TITUS
Ramayana
Part No. 598
Previous part

Chapter: 91 
Adhyāya 91


Verse: 1 
Halfverse: a    śrutvā senāpatiṃ prāptaṃ   bʰarataṃ kekayādʰipaḥ
   śrutvā senā-patiṃ prāptaṃ   bʰarataṃ kekaya_adʰipaḥ /
Halfverse: c    yudʰājid gārgyasahitaṃ   parāṃ prītim upāgamat
   yudʰājid gārgya-sahitaṃ   parāṃ prītim upāgamat /1/

Verse: 2 
Halfverse: a    sa niryayau janaugʰena   mahatā kekayādʰipaḥ
   sa niryayau jana_ogʰena   mahatā kekaya_adʰipaḥ /
Halfverse: c    tvaramāṇo 'bʰicakrāma   gandʰarvān devarūpiṇaḥ
   tvaramāṇo_abʰicakrāma   gandʰarvān deva-rūpiṇaḥ /2/

Verse: 3 
Halfverse: a    bʰarataś ca yudʰājic ca   sametau lagʰuvikramau
   bʰarataś ca yudʰājic ca   sametau lagʰu-vikramau /
Halfverse: c    gandʰarvanagaraṃ prāptau   sabalau sapadānugau
   gandʰarva-nagaraṃ prāptau   sabalau sapada_anugau /3/ {!}

Verse: 4 
Halfverse: a    śrutvā tu bʰarataṃ prāptaṃ   gandʰarvās te samāgatāḥ
   śrutvā tu bʰarataṃ prāptaṃ   gandʰarvās te samāgatāḥ /
Halfverse: c    yoddʰukāmā mahāvīryā   vinadantaḥ samantataḥ
   yoddʰu-kāmā mahā-vīryā   vinadantaḥ samantataḥ /4/

Verse: 5 
Halfverse: a    tataḥ samabʰavad yuddʰaṃ   tumulaṃ lomaharṣaṇam
   tataḥ samabʰavad yuddʰaṃ   tumulaṃ loma-harṣaṇam /
Halfverse: c    saptarātraṃ mahābʰīmaṃ   na cānyatarayor jayaḥ
   sapta-rātraṃ mahā-bʰīmaṃ   na ca_anyatarayor jayaḥ /5/

Verse: 6 
Halfverse: a    tato rāmānujaḥ kruddʰaḥ   kālasyāstraṃ sudāruṇam
   tato rāma_anujaḥ kruddʰaḥ   kālasya_astraṃ sudāruṇam /
Halfverse: c    saṃvartaṃ nāma bʰarato   gandʰarveṣv abʰyayojayat
   saṃvartaṃ nāma bʰarato   gandʰarveṣv abʰyayojayat /6/

Verse: 7 
Halfverse: a    te baddʰāḥ kālapāśena   saṃvartena vidāritāḥ
   te baddʰāḥ kāla-pāśena   saṃvartena vidāritāḥ /
Halfverse: c    kṣaṇenābʰihatās tisras   tatra koṭyo mahātmanā
   kṣaṇena_abʰihatās tisras   tatra koṭyo mahātmanā /7/

Verse: 8 
Halfverse: a    taṃ gʰātaṃ gʰorasaṃkāśaṃ   na smaranti divaukasaḥ
   taṃ gʰātaṃ gʰora-saṃkāśaṃ   na smaranti diva_okasaḥ /
Halfverse: c    nimeṣāntaramātreṇa   tādr̥śānāṃ mahātmanām
   nimeṣa_antara-mātreṇa   tādr̥śānāṃ mahātmanām /8/

Verse: 9 
Halfverse: a    hateṣu teṣu vīreṣu   bʰarataḥ kaikayīsutaḥ
   hateṣu teṣu vīreṣu   bʰarataḥ kaikayī-sutaḥ /
Halfverse: c    niveśayām āsa tadā   samr̥ddʰe dve purottame
   niveśayām āsa tadā   samr̥ddʰe dve pura_uttame /
Halfverse: e    takṣaṃ takṣaśilāyāṃ tu   puṣkaraṃ puṣkarāvatau
   takṣaṃ takṣaśilāyāṃ tu   puṣkaraṃ puṣkarāvatau /9/

Verse: 10 
Halfverse: a    gandʰarvadeśo ruciro   gāndʰāraviṣayaś ca saḥ
   gandʰarva-deśo ruciro   gāndʰāra-viṣayaś ca saḥ /
Halfverse: c    varṣaiḥ pañcabʰir ākīrṇo   viṣayair nāgarais tatʰā
   varṣaiḥ pañcabʰir ākīrṇo   viṣayair nāgarais tatʰā /10/

Verse: 11 
Halfverse: a    dʰanaratnaugʰasaṃpūrṇo   kānanair upaśobʰite
   dʰana-ratna_ogʰa-saṃpūrṇo   kānanair upaśobʰite /
Halfverse: c    anyonyasaṃgʰarṣakr̥te   spardʰayā guṇavistare
   anyonya-saṃgʰarṣa-kr̥te   spardʰayā guṇa-vistare /11/

Verse: 12 
Halfverse: a    ubʰe suruciraprakʰye   vyavahārair akalmaṣaiḥ
   ubʰe surucira-prakʰye   vyavahārair akalmaṣaiḥ /
Halfverse: c    udyānayānaugʰavr̥te   suvibʰaktāntarāpaṇe
   udyāna-yāna_ogʰa-vr̥te   suvibʰakta_antara_āpaṇe /12/

Verse: 13 
Halfverse: a    ubʰe puravare ramye   vistarair upaśobʰite
   ubʰe pura-vare ramye   vistarair upaśobʰite /
Halfverse: c    gr̥hamukʰyaiḥ surucirair   vimānaiḥ samavarṇibʰiḥ
   gr̥ha-mukʰyaiḥ surucirair   vimānaiḥ sama-varṇibʰiḥ /13/

Verse: 14 
Halfverse: a    śobʰite śobʰanīyaiś ca   devāyatanavistaraiḥ
   śobʰite śobʰanīyaiś ca   deva_āyatana-vistaraiḥ /
Halfverse: c    niveśya pañcabʰir varṣair   bʰarato rāgʰavānujaḥ
   niveśya pañcabʰir varṣair   bʰarato rāgʰava_anujaḥ /
Halfverse: e    punar āyān mahābāhur   ayodʰyāṃ kaikayīsutaḥ
   punar āyān mahā-bāhur   ayodʰyāṃ kaikayī-sutaḥ /14/

Verse: 15 
Halfverse: a    so 'bʰivādya mahātmānaṃ   sākṣād dʰarmam ivāparam
   so_abʰivādya mahātmānaṃ   sākṣād dʰarmam iva_aparam /
Halfverse: c    rāgʰavaṃ bʰarataḥ śrīmān   brahmāṇam iva vāsavaḥ
   rāgʰavaṃ bʰarataḥ śrīmān   brahmāṇam iva vāsavaḥ /15/

Verse: 16 
Halfverse: a    śaśaṃsa ca yatʰāvr̥ttaṃ   gandʰarvavadʰam uttamam
   śaśaṃsa ca yatʰā-vr̥ttaṃ   gandʰarva-vadʰam uttamam /
Halfverse: c    niveśanaṃ ca deśasya   śrutvā prīto 'sya rāgʰavaḥ
   niveśanaṃ ca deśasya   śrutvā prīto_asya rāgʰavaḥ /16/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.