TITUS
Atharva-Veda: Gopatha-Brahmana
Part No. 8
Previous part

Bhaga: 2 
Prapathaka: 1 
Khanda: 1 
Sentence: a    atʰa yad brahmasadanāt tr̥ṇaṃ nirasyati śodʰayaty evainaṃ tat_
Sentence: b    atʰopaviśatīdam aham arvāgvasoḥ sadane sīdāmīti_
Sentence: c    arvāgvasur ha vai devānāṃ brahmā parāgvasur asurāṇām_
Sentence: d    tamevaitat pūrvaṃ sādayati_
Sentence: e    ariṣṭaṃ yajñaṃ tanutād iti_
Sentence: f    atʰopaviśva japati br̥haspatir brahmeti
Sentence: g    br̥haspatir vā āṅgiraso devānāṃ brahmā
Sentence: h    tasminn evaitad anujñām icchati praṇītāsu praṇīyamānāsu vācaṃ yacchaty ā haviṣkr̥ta udvādanāt_
Sentence: i    etad vai yajñasya dvāram_
Sentence: j    tad etad aśūnyaṃ karoti_
Sentence: k    iṣṭe ca sviṣṭakr̥ty ānuyājānāṃ prasavād iti_
Sentence: l    etad vai yajñasya dvitīyaṃ dvāram_
Sentence: m    tad evaitad aśūnyaṃ karoti
Sentence: n    yat paridʰayaḥ paridʰīyante yajñasya gopītʰāya
Sentence: o    paridʰīn paridʰatte yajñasya sātmatvāya
Sentence: p    paridʰīnt saṃmārṣṭi
Sentence: q    punāty evainān_
Sentence: r    trir madʰyamam_
Sentence: s    traya ime prāṇāḥ
Sentence: t    prāṇān evābʰijayati
Sentence: u    trir dakṣiṇārdʰyam_
Sentence: v    trayo vai lokāḥ_
Sentence: w    lokān evābʰijayati
Sentence: x    trir uttarārdʰyaṃ
Sentence: y    trayo vai devalokāḥ_
Sentence: z    devalokān evābʰijayati
Sentence: aa    trir upavājayati trayo vai devayānāḥ pantʰānas
Sentence: bb    tān evābʰijayati
Sentence: cc    te vai dvādaśa bʰavanti
Sentence: dd    dvādaśa ha vai māsāḥ saṃvatsaraḥ
Sentence: ee    saṃvatsaram eva tena prīṇāti_
Sentence: ff    atʰo saṃvatsaram evāsmā upadadʰāti svargasya lokasya samaṣṭyai \\ 1 \\

Khanda: 2 
Sentence: a    prajāpatir vai rudraṃ yajñān nirabʰajat
Sentence: b    so 'kāmayata
Sentence: c    meyam asmā ākūtiḥ samardʰi yo mā yajñān nirabʰākṣīd iti
Sentence: d    sa yajñam abʰyāyamyāvidʰyat
Sentence: e    tad āviddʰaṃ nirakr̥ntat
Sentence: f    tat prāśitram abʰavat
Sentence: g    tad udayacchat
Sentence: h    tad bʰagāya paryaharan_
Sentence: i    tat pratyaikṣata
Sentence: j    tasya cakṣuḥ parāpatat
Sentence: k    tasmād āhur andʰo vai bʰaga iti_
Sentence: l    api ha taṃ necched yam icchati
Sentence: m    tat savitre paryaharan_
Sentence: n    tat pratyagr̥hāt tasya pāṇī praciccheda
Sentence: o    tasmai hiraṇmayau pratyadadʰus
Sentence: p    tasmād dʰiraṇyapāṇir iti stutas
Sentence: q    tat pūṣṇe paryaharan_
Sentence: r    tat prāśnāt
Sentence: s    tasya dantāḥ paropyanta
Sentence: t    tasmād āhur adantakaḥ pūṣā piṣṭabʰājana iti
Sentence: u    tad idʰmāyāṅgirasāya paryaharan_
Sentence: v    tat prāśnāt
Sentence: w    tasya śiro vyapatat
Sentence: x    taṃ yajña evākalpayat
Sentence: y    sa eṣa idʰmaḥ
Sentence: z    samidʰo ha purātanas
Sentence: aa    tad barhaya āṅgirasāya paryaharan_
Sentence: bb    tat prāśnāt
Sentence: cc    tasyāṅgā parvāṇi vyasraṃsanta
Sentence: dd    taṃ yajña evākalpayat
Sentence: ee    tad etad barhiḥ
Sentence: ff    prastaro ha purātanas
Sentence: gg    tad br̥haspataya āṅgirasāya paryaharan_
Sentence: hh    so 'bibʰed br̥haspatir ittʰaṃ vāva sya ārtim āriṣyatīti
Sentence: ii    sa etaṃ mantram apaśyat
Sentence: jj    <sūryasya tvā cakṣuṣā pratīkṣe [Link to avpPS 20.57.11, Link to kauss{KauśS 91.2, Link to vaitsVaitS 3.8]> ity abravīt_
Sentence: kk    na hi sūryasya cakṣuḥ kiṃ cana hinasti
Sentence: ll    so 'bibʰet pratigr̥hṇantaṃ mā hiṃsiṣyatīti
Sentence: mm    devasya tvā savituḥ prasave 'śvinor bāhubʰyāṃ pūṣṇo hastābʰyāṃ prasūtaḥ praśiṣā pratigr̥hāmīty abravīt
Sentence: nn    savitr̥prasūta evainaṃ tad devatābʰiḥ pratyagr̥hṇāt
Sentence: oo    tad vyūhya tr̥ṇāni prāgdaṇḍaṃ stʰaṇḍile nidadʰāti pr̥tʰivyās tvā nābʰau sādayāmīti
Sentence: pp    pr̥tʰivī vā annānāṃ śamayitrī tayaivainac chamayāṃ cakāra
Sentence: qq    so 'bibʰet prāśnantaṃ mā hiṃsiṣyatīti_
Sentence: rr    agneṣ ṭvāsyena prāśnāmīty abravīt_
Sentence: ss    na hy agner āsyaṃ kiṃ cana hinasti
Sentence: tt    so 'bibʰet prāśitaṃ mā hiṃsiṣyatīti_
Sentence: uu    indrasya tvā jaṭʰare sādayāmīty abravīt_
Sentence: vv    na hīndrasya jaṭʰaraṃ kiṃ cana hinasti
Sentence: ww    varuṇasyodara iti na hi varuṇasyodaraṃ kiṃ cana hinastīti \\ 2 \\

