TITUS
Atharva-Veda-Samhita (Saunaka)
Part No. 490
Previous part

Hymn: 6 
Verse: 1 
Halfverse: a_[6,1]    sá dʰruvā́ṃ díśam ánu vy àcalat //1//
Halfverse: b_[6,2]    táṃ bʰū́miś cāgníś caúṣadʰayaś ca vánaspátayaś ca vānaspatyā́ś ca vīrúdʰaś cānuvyàcalan //2//
Halfverse: c_[6,3]    bʰū́meś ca vaí sò3 'gnéś caúṣadʰīnāṃ ca vánaspátīnāṃ ca vānaspatyā́nāṃ /
      ca vīrúdʰāṃ ca priyáṃ dʰā́ma bʰavati yá eváṃ véda //3// [1]

Verse: 2 
Halfverse: a_[6,4]    sá ūrdʰvā́ṃ díśam ánu vy àcalat //4//
Halfverse: b_[6,5]    tám r̥táṃ ca satyáṃ ca sū́ryaś ca candráś ca nákṣatrāṇi cānuvyàcalan //5//
Halfverse: c_[6,6]    r̥tásya ca vaí sá satyásya ca sū́ryasya ca candrásya ca nákṣatrāṇāṃ ca /
      priyáṃ dʰā́ma bʰavati yá eváṃ véda //6// [2]

Verse: 3 
Halfverse: a_[6,7]    sá uttamā́ṃ díśam ánu vy àcalat //7//
Halfverse: b_[6,8]    tám ŕ̥caś ca sā́māni ca yájūṃṣi ca bráhma cānuvyàcalan //8//
Halfverse: c_[6,9]    r̥cā́ṃ ca vaí sá sā́mnāṃ ca yájuṣāṃ ca bráhmaṇaś ca priyáṃ dʰā́ma bʰavati yá eváṃ véda //9// [3]

Verse: 4 
Halfverse: a_[6,10]    sá br̥hatī́ṃ díśam ánu vy àcalat //10//
Halfverse: b_[6,11]    tám itihāsáś ca purāṇáṃ ca gā́tʰāś ca nārāśaṃsī́ś cānuvyàcalan //11//
Halfverse: c_[6,12]    itihāsásya ca vaí sá purāṇásya ca gā́tʰānāṃ ca nārāśaṃsī́nāṃ ca priyáṃ dʰā́ma bʰavati yá eváṃ véda //12// [4]

Verse: 5 
Halfverse: a_[6,13]    sá paramā́ṃ díśam ánu vy àcalat //13//
Halfverse: b_[6,14]    tám āhavanī́yaś ca gā́rhapatyaś ca dakṣiṇāgníś ca yajñáś ca yájamānaś ca paśávaś cānuvyàcalan //14//
Halfverse: c_[6,15]    āhavanī́yasya ca vaí sá gā́rhapatyasya ca dakṣiṇāgnéś ca yajñásya ca yájamānasya ca paśūnā́ṃ ca priyáṃ dʰā́ma bʰavati yá eváṃ véda //15// [5]

Verse: 6 
Halfverse: a_[6,16]    só 'nādiṣṭāṃ díśam ánu vy àcalat //16//
Halfverse: b_[6,17]    tám r̥távaś cārtavā́ś ca lokā́ś ca laukyā́ś ca mā́sāś cārdʰamāsā́ś cāhorātré cānuvyàcalan //17//
Halfverse: c_[6,18]    r̥tūnā́ṃ ca vaí sá ārtavā́nāṃ ca lokā́nāṃ ca laukyā́nāṃ ca mā́sānāṃ cārdʰamāsā́nāṃ cāhorātráyoś ca priyáṃ dʰā́ma bʰavati yá eváṃ véda //18// [6]

Verse: 7 
Halfverse: a_[6,19]    só 'nāvr̥ttāṃ díśam ánu vy àcalat táto nā́vartsyánn amanyata //19//
Halfverse: b_[6,20]    tám dítiś cā́ditiś céḍā cendrāṇī́ cānuvyàcalan //20//
Halfverse: c_[6,21]    díteś ca vaí só 'diteś céḍāyā́ś cendrāṇyā́ś ca priyáṃ dʰā́ma bʰavati yá eváṃ véda //21// [7]

Verse: 8 
Halfverse: a_[6,22]    sá díśó 'nu vy àcalat táṃ virā́ḍ ánu vy àcalat sárve ca devā́ḥ sárvāś ca devátāḥ //22//
Halfverse: b_[6,23]    virā́jaś ca vaí sá sárveṣāṃ ca devā́nāṃ sárvāsāṃ ca devátānāṃ priyáṃ dʰā́ma bʰavati yá eváṃ véda //23// [8]

Verse: 9 
Halfverse: a_[6,24]    sá sárvān antardeśā́n ánu vy àcalat //24//
Halfverse: b_[6,25]    táṃ prajā́patiś ca parameṣṭʰī́ ca pitā́ ca pitāmaháś cānuvyàcalan //25//
Halfverse: c_[6,26]    prajā́pateś ca vaí parameṣṭʰínaś ca pitúś ca pitāmahásya ca priyáṃ dʰā́ma bʰavati yá eváṃ véda //26// [9]

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.