TITUS
Atharva-Veda: Vaitana-Sutra
Part No. 35
Previous part

Khanda: 5_(35) 
Sutra: 1    yatʰāstutam anuśaṃsati \\

Sutra: 2    ekayā dvābʰyāṃ vā stomam atiśaṃset \ na prāg dvādaśāt \\

Sutra: 3    ṣaḍahastotriyāvāpe ca \\

Sutra: 4    aparimitābʰir uttarayoḥ savanayoḥ \\

Sutra: 5    cʰandodaivatapratirūpo 'nurūpaḥ \\

Sutra: 6    aprajñāne stotriyaṃ dviḥ \\

Sutra: 7    ekāheṣūrdʰvam anurūpād āvāpaḥ \\

Sutra: 8    pragātʰān mādʰyandine \\

Sutra: 9    saṃvatsara ārambʰaṇīyāyāḥ \ śvaḥstotriyānurūpaḥ \\

Sutra: 10    <indraṃ vo viśvatas pari [ŚS 20.39.1]> ity ārambʰaṇīyā \\

Sutra: 11    <vyantarikṣam atirat [ŚS 20.39.2-5]> iti paryāsaḥ \\

Sutra: 12    mādʰyandine <kan navyo atasīnām [ŚS 20.50]> iti kadvānt sāmapragātʰaḥ \\

Sutra: 13    <brahmaṇā te brahmayujā yunajmi [ŚS 20.86.1]> ity ārambʰaṇīyā \\

Sutra: 14    atiśaṃsanāya stomān vyākʰyāsyāmaḥ \\

Sutra: 15    gorājye trivr̥t \ pañcadaśa āyuṣaḥ \ ubʰayoḥ pr̥ṣṭʰe saptadaśaḥ \\

Sutra: 16    uktʰa ekaviṃśaḥ \ pr̥ṣṭʰye trivr̥tpañcadaśasaptadaśaikaviṃśatriṇavatrayastriṃśāḥ \\

Sutra: 17    abʰijidviśvajito rājye pañcadaśaikaviṃśau \ pr̥ṣṭʰe triṇavatrayastriṃśau \\

Sutra: 18    svarasāmasu saptadaśaḥ \\

Sutra: 19    viṣuvaty ekaviṃśaḥ \\

Sutra: 20    cʰandomeṣu caturviṃśacatuścatvāriṃśāṣṭācatvāriṃśāḥ \\

Sutra: 21    daśama ājyapr̥ṣṭʰayor ekaviṃśaḥ \\

Sutra: 22    mahāvrate pañcaviṃśaḥ \\

Sutra: 23    sarvatra saṃstʰāstomastotriyaṃ sāmavedapratyayaṃ sāmavedapratyayam \\

Next part


This text is part of the TITUS edition of Atharva-Veda: Vaitana-Sutra.

Copyright TITUS Project, Frankfurt a/M, 30.8.2009. No parts of this document may be republished in any form without prior permission by the copyright holder.