Khanda: 3 
Sentence: a    atʰo āhur brāhmaṇasyodara iti_
Sentence: b    ātmāsyātmann ātmānaṃ me mā hiṃsīḥ svāheti_
Sentence: c    annaṃ vai sarveṣāṃ bʰūtānām ātmā tenaivainac chamayāṃ cakāra
Sentence: d    prāśitam anumantrayate <yo 'gnir nr̥maṇā nāma brāhmaṇeṣu praviṣṭaḥ \ tasmin ma etat suhutam astu prāśitraṃ tan mā mā hiṃsīt parame vyoman [Link to avpPS 20.57.15]>_ iti
Sentence: e    tat sarveṇa brahmaṇā prāśnāt
Sentence: f    tata enaṃ nāhinat
Sentence: g    tasmād yo brahmiṣṭʰaḥ syāt taṃ brahmāṇaṃ kurvīta
Sentence: h    br̥haspatir vai sarvaṃ brahma
Sentence: i    sarveṇa ha vā etad brahmaṇā yajñaṃ dakṣiṇata udyacchate
Sentence: j    apa vā etasmāt prāṇāḥ krāmanti ya āviddʰaṃ prāśnāti_
Sentence: k    adbʰir mārjayitvā prāṇānt saṃspr̥śate vāṅ ma āsyann iti_
Sentence: l    amr̥taṃ vai prāṇāḥ_
Sentence: m    amr̥tam āpaḥ
Sentence: n    prāṇān eva yatʰāstʰānam upāhvayate
Sentence: o    tad u haika āhur indrāya paryaharann iti
Sentence: p    te devā abruvann indro vai devānām ojiṣṭʰo baliṣṭʰas
Sentence: q    tasmā enat pariharateti
Sentence: r    tat tasmai paryaharan_
Sentence: s    tat sa brahmaṇā śayamāṃ cakāra
Sentence: t    tasmād āhur indro brahmeti
Sentence: u    yavamātraṃ bʰavati
Sentence: v    yavamātraṃ vai viṣasya na hinasti
Sentence: w    yad adʰastād abʰidʰārayati tasmād adʰastāt prakṣaraṇaṃ prajā arur na hinasti
Sentence: x    yad upariṣṭād abʰidʰārayati tasmād upariṣṭāt prakṣaraṇaṃ prajā arur na hinasti
Sentence: y    yad ubʰayato 'bʰigʰārayaty ubʰayato 'bʰigʰāri prajā arur gʰātukaṃ syāt_
Sentence: z    yat samayābʰihared anabʰividdʰaṃ yajñasyābʰividʰyet \\ 3 \\

Khanda: 4 
Sentence: a    agreṇa pariharati
Sentence: b    tīrtʰenaiva pariharati
Sentence: c    vi vā etad yajñaś chidyate yat prāśitraṃ pariharati
Sentence: d    yad āha brahman prastʰāsyāmīti br̥haspatir vai sarvaṃ brahma
Sentence: e    sarveṇa ha vā etad brahmaṇā yajñaṃ dakṣiṇataḥ saṃdadʰāti_
Sentence: f    atʰo atra vā etarhi yajñaḥ śrito yatra brahmā tatraiva yajñaḥ śritas
Sentence: g    tata evainam ālabʰate
Sentence: h    yad dʰastena pramīved vepanaḥ syāt_
Sentence: i    yac chīrṣṇā śīrṣaktimānt syāt_
Sentence: j    yat tūṣṇīm āsītāsaṃpratto yajñaḥ syāt
Sentence: k    pratiṣṭʰety eva brūyāt_
Sentence: l    vāci vai yajñaḥ śritaḥ_
Sentence: m    yatra brahmā yatraiva yajñaḥ śritas tata evainaṃ saṃprayacchati_
Sentence: n    agnīdʰa ādadʰāti_
Sentence: o    agnimukʰān evartūn prīṇāti_
Sentence: p    atʰottarāsām āhutīnāṃ pratiṣṭʰityā
Sentence: q    atʰo samidvaty ava juhoti
Sentence: r    paridʰīnt saṃmārṣṭi
Sentence: s    punāty evainān_
Sentence: t    sakr̥tsakr̥t saṃmārṣṭi
Sentence: u    parāṅ eva hy etarhi yajñaḥ_
Sentence: v    catuḥ saṃpadyate_
Sentence: w    atʰo catuṣpādaḥ paśavaḥ
Sentence: x    paśūnām āptyai
Sentence: y    deva savitar etat te prāhety āha prasūtyai
Sentence: z    br̥haspatir brahmety āha
Sentence: aa    sa hi brahmiṣṭʰaḥ
Sentence: bb    sa yajñaṃ pāhi sa yajñapatiṃ pāhi sa māṃ pāhi sa māṃ karmaṇyaṃ pāhīty āha
Sentence: cc    yajñāya ca yajamānāya ca paśūnām āptyai \\ 4 \\

