TITUS
Ramayana
Part No. 589
Previous part

Chapter: 82 
Adhyāya 82


Verse: 1 
Halfverse: a    etad ākʰyāya kākutstʰo   bʰrātr̥hyām amitaprabʰaḥ
   etad ākʰyāya kākutstʰo   bʰrātr̥hyām amita-prabʰaḥ /
Halfverse: c    lakṣmaṇaṃ punār evāha   dʰarmayuktam idaṃ vacaḥ
   lakṣmaṇaṃ punār eva_āha   dʰarma-yuktam idaṃ vacaḥ /1/

Verse: 2 
Halfverse: a    vasiṣṭʰaṃ vāmadevaṃ ca   jābālim atʰa kaśyapam
   vasiṣṭʰaṃ vāma-devaṃ ca   jābālim atʰa kaśyapam /
Halfverse: c    dvijāṃś ca sarvapravarān   aśvamedʰapuraskr̥tān
   dvijāṃś ca sarva-pravarān   aśva-medʰa-puras-kr̥tān /2/

Verse: 3 
Halfverse: a    etān sarvān samāhūya   mantrayitvā ca lakṣmaṇa
   etān sarvān samāhūya   mantrayitvā ca lakṣmaṇa /
Halfverse: c    hayaṃ lakṣmaṇasaṃpannaṃ   vimokṣyāmi samādʰinā
   hayaṃ lakṣmaṇa-saṃpannaṃ   vimokṣyāmi samādʰinā /3/

Verse: 4 
Halfverse: a    tad vākyaṃ rāgʰaveṇoktaṃ   śrutvā tvaritavikramaḥ
   tad vākyaṃ rāgʰaveṇa_uktaṃ   śrutvā tvarita-vikramaḥ /
Halfverse: c    dvijān sarvān samāhūya   darśayām āsa rāgʰavam
   dvijān sarvān samāhūya   darśayām āsa rāgʰavam /4/

Verse: 5 
Halfverse: a    te dr̥ṣṭvā devasaṃkāśaṃ   kr̥tapādābʰivandanam
   te dr̥ṣṭvā deva-saṃkāśaṃ   kr̥ta-pāda_abʰivandanam /
Halfverse: c    rāgʰavaṃ sudurādʰarṣam   āśīrbʰiḥ samapūjayan
   rāgʰavaṃ sudurādʰarṣam   āśīrbʰiḥ samapūjayan /5/

Verse: 6 
Halfverse: a    prāñjalis tu tato bʰūtvā   rāgʰavo dvijasāttamān
   prāñjalis tu tato bʰūtvā   rāgʰavo dvija-sāttamān /
Halfverse: c    uvāca dʰarmasaṃyuktam   aśvamedʰāśritaṃ vacaḥ
   uvāca dʰarma-saṃyuktam   aśva-medʰa_āśritaṃ vacaḥ /6/

Verse: 7 
Halfverse: a    sa teṣāṃ dvijamukʰyānāṃ   vākyam adbʰutadarśanam
   sa teṣāṃ dvija-mukʰyānāṃ   vākyam adbʰuta-darśanam /
Halfverse: c    aśvamedʰāśritaṃ śrutvā   bʰr̥śaṃ prīto 'bʰavat tadā
   aśva-medʰa_āśritaṃ śrutvā   bʰr̥śaṃ prīto_abʰavat tadā /7/

Verse: 8 
Halfverse: a    vijñāya tu mataṃ teṣāṃ   rāmo lakṣmaṇam abravīt
   vijñāya tu mataṃ teṣāṃ   rāmo lakṣmaṇam abravīt /
Halfverse: c    preṣayasva mahābāho   sugrīvāya mahātmane
   preṣayasva mahā-bāho   sugrīvāya mahātmane /8/

Verse: 9 
Halfverse: a    śīgʰraṃ mahadbʰir haribʰir   bahibʰiś ca tadāśrayaiḥ
   śīgʰraṃ mahadbʰir haribʰir   bahibʰiś ca tad-āśrayaiḥ /
Halfverse: c    sārdʰam āgaccʰa bʰadraṃ te   anubʰoktuṃ makʰottamam
   sārdʰam āgaccʰa bʰadraṃ te   anubʰoktuṃ makʰa_uttamam /9/

