TITUS
Atharva-Veda-Samhita (Saunaka)
Part No. 488
Previous part

Hymn: 4 
Verse: 1 
Halfverse: a_[4,1]    tásmai prā́cyā diśáḥ //1//
Halfverse: b_[4,2]    vāsantaú mā́sau goptā́rāv ákurvan br̥hác ca ratʰaṃtaráṃ cānuṣṭʰātā́rau //2//
Halfverse: c_[4,3]    vāsantā́v enaṃ mā́sau prā́cyā diśó gopāyato br̥hác ca ratʰaṃtaráṃ cā́nu tiṣṭʰato yá eváṃ véda //3// [1]

Verse: 2 
Halfverse: a_[4,4]    tásmai dákṣiṇāyā diśáḥ //4//
Halfverse: b_[4,5]    graíṣmau mā́sau goptā́rāv ákurvan yajñāyajñíyaṃ ca vāmadevyáṃ cānuṣṭʰātā́rau //5//
Halfverse: c_[4,6]    graíṣmāv enaṃ mā́sau dákṣiṇāyā diśó gopāyato yajñāyajñíyaṃ ca vāmadevyáṃ cā́nu tiṣṭʰato yá eváṃ véda //6// [2]

Verse: 3 
Halfverse: a_[4,7]    tásmai pratī́cyā diśáḥ //7//
Halfverse: b_[4,8]    vā́rṣikau mā́sau goptā́rāv ákurvan vairūpáṃ ca vairājáṃ cānuṣṭʰātā́rau //8//
Halfverse: c_[4,9]    vā́rṣikāv enaṃ mā́sau pratī́cyā diśó gopāyato vairūpáṃ ca vairājáṃ cā́nu tiṣṭʰato yá eváṃ véda //9// [3]

Verse: 4 
Halfverse: a_[4,10]    tásmā údīcyā diśáḥ //10//
Halfverse: b_[4,11]    śāradaú mā́sau goptā́rāv ákurvaṃ cʰyaitáṃ ca naudʰasáṃ cānuṣṭʰātā́rau //11//
Halfverse: c_[4,12]    śāradā́v enaṃ mā́sāv údīcyā diśó gopāyataḥ śyaitáṃ ca naudʰasáṃ cā́nu tiṣṭʰato yá eváṃ véda //12// [4]

Verse: 5 
Halfverse: a_[4,13]    tásmai dʰruvā́yā diśáḥ //13//
Halfverse: b_[4,14]    haimanaú mā́sau goptā́rāv ákurvan bʰū́miṃ cāgníṃ cānuṣṭʰātā́rau //14//
Halfverse: c_[4,15]    haimanā́v enaṃ mā́sau dʰruvā́yā diśó gopāyato bʰū́miś cāgníś cā́nu tiṣṭʰato yá eváṃ véda //15// [5]

Verse: 6 
Halfverse: a_[4,16]    tásmā ūrdʰvā́yā diśáḥ //16//
Halfverse: b_[4,17]    śaiśiraú mā́sau goptā́rāv ákurvan dívaṃ cādityáṃ cānuṣṭʰātā́rau //17//
Halfverse: c_[4,18]    śaiśirā́v enaṃ mā́sāv ūrdʰvā́yā diśó gopāyato dyaúś cādityáś cā́nu tiṣṭʰato yá eváṃ véda //18// [6]

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.