Khanda: 5 
Sentence: a    na vai paurṇamāsyāṃ nāmāvāsyāyāṃ dakṣiṇā dīyante
Sentence: b    ya eṣa odanaḥ pacyate dakṣiṇaiṣā dīyate yajñasyarddʰyai_
Sentence: c    iṣṭī vā etena yad yajate 'tʰo vā etena pūrtī ya eṣa odanaḥ pacyate_
Sentence: d    eṣa ha vā iṣṭāpūrtī ya enaṃ pacati \\ 5 \\

Khanda: 6 
Sentence: a    dvayā vai devā yajamānasya gr̥ham āgacchanti somapā anye 'somapā anye
Sentence: b    hutādo 'nye 'hutādo 'nye_
Sentence: c    ete vai devā ahutādo yad brāhmaṇāḥ_
Sentence: d    etaddevatya eṣa yaḥ purānījānaḥ_
Sentence: e    ete ha vā etasya prajāyāḥ paśūnām īśate
Sentence: f    te 'syāprītā iṣam ūrjam ādāyāpakrāmanti
Sentence: g    yad anvāhāryam anvāharati tān eva tena prīṇāti
Sentence: h    dakṣiṇataḥsadbʰyaḥ parihartavā āha
Sentence: i    dakṣiṇāvataiva yajñena yajate_
Sentence: j    āhutibʰir eva devān hutādaḥ prīṇāti dakṣiṇābʰir manuṣyadevān_
Sentence: k    te 'smai prītā iṣam ūrjaṃ niyacchanti \\ 6 \\

Khanda: 7 
Sentence: a    devāś ca ha vā asurāś cāspardʰanta
Sentence: b    te devāḥ prajāpatim evābʰyayajanta_
Sentence: c    anyo 'nyasyāsann asurā ajuhavus
Sentence: d    te devā etam odanam apaśyan_
Sentence: e    taṃ prajāpataye bʰāgam anuniravapan_
Sentence: f    taṃ bʰāgaṃ paśyan prajāpatir devān upāvartata
Sentence: g    tato devā abʰavan parāsurāḥ
Sentence: h    sa ya evaṃvidvān etam odanaṃ pacati bʰavaty ātmanā parāsyāpriyo bʰrātr̥vyo bʰavati
Sentence: i    prajāpatir vai devebʰyo bʰāgadʰeyāni vyakalpayat
Sentence: j    so 'manyatātmānam antaragām iti
Sentence: k    sa etam odanam abʰaktam apaśyat
Sentence: l    tam ātmane bʰāgaṃ niravapat
Sentence: m    prajāpater vā eṣa bʰāgaḥ_
Sentence: n    aparimitaḥ syāt_
Sentence: o    aparimito hi prajāpatiḥ
Sentence: p    prajāpater bʰāgo 'sy ūrjasvān payasvān
Sentence: q    akṣito 'si_
Sentence: r    akṣityai tvā
Sentence: s    mā me kṣeṣṭʰā amutrāmuṣmiṃl loka iha ca
Sentence: t    prāṇāpanau me pāhi
Sentence: u    samānavyānau me pāhi_
Sentence: v    udānarūpe me pāhi_
Sentence: w    ūrg asi_
Sentence: x    ūrjaṃ me dʰehi
Sentence: y    kurvato me mā kṣeṣṭʰāḥ_
Sentence: z    dadato me mopadasaḥ
Sentence: aa    prajāpatim ahaṃ tvayā samakṣam r̥dʰyāsam iti
Sentence: bb    prajāpatim eva samakṣam r̥dʰnoti ya evaṃ veda ya evaṃ veda \\ 7 \\

Khanda: 8 
Sentence: a    ye vā iha yajñair ārdʰnuvaṃs teṣām etāni jyotīṃṣi yāny amūni nakṣatrāṇi
Sentence: b    tan nakṣatrāṇāṃ nakṣatratvaṃ yan na kṣīyanti
Sentence: c    darśapūrṇamāsau vai yajñasyāvasānadarśau
Sentence: d    ye vā aniṣṭvā darśapūrṇamāsābʰyāṃ somena yajante teṣām etāni jyotīṃṣi yāny amūni nakṣatrāṇi patantīva
Sentence: e    tad yatʰā ha vā idam aspaṣṭāvasāne nehāvasāsyasi nehāvasāsyasīti nonudyanta evaṃ haivaite 'muṣmāṃl lokān nonudyante
Sentence: f    ta ete pracyavante \\ 8 \\

Khanda: 9 
Sentence: a    yasya havir niruptaṃ purastāc candramā abʰyudiyāt tāṃs tredʰā tāṇḍulān vibʰajet_
Sentence: b    ye madʰyamās tān agnaye dātre 'ṣṭākapālaṃ nirvapet_
Sentence: c    ye stʰaviṣṭʰās tān indrāya prādātre dadʰani carum_
Sentence: d    ye kṣodiṣṭʰās tān viṣṇave śipiviṣṭāya śr̥te carum_ [ed. kṣodistʰās, corr. Patyal]
Sentence: e    paśavo vā ete 'tiricyante
Sentence: f    tān evāpnoti
Sentence: g    tān avarunddʰe_
Sentence: h    agnir vai madʰyamasya dātendro vai jyeṣṭʰasya pradātā
Sentence: i    yad evedaṃ kṣudraṃ paśūnāṃ tad viṣṇoḥ śipiviṣṭam_
Sentence: j    tad evāpnoti
Sentence: k    paśūn evāvarunddʰe \\ 9 \\

Khanda: 10 
Sentence: a    yā pūrvā paurṇamāsī sānumatiḥ_
Sentence: b    yottarā rākā
Sentence: c    yā pūrvāmāvāsyā sā sinīvālī yottarā sā kuhūḥ_
Sentence: d    candramā eva dʰātā ca vidʰātā ca
Sentence: e    yat pūrṇo 'nyāṃ vasaty apūrṇo 'nyāṃ tan mitʰunam_
Sentence: f    yat paśyaty anyāṃ nānyāṃ tan mitʰunam_
Sentence: g    yad amāvāsyāyāś candramā adʰi prajāyate tan mitʰunam_
Sentence: h    tasmād evāsmai mitʰunāt paśūn prajanayati \\ 10 \\