Verse: 10 
Halfverse: a    vibʰīṣaṇaś ca rakṣobʰiḥ   kāmagair bahubʰir vr̥taḥ
   vibʰīṣaṇaś ca rakṣobʰiḥ   kāmagair bahubʰir vr̥taḥ /
Halfverse: c    aśvamedʰaṃ mahābāhuḥ   prāpnotu lagʰuvikramaḥ
   aśva-medʰaṃ mahā-bāhuḥ   prāpnotu lagʰu-vikramaḥ /10/

Verse: 11 
Halfverse: a    rājānaś ca naravyāgʰra   ye me priyacikīrṣavaḥ
   rājānaś ca nara-vyāgʰra   ye me priya-cikīrṣavaḥ /
Halfverse: c    sānugāḥ kṣipram āyāntu   yajñabʰūmim anuttamām
   sānugāḥ kṣipram āyāntu   yajña-bʰūmim anuttamām /11/

Verse: 12 
Halfverse: a    deśāntaragatā ye ca   dvijā dʰarmaparāyaṇāḥ
   deśa_antara-gatā ye ca   dvijā dʰarma-parāyaṇāḥ /
Halfverse: c    nimantrayasva tān sarvān   aśvamedʰāya lakṣmaṇa
   nimantrayasva tān sarvān   aśva-medʰāya lakṣmaṇa /12/

Verse: 13 
Halfverse: a    r̥ṣayaś cā mahābāho   āhūyantāṃ tapodʰanāḥ
   r̥ṣayaś cā mahā-bāho   āhūyantāṃ tapo-dʰanāḥ /
Halfverse: c    deśāntaragatā ye ca   sadārāś ca maharṣayaḥ
   deśa_antara-gatā ye ca   sadārāś ca maharṣayaḥ /13/

Verse: 14 
Halfverse: a    yajñavāṭaś ca sumahān   gomatyā naimiṣe vane
   yajña-vāṭaś ca sumahān   gomatyā naimiṣe vane /
Halfverse: c    ājñāpyatāṃ mahābāho   tad dʰi puṇyam anuttamam
   ājñāpyatāṃ mahā-bāho   tadd^hi puṇyam anuttamam /14/

Verse: 15 
Halfverse: a    śataṃ vāhasahasrāṇāṃ   taṇḍulānāṃ vapuṣmatām
   śataṃ vāha-sahasrāṇāṃ   taṇḍulānāṃ vapuṣmatām /
Halfverse: c    ayutaṃ tilamudgasya   prayātv agre mahābala
   ayutaṃ tila-mudgasya   prayātv agre mahā-bala /15/

Verse: 16 
Halfverse: a    suvarṇakoṭyo bahulā   hiraṇyasya śatottarāḥ
   suvarṇa-koṭyo bahulā   hiraṇyasya śata_uttarāḥ /
Halfverse: c    agrato bʰarataḥ kr̥tvā   gaccʰatv agre mahāmatiḥ
   agrato bʰarataḥ kr̥tvā   gaccʰatv agre mahā-matiḥ /

Verse: 17 
Halfverse: a    antarāpaṇavītʰyaś ca   sarvāṃś ca naṭanartakān
   antara_āpaṇa-vītʰyaś ca   sarvāṃś ca naṭa-nartakān /
Halfverse: c    naigamān bālavr̥ddʰāṃś ca   dvijāṃś ca susamāhitān
   naigamān bāla-vr̥ddʰāṃś ca   dvijāṃś ca susamāhitān /17/

Verse: 18 
Halfverse: a    karmāntikāṃś ca kuśalāñ   śilpinaś ca supaṇḍitān
   karma_antikāṃś ca kuśalān   śilpinaś ca supaṇḍitān /
Halfverse: c    mātaraś caiva me sarvāḥ   kumārāntaḥpurāṇi ca
   mātaraś caiva me sarvāḥ   kumāra_antaḥ-purāṇi ca /18/

Verse: 19 
Halfverse: a    kāñcanīṃ mama patnīṃ ca   dīkṣārhāṃ yajñakarmaṇi
   kāñcanīṃ mama patnīṃ ca   dīkṣā_arhāṃ yajña-karmaṇi /
Halfverse: c    agrato bʰarataḥ kr̥tvā   gaccʰatv agre mahāmatiḥ
   agrato bʰarataḥ kr̥tvā   gaccʰatv agre mahā-matiḥ /19/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.