TITUS
Ramayana
Part No. 588
Previous part

Chapter: 81 
Adhyāya 81


Verse: 1 
Halfverse: a    tatʰoktavati rāme tu   tasya janma tad adbʰutam
   tatʰā_uktavati rāme tu   tasya janma tad adbʰutam /
Halfverse: c    uvāca lakṣmaṇo bʰūyo   bʰarataś ca mahāyaśāḥ
   uvāca lakṣmaṇo bʰūyo   bʰarataś ca mahā-yaśāḥ /1/

Verse: 2 
Halfverse: a    sā priyā somaputrasya   saṃvatsaram atʰoṣitā
   sā priyā soma-putrasya   saṃvatsaram atʰa_uṣitā /
Halfverse: c    akarot kiṃ naraśreṣṭʰa   tat tvaṃ śaṃsitum arhasi
   akarot kiṃ nara-śreṣṭʰa   tat tvaṃ śaṃsitum arhasi /2/

Verse: 3 
Halfverse: a    tayos tad vākyamādʰuryaṃ   niśamya paripr̥ccʰatoḥ
   tayos tad vākya-mādʰuryaṃ   niśamya paripr̥ccʰatoḥ /
Halfverse: c    rāmaḥ punar uvācemāṃ   prajāpatisute katʰām
   rāmaḥ punar uvāca_imāṃ   prajāpati-sute katʰām /3/

Verse: 4 
Halfverse: a    puruṣatvaṃ gate śūre   budʰaḥ paramabuddʰimān
   puruṣatvaṃ gate śūre   budʰaḥ parama-buddʰimān /
Halfverse: c    saṃvartaṃ paramodāram   ājuhāva mahāyaśāḥ
   saṃvartaṃ parama_udāram   ājuhāva mahā-yaśāḥ /4/

Verse: 5 
Halfverse: a    cyavanaṃ bʰr̥guputraṃ ca   muniṃ cāriṣṭaneminam
   cyavanaṃ bʰr̥gu-putraṃ ca   muniṃ ca_ariṣṭa-neminam /
Halfverse: c    pramodanaṃ modakaraṃ   tato durvāsasaṃ munim
   pramodanaṃ moda-karaṃ   tato durvāsasaṃ munim /5/

Verse: 6 
Halfverse: a    etān sarvān samānīya   vākyajñas tattvadarśinaḥ
   etān sarvān samānīya   vākyajñas tattva-darśinaḥ /
Halfverse: c    uvāca sarvān suhr̥do   dʰairyeṇa susamāhitaḥ
   uvāca sarvān suhr̥do   dʰairyeṇa susamāhitaḥ /6/

Verse: 7 
Halfverse: a    ayaṃ rājā mahābāhuḥ   kardamasya ilaḥ sutaḥ
   ayaṃ rājā mahā-bāhuḥ   kardamasya ilaḥ sutaḥ / {Hiatus}
Halfverse: c    jānītainaṃ yatʰā bʰūtaṃ   śreyo hy asya vidʰīyatām
   jānīta_enaṃ yatʰā bʰūtaṃ   śreyo hy asya vidʰīyatām /7/

Verse: 8 
Halfverse: a    teṣāṃ saṃvadatām eva   tam āśramam upāgamat
   teṣāṃ saṃvadatām eva   tam āśramam upāgamat /
Halfverse: c    kardamaḥ sumahātejā   dvijaiḥ saha mahātmabʰiḥ
   kardamaḥ sumahā-tejā   dvijaiḥ saha mahātmabʰiḥ /8/

Verse: 9 
Halfverse: a    pulastyaś ca kratuś caiva   vaṣaṭkāras tatʰaiva ca
   pulastyaś ca kratuś caiva   vaṣaṭ-kāras tatʰaiva ca /
Halfverse: c    oṃkāraś ca mahātejās   tam āśramam upāgaman
   oṃ-kāraś ca mahā-tejās   tam āśramam upāgaman /9/

Verse: 10 
Halfverse: a    te sarve hr̥ṣṭamanasaḥ   parasparasamāgame
   te sarve hr̥ṣṭa-manasaḥ   paraspara-samāgame /
Halfverse: c    hitaiṣiṇo bāhli pateḥ   pr̥tʰag vākyam atʰābruvan
   hita_eṣiṇo bāhli pateḥ   pr̥tʰag vākyam atʰa_abruvan /10/

Verse: 11 
Halfverse: a    kardamas tv abravīd vākyaṃ   sutārtʰaṃ paramaṃ hitam
   kardamas tv abravīd vākyaṃ   suta_artʰaṃ paramaṃ hitam /
Halfverse: c    dvijāḥ śr̥ṇuta madvākyaṃ   yac cʰreyaḥ pārtʰivasya hi
   dvijāḥ śr̥ṇuta mad-vākyaṃ   yat śreyaḥ pārtʰivasya hi /11/

Verse: 12 
Halfverse: a    nānyaṃ paśyāmi bʰaiṣajyam   antareṇa vr̥ṣadʰvajam
   na_anyaṃ paśyāmi bʰaiṣajyam   antareṇa vr̥ṣa-dʰvajam /
Halfverse: c    nāśvamedʰāt paro yajñaḥ   priyaś caiva mahātmanaḥ
   na_aśva-medʰāt paro yajñaḥ   priyaś caiva mahātmanaḥ /12/

