TITUS
Ramayana
Part No. 601
Previous part

Chapter: 94 
Adhyāya 94


Verse: 1 
Halfverse: a    śr̥ṇu rāma mahābāho   yadartʰam aham āhataḥ
   śr̥ṇu rāma mahā-bāho   yad-artʰam aham āhataḥ /
Halfverse: c    pitāmahena devena   preṣito 'smi mahābala
   pitāmahena devena   preṣito_asmi mahā-bala /1/

Verse: 2 
Halfverse: a    tavāhaṃ pūrvake bʰāve   putraḥ parapuraṃjaya
   tava_ahaṃ pūrvake bʰāve   putraḥ para-puraṃ-jaya /
Halfverse: c    māyāsaṃbʰāvito vīra   kālaḥ sarvasamāharaḥ
   māyā-saṃbʰāvito vīra   kālaḥ sarva-samāharaḥ /2/

Verse: 3 
Halfverse: a    pitāmahaś ca bʰagavān   āha lokapatiḥ prabʰuḥ
   pitāmahaś ca bʰagavān   āha loka-patiḥ prabʰuḥ /
Halfverse: c    samayas te mahābāho   svarlokān parirakṣitum
   samayas te mahā-bāho   svar-lokān parirakṣitum /3/

Verse: 4 
Halfverse: a    saṃkṣipya ca purā lokān   māyayā svayam eva hi
   saṃkṣipya ca purā lokān   māyayā svayam eva hi /
Halfverse: c    mahārṇave śayāno 'psu   māṃ tvaṃ pūrvam ajījanaḥ
   mahā_arṇave śayāno_apsu   māṃ tvaṃ pūrvam ajījanaḥ /4/

Verse: 5 
Halfverse: a    bʰogavantaṃ tato nāgam   anantam udake śayam
   bʰogavantaṃ tato nāgam   anantam udake śayam /
Halfverse: c    māyayā janayitvā tvaṃ   dvau ca sattvau mahābalau
   māyayā janayitvā tvaṃ   dvau ca sattvau mahā-balau /5/

Verse: 6 
Halfverse: a    madʰuṃ ca kaiṭabʰaṃ caiva   yayor astʰicayair vr̥tā
   madʰuṃ ca kaiṭabʰaṃ caiva   yayor astʰi-cayair vr̥tā /
Halfverse: c    iyaṃ parvatasaṃbādʰā   medinī cābʰavan mahī
   iyaṃ parvata-saṃbādʰā   medinī ca_abʰavan mahī /6/

Verse: 7 
Halfverse: a    padme divyārkasaṃkāśe   nābʰyām utpādya mām api
   padme divya_arka-saṃkāśe   nābʰyām utpādya mām api /
Halfverse: c    prājāpatyaṃ tvayā karma   sarvaṃ mayi niveśitam
   prājāpatyaṃ tvayā karma   sarvaṃ mayi niveśitam /7/

Verse: 8 
Halfverse: a    so 'haṃ saṃnyastabʰāro hi   tvām upāse jagatpatim
   so_ahaṃ saṃnyasta-bʰāro hi   tvām upāse jagat-patim / {!}
Halfverse: c    rakṣāṃ vidʰatsva bʰūteṣu   mama tejaḥ karo bʰavān
   rakṣāṃ vidʰatsva bʰūteṣu   mama tejaḥ karo bʰavān /8/

Verse: 9 
Halfverse: a    tatas tvam api durdʰarṣas   tasmād bʰāvāt sanātanāt
   tatas tvam api durdʰarṣas   tasmād bʰāvāt sanātanāt /
Halfverse: c    rakṣārtʰaṃ sarvabʰūtānāṃ   viṣṇutvam upajagmivān
   rakṣā_artʰaṃ sarva-bʰūtānāṃ   viṣṇutvam upajagmivān /9/