Khanda: 11 
Sentence: a    na dve yajeta
Sentence: b    yat pūrvayā saṃprati yatetottarayā chambaṭkuryāt_
Sentence: c    yad uttarayā saṃprati yajeta pūrvayā chambaṭkuryāt_
Sentence: d    neṣṭir bʰavati na yajñas
Sentence: e    tad anu hrītamukʰy apagalbʰo jāyate_
Sentence: f    ekām eva yajeta
Sentence: g    pragalbʰo haiva jāyate_
Sentence: h    anādr̥tya tad dve yajeta
Sentence: i    yajñamukʰam eva pūrvayālabʰate yajata uttarayā
Sentence: j    devatā evaṃ pūrvayāpnotīndriyam uttaryā
Sentence: k    devalokam eva pūrvayāvarunddʰe manuṣyalokam uttarayā bʰūyaso yajñakratūn upaitya_
Sentence: l    eṣā ha vai sumanā nāmeṣṭiḥ_
Sentence: m    yam adyejānaṃ paścāc candramā abʰyudiyād asmā asmiṃl loka ārdʰukaṃ bʰavati \\ 11 \\

Khanda: 12 
Sentence: a    agnāvaiṣṇavam ekādaśakapālaṃ nirvaped darśapūrṇamāsāv āripsamāṇaḥ_
Sentence: b    agnir vai sarvā devatā viṣṇur yajñaḥ_
Sentence: c    devatāś caiva yajñaṃ cārabʰata r̥ddʰyai_
Sentence: d    r̥dʰnoty eva_
Sentence: e    ubʰau sahārambʰāv ity āhuḥ_
Sentence: f    udin nu śr̥ṅge sito mucyata iti
Sentence: g    darśo vā etayoḥ pūrvaḥ paurṇamāsa uttaraḥ_
Sentence: h    atʰa yat parastāt paurṇamāsa ārabʰyate tad yatʰā pūrvaṃ kriyate
Sentence: i    tad yat paurṇamāsam ārabʰamāṇaḥ sarasvatyai caruṃ nirvapet sarasvate dvādaśakapālam amāvāsyā vai sarasvatī paurṇamāsaḥ sarasvān iti_
Sentence: j    ubʰāv evainau sahārabʰata r̥ddʰyai_
Sentence: k    r̥dʰnoty eva \\ 12 \\

Khanda: 13 
Sentence: a    agnaye patʰikr̥te 'ṣṭākapālaṃ nirvaped yasya prajñāteṣṭir atipadyate
Sentence: b    bahiṣpatʰaṃ vā eṣa eti yasya prajñāteṣṭir atipadyate_
Sentence: c    agnir vai devānāṃ patʰikr̥t
Sentence: d    tam eva bʰāgadʰeyenopāsarat
Sentence: e    sa enaṃ pantʰānam apinayati_
Sentence: f    anaḍvān dakṣiṇā
Sentence: g    sa hi pantʰānam abʰivahati \\ 13 \\

Khanda: 14 
Sentence: a    agnaye vratapataye 'ṣṭākapālaṃ nirvaped ya āhitāgniḥ san pravaset_
Sentence: b    bahu vā eṣa vratam atipātayati ya āhitāgniḥ san pravasati vratye 'hani striyaṃ vopaiti māṃsaṃ vāśnāti_
Sentence: c    agnir vai devānāṃ vratapatiḥ_
Sentence: d    agnim etasya vratam agāt
Sentence: e    tasmād etasya vratam ālambʰayate \\ 14 \\

Khanda: 15 
Sentence: a    agnaye vratabʰr̥te 'ṣṭākapālaṃ nirvaped ya āhitāgnir ārtijam aśru kuryāt_
Sentence: b    ānīto vā eṣa devānāṃ ya āhitāgnis
Sentence: c    tasmād etenāśru na kartavyam_
Sentence: d    na hi devā aśru kurvanti_
Sentence: e    agnir vai devānāṃ vratabʰr̥t_
Sentence: f    agnim etasya vratam agāt
Sentence: g    tasmād etasya vratam ālambʰayate \\ 15 \\

Khanda: 16 
Sentence: a    aindrāgnam usram anusr̥ṣṭam ālabʰeta yasya pitā pitāmahaḥ somaṃ na pibet_
Sentence: b    indriyeṇa vā eṣa vīryeṇa vyr̥dʰyate yasya pitā pitāmahaḥ somaṃ na pibati
Sentence: c    yad aindra indriyeṇaivainaṃ tad vīryeṇa samardʰayati
Sentence: d    devatābʰir vā eṣa vīryeṇa vyr̥dʰyate yasya pitā pitāmhaḥ somaṃ na pibati
Sentence: e    yad āgneyo 'gnir vai sarvā devatāḥ
Sentence: f    sarvābʰir evainaṃ tad devatābʰiḥ samardʰayati_
Sentence: g    anusr̥ṣṭo bʰavati_
Sentence: h    anusr̥ṣṭa iva hy etasya somapītʰo yasya pitā pitāmahaḥ somaṃ na pibati
Sentence: i    tasmād eṣa eva tasyā devatāyāḥ paśūnāṃ samr̥ddʰaḥ \\ 16 \\