Verse: 13 
Halfverse: a    tasmād yajāmahe sarve   pārtʰivārtʰe durāsadam
   tasmād yajāmahe sarve   pārtʰiva_artʰe durāsadam /
Halfverse: c    kardamenaivam uktās tu   sarva eva dvijarṣabʰāḥ
   kardamena_evam uktās tu   sarva eva dvija-r̥ṣabʰāḥ /
Halfverse: e    rocayanti sma taṃ yajñaṃ   rudrasyārādʰanaṃ prati
   rocayanti sma taṃ yajñaṃ   rudrasya_ārādʰanaṃ prati /13/

Verse: 14 
Halfverse: a    saṃvartasya tu rājarṣiḥ   śiṣyaḥ parapuraṃjayaḥ
   saṃvartasya tu rāja-r̥ṣiḥ   śiṣyaḥ para-puraṃ-jayaḥ /
Halfverse: c    marutta iti vikʰyatas   taṃ yajñaṃ samupāharat
   marutta iti vikʰyatas   taṃ yajñaṃ samupāharat /14/

Verse: 15 
Halfverse: a    tato yajño mahān āsīd   budʰāśramasamīpataḥ
   tato yajño mahān āsīd   budʰa_āśrama-samīpataḥ /
Halfverse: c    rudraś ca paramaṃ toṣam   ājagāma mahāyaśāḥ
   rudraś ca paramaṃ toṣam   ājagāma mahā-yaśāḥ /15/

Verse: 16 
Halfverse: a    atʰa yajñasamāptau tu   prītaḥ paramayā mudā
   atʰa yajña-samāptau tu   prītaḥ paramayā mudā /
Halfverse: c    umāpatir dvijān sarvān   uvācedam ilāṃ prati
   umā-patir dvijān sarvān   uvāca_idam ilāṃ prati /16/

Verse: 17 
Halfverse: a    prīto 'smi hayamedʰena   bʰaktyā ca dvijasattamāḥ
   prīto_asmi haya-medʰena   bʰaktyā ca dvija-sattamāḥ /
Halfverse: c    asya bāhlipateś caiva   kiṃ karomi priyaṃ śubʰam
   asya bāhli-pateś caiva   kiṃ karomi priyaṃ śubʰam /17/

Verse: 18 
Halfverse: a    tatʰā vadati deveśe   dvijās te susamāhitāḥ
   tatʰā vadati deva_īśe   dvijās te susamāhitāḥ /
Halfverse: c    prasādayanti deveśaṃ   yatʰā syāt puruṣas tv ilā
   prasādayanti deva_īśaṃ   yatʰā syāt puruṣas tv ilā /18/

Verse: 19 
Halfverse: a    tataḥ prītamanā rudraḥ   puruṣatvaṃ dadau punaḥ
   tataḥ prīta-manā rudraḥ   puruṣatvaṃ dadau punaḥ /
Halfverse: c    ilāyai sumahātejā   dattvā cāntaradʰīyata
   ilāyai sumahā-tejā   dattvā ca_antar-adʰīyata /19/

Verse: 20 
Halfverse: a    nivr̥tte hayamedʰe tu   gate cādarśanaṃ hare
   nivr̥tte haya-medʰe tu   gate ca_adarśanaṃ hare /
Halfverse: c    yatʰāgataṃ dvijāḥ sarve   agaccʰan dīrgʰadarśinaḥ
   yatʰā_āgataṃ dvijāḥ sarve   agaccʰan dīrgʰa-darśinaḥ /20/

Verse: 21 
Halfverse: a    rājā tu bāhlim utsr̥jya   madʰyadeśe hy anuttamam
   rājā tu bāhlim utsr̥jya   madʰya-deśe hy anuttamam /
Halfverse: c    niveśayām āsa puraṃ   pratiṣṭʰānaṃ yaśaskaram
   niveśayām āsa puraṃ   pratiṣṭʰānaṃ yaśas-karam /21/

Verse: 22 
Halfverse: a    śaśabindus tu rājāsīd   bāhlyāṃ parapuraṃjayaḥ
   śaśa-bindus tu rājā_āsīd   bāhlyāṃ para-puraṃ-jayaḥ /
Halfverse: c    pratiṣṭʰāna ilo rājā   prajāpatisuto balī
   pratiṣṭʰāna ilo rājā   prajāpati-suto balī /22/

Verse: 23 
Halfverse: a    sa kāle prāptavām̐l lokam   ilo brāhmam anuttamam
   sa kāle prāptavām̐l lokam   ilo brāhmam anuttamam /
Halfverse: c    ailaḥ purūravā rājā   pratiṣṭʰānam avāptavān
   ailaḥ purūravā rājā   pratiṣṭʰānam avāptavān /23/

Verse: 24 
Halfverse: a    īdr̥śo hy aśvamedʰasya   prabʰāvaḥ puruṣarṣabʰau
   īdr̥śo hy aśva-medʰasya   prabʰāvaḥ puruṣa-r̥ṣabʰau /
Halfverse: c    strībʰūtaḥ pauruṣaṃ lebʰe   yac cānyad api durlabʰam
   strī-bʰūtaḥ pauruṣaṃ lebʰe   yac ca_anyad api durlabʰam /24/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.