Verse: 10 
Halfverse: a    adityāṃ vīryavān putro   bʰrātr̥̄ṇāṃ harṣavardʰanaḥ
   adityāṃ vīryavān putro   bʰrātr̥̄ṇāṃ harṣa-vardʰanaḥ /
Halfverse: c    samutpanneṣu kr̥tyeṣu   lokasāhyāya kalpase
   samutpanneṣu kr̥tyeṣu   loka-sāhyāya kalpase /10/

Verse: 11 
Halfverse: a    sa tvaṃ vitrāsyamānāsu   prajāsu jagatāṃ vara
   sa tvaṃ vitrāsyamānāsu   prajāsu jagatāṃ vara /
Halfverse: c    rāvaṇasya vadʰākāṅkṣī   mānuṣeṣu mano 'dadʰāḥ
   rāvaṇasya vadʰa_ākāṅkṣī   mānuṣeṣu mano_adadʰāḥ /11/

Verse: 12 
Halfverse: a    daśavarṣasahasrāṇi   daśavarṣaśatāni ca
   daśa-varṣa-sahasrāṇi   daśa-varṣa-śatāni ca /
Halfverse: c    kr̥tvā vāsasya niyatiṃ   svayam evātmanaḥ purā
   kr̥tvā vāsasya niyatiṃ   svayam eva_ātmanaḥ purā /12/

Verse: 13 
Halfverse: a    sa tvaṃ manomayaḥ putraḥ   pūrṇāyur mānuṣeṣv iha
   sa tvaṃ manomayaḥ putraḥ   pūrṇa_āyur mānuṣeṣv iha /
Halfverse: c    kālo naravaraśreṣṭʰa   samīpam upavartitum
   kālo nara-vara-śreṣṭʰa   samīpam upavartitum /13/

Verse: 14 
Halfverse: a    yadi bʰūyo mahārāja   prajā iccʰasy upāsitum
   yadi bʰūyo mahā-rāja   prajā iccʰasy upāsitum /
Halfverse: c    vasa vā vīra bʰadraṃ te   evam āha pitāmahaḥ
   vasa vā vīra bʰadraṃ te   evam āha pitāmahaḥ /14/

Verse: 15 
Halfverse: a    atʰa vā vijigīṣā te   suralokāya rāgʰava
   atʰa vā vijigīṣā te   sura-lokāya rāgʰava /
Halfverse: c    sanātʰā viṣṇunā devā   bʰavantu vigatajvarāḥ
   sanātʰā viṣṇunā devā   bʰavantu vigata-jvarāḥ /15/

Verse: 16 
Halfverse: a    śrutvā pitāmahenoktaṃ   vākyaṃ kālasamīritam
   śrutvā pitāmahena_uktaṃ   vākyaṃ kāla-samīritam /
Halfverse: c    rāgʰavaḥ prahasan vākyaṃ   sarvasaṃhāram abravīt
   rāgʰavaḥ prahasan vākyaṃ   sarva-saṃhāram abravīt /16/

Verse: 17 
Halfverse: a    śrutaṃ me devadevasya   vākyaṃ paramam adbʰutam
   śrutaṃ me deva-devasya   vākyaṃ paramam adbʰutam /
Halfverse: c    prītir hi mahatī jātā   tavāgamanasaṃbʰavā
   prītir hi mahatī jātā   tava_āgamana-saṃbʰavā /17/

Verse: 18 
Halfverse: a    bʰadraṃ te 'stu gamiṣyāmi   yata evāham āgataḥ
   bʰadraṃ te_astu gamiṣyāmi   yata eva_aham āgataḥ /
Halfverse: c    hr̥d gato hy asi saṃprāpto   na me 'sty atra vicāraṇā
   hr̥d gato hy asi saṃprāpto   na me_asty atra vicāraṇā /18/

Verse: 19 
Halfverse: a    mayā hi sarvakr̥tyeṣu   devānāṃ vaśavartinām
   mayā hi sarva-kr̥tyeṣu   devānāṃ vaśa-vartinām /
Halfverse: c    stʰātavyaṃ sarvasaṃhāre   yatʰā hy āha pitāmahaḥ
   stʰātavyaṃ sarva-saṃhāre   yatʰā hy āha pitāmahaḥ /19/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.