Khanda: 17 
Sentence: a    devā vā oṣadʰīṣu pakvāsv ājim ayuḥ
Sentence: b    sa indro 'ved agnir vāvemāḥ pratʰama ujjeṣyatīti
Sentence: c    so 'bravīd yataro nau pūrva ujjayāt tan nau saheti
Sentence: d    tā agnir udajayat
Sentence: e    tad indro 'nūdajayat
Sentence: f    sa eṣa aindrāgnaḥ sann āgnendraḥ_
Sentence: g    ekā vai tarhi yavasya śnuṣṭir āsīd ekā vrīher ekā māṣasyaikā tilasya
Sentence: h    tad viśve devā abruvan vayaṃ vā etat pratʰayiṣyāmo bʰāgo no 'stv iti
Sentence: i    tad bʰūma eva vaiśvadevaḥ_
Sentence: j    atʰo pratʰayaty etenaiva
Sentence: k    payasi syād vaiśvadevatvāya
Sentence: l    vaiśvadevaṃ hi payaḥ_
Sentence: m    atʰemāv abrūtāṃ na vā r̥ta āvābʰyām evaitad yūyaṃ pratʰayata mayi pratiṣṭʰitam asau vr̥ṣṭyā pacati naitadito 'bʰyujjeṣyatīti
Sentence: n    bʰāgo nāv astv iti
Sentence: o    tābʰyāṃ vā eṣa bʰāgaḥ kriyata ujjityā eva_
Sentence: p    atʰo pratiṣṭʰityā eva yo dyāvāpr̥tʰivīyaḥ
Sentence: q    saumīr vā oṣadʰīḥ
Sentence: r    soma oṣadʰīnām adʰirājaḥ_
Sentence: s    yāś ca grāmyā yāścāraṇyās tāsām eṣa uddʰāro yac chyāmākaḥ_
Sentence: t    yac chyāmākaḥ saumyas tam eva bʰāginaṃ kr̥ṇute
Sentence: u    yad akr̥tvāgrayaṇaṃ navasyāśnīyād devānāṃ bʰāgaṃ pratikl̥ptam adyāt
Sentence: v    saṃvatsarād vā etad adʰiprajāyate yad āgrayaṇam_
Sentence: w    saṃvatsaraṃ vai brahmā
Sentence: x    tasmād brahmā purastāddʰomasaṃstʰitahomeṣv āvapeta_
Sentence: y    ekahāyanī dakṣiṇā
Sentence: z    sa hi saṃvatsarasya pratimā
Sentence: aa    reta eva hy eṣo 'prajātaḥ
Sentence: bb    prajātyai \\ 17 \\

Khanda: 18 
Sentence: a    atʰa haitad apratiratʰam <indrasya bāhū stʰavirau vr̥ṣāṇau>_ iti_
Sentence: b    etena ha vā indro 'surān pratyajayat_ [ed. 'surāna]
Sentence: c    aprati ha bʰavaty etena yajamāno bʰrātr̥vyaṃ jayati
Sentence: d    saṃgrāme juhuyād aprati ha bʰavati_
Sentence: e    etena ha vai bʰaradvājaḥ pratardanaṃ samanahyat
Sentence: f    sa rāṣṭry abʰavat_
Sentence: g    yaṃ kāmayeta rāṣṭrī syād iti tam etena saṃnahyet_
Sentence: h    rāṣṭrī ha bʰavati_
Sentence: i    etena ha vā indro virājam abʰyajayat_
Sentence: j    daśaivānvāha
Sentence: k    daśākṣarā virāḍ vairājaṃ vā etena yajamāno bʰrātr̥vyaṃ vr̥ṅkte
Sentence: l    tad u haika ekādaśānvāhuḥ_
Sentence: m    ekādaśākṣarā vai triṣṭup traiṣṭubʰo vajraḥ_
Sentence: n    vajreṇaivaitad rakṣāṃsy apasedʰati
Sentence: o    dakṣiṇato vai devānāṃ yajñaṃ rakṣāṃsy ajigʰāṃsan_
Sentence: p    tāny apratiratʰenāpāgʰnata
Sentence: q    tasmād brahmāpratiratʰaṃ japann eti
Sentence: r    yad brahmāpratiratʰaṃ japann eti yajñasyābʰijityai rakṣasām apahatyai rakṣasām apahatyai \\ 18 \\

Khanda: 19 
Sentence: a    atʰātaś cāturmāsyānāṃ prayogaḥ
Sentence: b    pʰālgunyāṃ paurṇamāsyāṃ cāturmāsyāni prayuñjīta
Sentence: c    mukʰaṃ vā etat saṃvatsarasya yat pʰālgunī paurṇamāsī mukʰam uttare pʰālgunyau pucchaṃ pūrve [ed. pūrva]
Sentence: d    tad yatʰā pravr̥ttasyāntau sametau syātām evam evaitat saṃvatsarasyāntau sametau bʰavatas
Sentence: e    tad yat pʰālgunyāṃ paurṇamāsyāṃ cāturmāsyair yajate mukʰata evaitat saṃvatsaraṃ prayuṅkte_
Sentence: f    atʰo bʰaiṣajyayajñā vā ete yac cāturmāsyāni
Sentence: g    tasmād r̥tusaṃdʰiṣu prayujyante_
Sentence: h    r̥tusaṃdʰiṣu vai vyādʰir jāyate
Sentence: i    tāny etāny aṣṭau havīṃsṣi bʰavanti
Sentence: j    aṣṭau vai catasr̥ṇāṃ paurṇamāsīnāṃ havīṃṣi bʰavanti
Sentence: k    catasr̥ṇāṃ vai paurṇamāsīnāṃ vaiśvadevaṃ samāsaḥ_
Sentence: l    atʰa yad agniṃ mantʰanti prajāpatir vai vaiśvadevam_
Sentence: m    prajātyā eva_
Sentence: n    atʰaitaṃ daivaṃ garbʰaṃ prajanayati_
Sentence: o    atʰa yat saptadaśa sāmidʰenyaḥ saptadaśo vai prajāpatiḥ
Sentence: p    prajāpater āptyai
Sentence: q    atʰa yat sadvantāv ājyabʰāgāv asisaṃtīti vai sadvantau bʰavataḥ_
Sentence: r    atʰa yad virājau saṃyājye annaṃ vai śrīr virāḍ annādyasya śriyo 'varuddʰyai_ [ed. 'varuddʰyā 'tʰa]
Sentence: s    atʰa yan nava prayājā navānuyājā aṣṭau havīṃṣi vājinaṃ navamaṃ tan nakṣatrīyāṃ virājam āpnoti_
Sentence: t    atʰo āhur daśanīṃ virājam iti prayājānuyājā havīṃṣy āgʰārāv ājyabʰāgāv iti \\ 19 \\

