TITUS
Atharva-Veda: Vaitana-Sutra
Part No. 43
Previous part

Khanda: 5_(43) 
Sutra: 1    agnyādʰeyaṃ vasante brāhmaṇasya brahmavarcasakāmasya \ grīṣme rājanyasya tejaskāmasya \ varṣāsu vaiśyasya puṣṭikāmasya \ śaradi sarveṣāṃ gadāpanuttaye \\

Sutra: 2    pūrṇāhutyantam ity eke \\

Sutra: 3    agnihotrāyaṇinām iti yuvā kauśikaḥ \\

Sutra: 4    teṣām āgrayaṇe navasya \\

Sutra: 5    stʰālīpākenāgnihotraṃ yavāgvā vā \\

Sutra: 6    abʰāve gavīḍāṃ navagʰāsam āśayitvā tasyāḥ payasā \\

Sutra: 7    śrīkāmasya nityam agnīnāṃ jāgaraṇam \\

Sutra: 8    agnihotraṃ svargakāmasya \\

Sutra: 9    payasā sarvakāmasya \\

Sutra: 10    dadʰnendriyakāmasya \\

Sutra: 11    ājyena tejaskāmasya \\

Sutra: 12    tailena śrīkāmasya \\

Sutra: 13    odanena prajākāmasya \\

Sutra: 14    yavāgvā grāmakāmasya \\

Sutra: 15    taṇḍulair balakāmasya \\

Sutra: 16    somena brahmavarcasakāmasya \\

Sutra: 17    māṃsena puṣṭikāmasya \\

Sutra: 18    udakenāyuṣkāmasya \\

Sutra: 19    darśapūrṇamāsau sarvakāmasya \\

Sutra: 20    dākṣāyaṇayajñaḥ prajākāmasya \\

Sutra: 21    sākaṃprastʰāyyayajñaḥ paśukāmasya \\

Sutra: 22    saṃkramayajñaḥ sarvakāmasya \\

Sutra: 23    iḍādadʰaḥ paśukāmasya \\

Sutra: 24    sārvasenayajñaḥ prajākāmasya \\

Sutra: 25    śaunakayajño 'bʰicārakāmasya \\

Sutra: 26    vasiṣṭʰayajñaḥ prajākāmasya \\

Sutra: 27    dyāvāpr̥tʰivyor ayanaṃ pratiṣṭʰākāmasya \\

Sutra: 28    etāni darśapūrṇamāsāyanāni \\

Sutra: 29    āgrayaṇam annakāmasya \\

Sutra: 30    cāturmāsyāni sarvakāmasya \\

Sutra: 31    aindrāgnaḥ paśur āyuṣprajāpaśukāmasya \\

Sutra: 32    yāmaḥ śukahariḥ śuṇṭʰo vānāmayakāmasya pitr̥lokakāmasya ca \\

Sutra: 33    tvāṣṭro vaḍavaḥ prajākāmasya \\

Sutra: 34    kāmyāv etau \\

Sutra: 35    sutyāḥ sarvakāmasya \\

Sutra: 36    uktʰyaḥ paśukāmasya \\

Sutra: 37    vājapeyaḥ svārājayakāmasya \\

Sutra: 38    atirātra r̥ddʰikāmasya \\

Sutra: 39    gavāmayanaṃ dvādaśāhaś ca \\

Sutra: 40    rājasūyaḥ svārājyakāmasya \\

Sutra: 41    aśvamedʰapuruṣamedʰau sarvakāmasya \\

Sutra: 42    sarvamedʰaḥ śraiṣṭʰyakāmasya \\

Sutra: 43    kāmānantyād aparimitā yajñāḥ \\

Sutra: 44    te prakr̥tibʰir vyākʰyātāḥ \\

Sutra: 45    yajñakramo brāhmaṇāt \ viriṣṭasaṃdʰānaṃ ca \\

Sutra: 46    ya imau kalpāv adʰīte ya u caivaṃ veda tena sarvaiḥ kratubʰir iṣṭaṃ bʰavati sarvāṃś ca kāmān āpnoti \\

Sutra: 47    atʰāpy udāharanti yatʰā yaṣṭus tatʰādʰyetur eṣā brāhmī pratiśrutir eṣā brāhmī pratiśrutir iti \\


This text is part of the TITUS edition of Atharva-Veda: Vaitana-Sutra.

Copyright TITUS Project, Frankfurt a/M, 30.8.2009. No parts of this document may be republished in any form without prior permission by the copyright holder.