰiguptā ca   haya-caryā pravartitā /9/

Verse: 10 
Halfverse: a    nānyaḥ śabdo 'bʰavat tatra   hayamedʰe mahātmanaḥ
   na_anyaḥ śabdo_abʰavat tatra   haya-medʰe mahātmanaḥ /
Halfverse: c    cʰandato dehi visrabdʰo   yāvat tuṣyanti yācakāḥ
   cʰandato dehi visrabdʰo   yāvat tuṣyanti yācakāḥ /
Halfverse: e    tāvad vānararakṣobʰir   dattam evābʰyadr̥śyata
   tāvad vānara-rakṣobʰir   dattam eva_abʰyadr̥śyata /10/

Verse: 11 
Halfverse: a    na kaś cin malinas tatra   dīno vāpy atʰa vā kr̥śaḥ
   na kaścin malinas tatra   dīno vā_apy atʰavā kr̥śaḥ /
Halfverse: c    tasmin yajñavare rājño   hr̥ṣṭapuṣṭajanāvr̥te
   tasmin yajña-vare rājño   hr̥ṣṭa-puṣṭa-jana_āvr̥te /11/

Verse: 12 
Halfverse: a    ye ca tatra mahātmāno   munayaś cirajīvinaḥ
   ye ca tatra mahātmāno   munayaś cira-jīvinaḥ /
Halfverse: c    nāsmaraṃs tādr̥śaṃ yajñaṃ   dānaugʰasamalaṃkr̥tam
   na_asmaraṃs tādr̥śaṃ yajñaṃ   dāna_ogʰa-samalaṃkr̥tam /12/

Verse: 13 
Halfverse: a    rajatānāṃ suvarṇānāṃ   ratnānām atʰa vāsasām
   rajatānāṃ suvarṇānāṃ   ratnānām atʰa vāsasām /
Halfverse: c    aniśaṃ dīyamānānāṃ   nāntaḥ samupadr̥śyate
   aniśaṃ dīyamānānāṃ   na_antaḥ samupadr̥śyate /13/

Verse: 14 
Halfverse: a    na śakrasya na somasya   yamasya varuṇasya vā
   na śakrasya na somasya   yamasya varuṇasya vā /
Halfverse: c    īdr̥śo dr̥ṣṭapūrvo na   evam ūcus tapodʰanāḥ
   īdr̥śo dr̥ṣṭa-pūrvo na   evam ūcus tapo-dʰanāḥ /14/

Verse: 15 
Halfverse: a    sarvatra vānarās tastʰuḥ   sarvatraiva ca rākṣasāḥ
   sarvatra vānarās tastʰuḥ   sarvatra_eva ca rākṣasāḥ /
Halfverse: c    vāso dʰanāni kāmibʰyaḥ   pūrṇahastā dadur bʰr̥śam
   vāso dʰanāni kāmibʰyaḥ   pūrṇa-hastā dadur bʰr̥śam /15/

Verse: 16 
Halfverse: a    īdr̥śo rājasiṃhasya   yajñaḥ sarvaguṇānvitaḥ
   īdr̥śo rāja-siṃhasya   yajñaḥ sarva-guṇa_anvitaḥ /
Halfverse: c    saṃvatsaram atʰo sāgraṃ   vartate na ca hīyate
   saṃvatsaram atʰo sāgraṃ   vartate na ca hīyate /16/



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.