Khanda: 20 
Sentence: a    atʰa yad agnīṣomau pratʰamaṃ devatānāṃ yajaty agnīṣomau vai devānāṃ mukʰam_
Sentence: b    mukʰata eva tad devān prīṇāti_
Sentence: c    atʰa yat savitāraṃ yajaty asau vai savitā yo 'sau tapati_
Sentence: d    etam eva tena prīṇāti_
Sentence: e    atʰa yat sarasvatīṃ yajati vāg vai sarasvatī
Sentence: f    vācam etena prīṇāti_
Sentence: g    atʰa yan pūṣaṇaṃ yajaty asau vai pūṣā yo 'sau tapati_
Sentence: h    etam eva tena prīṇāti_
Sentence: i    atʰa yan marutaḥ svatavaso yajati gʰorā vai marutaḥ svatavasas
Sentence: j    tān eva tena prīṇāti_
Sentence: k    atʰa yad viśvān devān yajaty ete vai viśve devā yat sarve devās
Sentence: l    tān eva tena prīṇāti_
Sentence: m    atʰa yad dyāvāpr̥tʰivyau yajati pratiṣṭʰe vai dyāvāpr̥tʰivyau
Sentence: n    pratiṣṭʰityā eva_
Sentence: o    atʰa yad vājino yajati paśavo vai vājinaḥ
Sentence: p    paśūn eva tena prīṇāti_
Sentence: q    atʰo r̥tavo vai vājinaḥ_
Sentence: r    r̥tūn eva tena prīṇāti_
Sentence: s    atʰo chandāṃsi vai vājinaḥ_
Sentence: t    chandāṃsy eva tena prīṇāti_
Sentence: u    atʰo devāśvā vai vājinaḥ_
Sentence: v    atra devāḥ sāśvā abʰīṣṭāḥ prītā bʰavanti_
Sentence: w    atʰa yat parastāt paurṇamāsena yajate tatʰā hāsya pūrvapakṣe vaiśvadeveneṣṭaṃ bʰavati \\ 20 \\

Khanda: 21 
Sentence: a    vaiśvadevena vai prajāpatiḥ prajā asr̥jata
Sentence: b    tāḥ sr̥ṣṭā aprasūtā varuṇasya yavāñ jakṣus
Sentence: c    tā varuṇo varuṇapāśaiḥ pratyabandʰāt
Sentence: d    tāḥ prajāḥ prajāpatiṃ pitaram etyopāvadann upa taṃ yajñakratuṃ jānīhi yeneṣṭvā varuṇam aprīṇāt
Sentence: e    sa prīto varuṇaḥ_
Sentence: f    varuṇapāśebʰyaḥ sarvasmāc ca pāpmanaḥ saṃpramucyanta iti
Sentence: g    tata etaṃ prajāpatir yajñakratum apaśyad varuṇapragʰāsān_
Sentence: h    tam āharat
Sentence: i    tenāyajata
Sentence: j    teneṣṭvā varuṇam aprīṇāt
Sentence: k    sa prīto varuṇo varuṇapāśebʰyaḥ sarvasmāc ca pāpmanaḥ prajāḥ prāmuñcat
Sentence: l    pra ha vā etasya prajā varuṇapāśebʰyaḥ sarvasmāc ca pāpmano mucyante
Sentence: m    ya evaṃ veda_
Sentence: n    atʰa yad agniṃ praṇayanti yam evāmuṃ vaiśvadeve mantʰanti tam eva tat praṇayanti
Sentence: o    yan matʰyate tasyoktaṃ brāhmaṇam
Sentence: p    atʰa yat saptadaśa sāmidʰenyaḥ sadvantāv ājyabʰāgau virājau saṃyājye teṣām uktaṃ brāhmaṇam
Sentence: q    atʰa yan nava prayājā navānuyājā navaitāni havīṃṣi
Sentence: r    samānāni tv eva pañca saṃcarāṇi havīṃṣi bʰavanti pauṣṇāntāni
Sentence: s    teṣām uktaṃ brāhmaṇam \\ 21 \\

Khanda: 22 
Sentence: a    atʰa yad aindrāgno dvādaśakapālo bʰavati balaṃ vai teja indrāgnī
Sentence: b    balam eva tat tejasi pratiṣṭʰāpayati_
Sentence: c    atʰa yad vāruṇy āmikṣendro vai varuṇaḥ [ed. āmīkṣendro, corr. Patyal]
Sentence: d    sa u vai payobʰājanas
Sentence: e    tasmād vāruṇy āmikṣā_ [ed. amikṣā]
Sentence: f    atʰa yan mārutī payasyāpsu vai marutaḥ śritāḥ_ [ed. śritaḥ. corr. Patyal]
Sentence: g    āpo hi payaḥ_
Sentence: h    atʰendrasya vai marutaḥ śrita aindraṃ payas
Sentence: i    tasmān mārutī payasyā_
Sentence: j    atʰa yat kāya ekakapālaḥ prajāpatir vai kaḥ
Sentence: k    prajāpater āptyā
Sentence: l    atʰo sukʰasya vā etan nāmadʰeyaṃ kam iti [ed. nāmagʰeyam]
Sentence: m    sukʰam eva tad adʰy ātman dʰatte_
Sentence: n    atʰa yan mitʰunau gāvau dadāti tat prajātyai rūpam
Sentence: o    uktʰyā vājinaḥ_
Sentence: p    atʰa yad apsu varuṇaṃ yajati sva evainaṃ tad āyatane prīṇāti_
Sentence: q    atʰa yat parastāt paurṇamāsena yajate tatʰā hāsya pūrvapakṣe varuṇapragʰāsair iṣṭaṃ bʰavati \\ 22 \\

