TITUS
Atharva-Veda-Samhita (Saunaka)
Part No. 489
Previous part

Hymn: 5 
Verse: 1 
Halfverse: a_[5,1]    tásmai prā́cyā diśó antardeśā́d bʰavám iṣvāsám anuṣṭʰātā́ram akurvan //1// [1]
Halfverse: b_[5,2]    bʰáva enam iṣvāsáḥ prā́cyā diśó antardeśā́d anuṣṭʰātā́nu tiṣṭʰati //2//
Halfverse: b_[5,3]    naínaṃ śarvó ná bʰavó néśāno nā́sya paśū́n ná samānā́n hinasti yá eváṃ véda //3// [1]

Verse: 2 
Halfverse: a_[5,4]    tásmai dákṣiṇāyā diśó antardeśā́c cʰarvám iṣvāsám anuṣṭʰātā́ram akurvan //4//
Halfverse: b_[5,5]    śarvá enam iśvāsó dákṣiṇāyā diśó antardeśā́d anuṣṭʰātā́nu tiṣṭʰati naínaṃ śarvó ná bʰavó néśāno nā́sya paśū́n ná samānā́n hinasti yá eváṃ véda //5// [2]

Verse: 3 
Halfverse: a_[5,6]    tásmai pratī́cyā diśó antardeśā́t paśupátim iṣvāsám anuṣṭʰātā́ram akurvan //6//
Halfverse: b_[5,7]    paśupátir enam iṣvāsáḥ pratī́cyā diśó antardeśā́d anuṣṭʰātā́nu tiṣṭʰati naínaṃ śarvó ná bʰavó néśano nā́sya paśū́n ná samānā́n hinasti yá eváṃ véda //7// [3]

Verse: 4 
Halfverse: a_[5,8]    tásmā údīcyā diśó antardeśā́d ugráṃ devám iṣvāsám anuṣṭʰātā́ram akurvan //8//
Halfverse: b_[5,9]    ugrá enaṃ devá iṣvāsá údīcyā diśó antardeśā́d anuṣṭʰātā́nu tiṣṭʰati naínaṃ śarvó na bʰavó néśāno nā́sya paśū́n ná samānā́n hinasti yá eváṃ véda //9// [4]

Verse: 5 
Halfverse: a_[5,10]    tásmai dʰruvā́yā diśó antardeśā́d rudrám iṣvāsám anuṣṭʰātā́ram akurvan //10//
Halfverse: b_[5,11]    rudrá enam iṣvāsó dʰruvā́yā diśó antardeśā́d anuṣṭʰātā́nu tiṣṭʰati naínaṃ śarvó na bʰavó néśāno nā́sya paśū́n ná samānā́n hinasti yá eváṃ véda //11// [5]

Verse: 6 
Halfverse: a_[5,12]    tásmā ūrdʰvā́yā diśó antardeśā́n mahādevám iṣvāsám anuṣṭʰātā́ram akurvan //12//
Halfverse: b_[5,13]    mahādevá enam iṣvāsá ūrdʰvā́yā diśó antardeśā́d anuṣṭʰātā́nu tiṣṭʰati naínaṃ śarvó ná bʰavó néśāno nā́sya paśū́n ná samānā́n hinasti yá eváṃ véda //13// [6]

Verse: 7 
Halfverse: a_[5,14]    tásmai sárvebʰyo antardeśébʰya ī́śānam iṣvāsám anuṣṭʰātā́ram akurvan //14//
Halfverse: b_[5,15]    ī́śāna enam iṣvāsáḥ sárvebʰyo antardeśébʰyo 'nuṣṭʰātā́nu tiṣṭʰati //15//
Halfverse: b_[5,16]    naínaṃ śarvó ná bʰavó néśāno nā́sya paśū́n ná samānā́n hinasti yá eváṃ véda //16// [7]

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.