Khanda: 23 
Sentence: a    aindro vā eṣa yajñakratur yat sākamedʰās
Sentence: b    tad yatʰā mahārājaḥ purastāt senānīkāni vyuhyābʰayaṃ pantʰānam anviyād evam evaitat purastād devatā yajati [ed. sainānīkāni, corr. Patyal]
Sentence: c    tad yatʰaivādaḥ somasya mahāvratam evam evaitad iṣṭimahāvratam
Sentence: d    atʰa yad agnim anīkavantaṃ pratʰamaṃ devatānāṃ yajaty agnir vai devānāṃ mukʰam_
Sentence: e    mukʰata eva tad devān prīṇāti_
Sentence: f    atʰa yan madʰyaṃdine marutaḥ sāṃtapanān yajatīndro vai marutaḥ saṃtapanāḥ_
Sentence: g    aindraṃ mādʰyaṃdinam_
Sentence: h    tasmād etān indreṇopasaṃhitān yajati_
Sentence: i    atʰa yat sāyaṃ gr̥hamedʰīyena caranti puṣṭikarma vai gr̥hamedʰīyaḥ
Sentence: j    sāyaṃ poṣaḥ paśūnām_
Sentence: k    tasmāt sāyaṃ gr̥hamedʰīyena caranti_
Sentence: l    atah yac chvo bʰūte gr̥hamedʰīyasya niṣkāśamiśreṇa pūrṇadarveṇa caranti pūrvedyuḥ karmaṇaivaitat prātaḥ karmopasaṃtanvanti_
Sentence: m    atʰa yat prātar marutaḥ krīḍino yajatīndro vai marutaḥ krīḍinas
Sentence: n    tasmād enān indreṇopasaṃhitān yajati_
Sentence: o    atʰa yad agniṃ praṇayanti yam evāmuṃ vaiśvadeve mantʰanti tam eva tat praṇayanti
Sentence: p    yan matʰyate tasyoktaṃ brāhmaṇam
Sentence: q    atʰa yat saptadaśa sāmidʰenyaḥ sadvantāv ājyabʰāgau virājau saṃyājye teṣām uktaṃ brāhmaṇam
Sentence: r    atʰa yan nava prayājā navānuyājā aṣṭau havīṃṣi samānāni tv eva ṣaṭsaṃcarāṇi havīṃṣi bʰavanty aindrāgnāntāni
Sentence: s    teṣām uktaṃ brāhmaṇam
Sentence: t    atʰa yan mahendram antato yajaty antaṃ vai śreṣṭʰī bʰajate
Sentence: u    tasmād enam antato yajati_
Sentence: v    atʰa yad vaiśvakarmaṇa ekakapālo 'sau vai viśvakarmā yo 'sau tapati_
Sentence: w    etam eva tena prīṇāti_
Sentence: x    atʰa yad r̥ṣabʰaṃ dadāty aindro ha yajñakratuḥ \\ 23 \\

Khanda: 24 
Sentence: a    atʰa yad aparāhṇe pitr̥yajñena caranty aparāhṇabʰājo vai pitaras
Sentence: b    tasmād aparāhṇe pitr̥yajñena caranti
Sentence: c    tad āhur yad aparapakṣabʰājo vai pitaraḥ kasmād enān pūrvapakṣe yajantīti
Sentence: d    devā vā ete pitaras
Sentence: e    tasmād enān pūrvapakṣe yajantīti_
Sentence: f    atʰa yad ekāṃ sāmidʰenīṃ trir anvāha sakr̥d ha vai pitaras
Sentence: g    tasmād ekāṃ sāmidʰenīṃ trir anvāha_
Sentence: h    atʰa yad yajamānasyārṣeyaṃ nāha ned yajamānaṃ pravr̥ṇajānīti_
Sentence: i    atʰa yat somaṃ pitr̥mantaṃ pitr̥̄n vā somavataḥ pitr̥̄n barhiṣadaḥ pitr̥̄n agniṣvāttān ity āvāhayati
Sentence: j    na haike svaṃ mahimānam āvāhayanti yajamānasyaiṣa mahimeti vadanta āvāhayed iti tv eva stʰitam
Sentence: k    agner hy eṣa mahimā bʰavati_
Sentence: l    oṃ svadʰety āśrāvayati_
Sentence: m    astu svadʰeti pratyāśrāvayati
Sentence: n    svadʰākāro hi pitr̥̄ṇām
Sentence: o    atʰa yat prayājānuyājebʰyo barhiṣmantāv uddʰarati prajā vai barhir net prajāṃ pitr̥ṣu dadʰānīti
Sentence: p    te vai ṣaṭ saṃpadyante
Sentence: q    ṣaḍ vā r̥tavaḥ_
Sentence: r    r̥tavaḥ pitaraḥ
Sentence: s    pitr̥̄ṇām āptyai \\ 24 \\

Khanda: 25 
Sentence: a    atʰa yaj jīvanavantāv ājyabʰāgau bʰavato yajamānam eva taj jīvayati_
Sentence: b    atʰa yad ekaikasya haviṣas tisrastisro yājyā bʰavanti hvayaty evainān pratʰamayā
Sentence: c    dvitīyayā gamayati
Sentence: d    praiva tr̥tīyayā yacchati_
Sentence: e    atʰo devayajñam evaitat pitr̥yajñena vyāvartayati_
Sentence: f    atʰo dakṣiṇāsaṃstʰo vai pitr̥yajñas
Sentence: g    tam evaitad udaksaṃstʰaṃ kurvanti_
Sentence: h    atʰa yad agniṃ kavyavāhanam antato yajaty etat sviṣṭakr̥to pitaras
Sentence: i    tasmād agniṃ kavyavāhanam antato yajati_
Sentence: j    atʰa yad iḍām upahūyāvagʰrāya na prāśnanti paśavo vā iḍā
Sentence: k    net paśūn pravr̥ṇajānīti_
Sentence: l    atʰa yat sūktavāke yajamānasyāśiṣo 'nvāha ned yajamānaṃ pravr̥ṇajānīti_
Sentence: m    atʰa yat patnīṃ na saṃyājayanti net patnīṃ pravr̥ṇajānīti_
Sentence: n    atʰa yat pavitravati mārjayante śāntir vai bʰeṣajam āpaḥ
Sentence: o    śāntir evaiṣā bʰeṣajam antato yajñe kriyate_
Sentence: p    atʰa yad adʰvaryuḥ pitr̥bʰyo nipr̥ṇāti jīvān eva tat pitr̥̄n anu manuṣyāḥ pitaro 'nupravahanti_
Sentence: q    atʰo devayajñam evainaṃ pitr̥yajñena vyāvartayanti_
Sentence: r    atʰo dakṣiṇāsaṃstʰo vai pitr̥yajñas
Sentence: s    tam evaitad udaksaṃstʰaṃ kurvanti_
Sentence: t    atʰa yat prāñco 'bʰyutkramyādityam upatiṣṭʰante devaloko vā ādityaḥ
Sentence: u    pitr̥lokaḥ pitaraḥ_
Sentence: v    devalokam evaitat pitr̥lokād upasaṃkrāmantīti_
Sentence: w    atʰa yad dakṣiṇāñco 'bʰyutkramyāgnīn upatiṣṭʰante prītyaiva tad deveṣv antato 'rdʰaṃ caranti_
Sentence: x    atʰa yad udañco 'bʰyutkramya traiyaṃbakair yajante rudram eva tat svasyāṃ diśi prīṇanti_ [ed. svāyāṃ but see corrigenda p. 302]
Sentence: y    atʰo devayajñam evaitat pitr̥yajñena vyāvartayanti_
Sentence: z    atʰo dakṣiṇāsaṃstʰo vai pitr̥yajñas
Sentence: aa    tam evaitad udaksaṃstʰaṃ kurvanti_
Sentence: bb    atʰa yad antata ādityeṣṭyā yajatīyaṃ vā aditiḥ_
Sentence: cc    asyām evainam antataḥ pratiṣṭʰāpayati_
Sentence: dd    atʰa yat parastāt paurṇamāsena yajate tatʰā hāsya pūrvapakṣe sākamedʰair iṣṭaṃ bʰavati \\ 25 \\

Khanda: 26 
Sentence: a    trayodaśaṃ vā etaṃ māsam āpnoti yac chunāsīryeṇa yajate_
Sentence: b    etāvān vai saṃvatsaro yāvān eṣa trayodaśo māsaḥ_
Sentence: c    atʰa yad agniṃ praṇayanti yam evāmuṃ vaiśvadeve mantʰanti tam eva tat praṇayanti
Sentence: d    yan matʰyate tasyoktaṃ brāhmaṇam_
Sentence: e    yady u na matʰyate paurṇamāsam eva tantraṃ bʰavati
Sentence: f    pratiṣṭʰā vai paurṇamāsam_
Sentence: g    pratiṣṭʰityā evātʰa yad vāyuṃ yajati prāṇo vai vāyuḥ
Sentence: h    prāṇam eva tena prīṇāti_
Sentence: i    atʰa yac chunāsīraṃ yajati saṃvatsaro vai śunāsīraḥ
Sentence: j    saṃvatsaram eva tena prīṇāti_
Sentence: k    atʰa yat sūryaṃ yajaty asau vai sūryo yo 'sau tapati_
Sentence: l    etam eva tena prīṇāti_
Sentence: m    atʰa yac chvetāṃ dakṣiṇāṃ dadāty etasyaiva tad rūpaṃ kriyate_
Sentence: n    atʰa yat prāyaścittapratinidʰiṃ kurvanti svastyayanam eva tat kurvanti
Sentence: o    yajñasyaiva śāntir yajamānasya bʰaiṣajyāya
Sentence: p    tair vā etaiś cāturmāsyair devāḥ sarvān kāmān āpnuvaṃt sarvā iṣṭīḥ sarvam amr̥tatvam_
Sentence: q    sa vā eṣa prajāpatiḥ saṃvatsaraś caturviṃśo yac cāturmāsyāni
Sentence: r    tasya mukʰam eva vaiśvadevam_
Sentence: s    bāhū varuṇapragʰāsāḥ
Sentence: t    prāṇo 'pāno vyāna ity etās tisra iṣṭayaḥ_ [ed. praṇo]
Sentence: u    ātmā mahāhaviḥ
Sentence: v    pratiṣṭʰā śunāsīram_
Sentence: w    sa vā eṣa prajāpatir eva saṃvatsaro yac cāturmāsyāni
Sentence: x    sarvaṃ vai prajāpatiḥ
Sentence: y    sarvaṃ cāturmāsyāni
Sentence: z    tat sarveṇaiva sarvam āpnoti ya evaṃ veda yaś caivaṃ vidvāṃś cāturmāsyair yajate cāturmāsyair yajate cāturmāsyairyajate

Sentence: col    ity atʰarvavede gopatʰabrāhmaṇottarabʰāge pratʰamaḥ prapāṭʰakaḥ \\

Next part


This text is part of the TITUS edition of Atharva-Veda: Gopatha-Brahmana.

Copyright TITUS Project, Frankfurt a/M, 3.6.2016. No parts of this document may be republished in any form without prior permission by the copyright holder.