TITUS
Rg-Veda: Aitareya-Brahmana
Part No. 36
Previous part

Paragraph: 6 


Sentence: 1    daivyāḥ śamitāra ārabʰadʰvam uta manuṣyā ity āha
Sentence: 2    ye caiva devānāṃ śamitāro ye ca manuṣyāṇāṃ tān eva tat saṃśāsty
Sentence: 3    upanayata medʰyā dura āśāsānā medʰapatibʰyām medʰam iti
Sentence: 4    paśur vai medʰo, yajamāno medʰapatir;
   yajamānam eva tat svena medʰena samardʰayaty
Sentence: 5    atʰo kʰalv āhur:
   yasyai vāva kasyai ca devatāyai paśur ālabʰyate saiva medʰapatir iti
Sentence: 6    sa yady ekadevatyaḥ paśuḥ syān medʰapataya iti brūyād,
   yadi dvidevatyo medʰapatibʰyām iti, yadi bahudevatyo medʰapatibʰya ity.
   etad eva stʰitam
Sentence: 7    prāsmā agnim bʰarateti
Sentence: 8    paśur vai nīyamānaḥ sa mr̥tyum prāpaśyat, sa devān nānvakāmayataituṃ.
   taṃ devā abruvann:
   ehi, svargaṃ vai tvā lokaṃ gamayiṣyāma iti.
   sa tatʰety abravīt, tasya vai me yuṣmākam ekaḥ purastād aitv iti.
   tatʰeti. tasyāgniḥ purastad ait, so 'gnim anuprācyavata
Sentence: 9    tasmad āhur: āgneyo vāva sarvaḥ paśur, Agniṃ hi so 'nuprācyavateti
Sentence: 10    tasmād v asyāgnim purastād dʰaranti
Sentence: 11    str̥ṇīta barhir ity.
   oṣadʰyātmā va, paśuḥ, paśum eva tat sarvātmānaṃ karoty
Sentence: 12    anv enam mātā manyatām anu pitānu bʰrātā
   sa garbʰyo 'nu sakʰā sayūtʰya iti.
   janitrair evainaṃ tat samanumatam ālabʰanta
Sentence: 13    udīcīnām̐ asya pado ni dʰattāt, sūryaṃ cakṣur gamayatād,
   vātam prāṇam anvavasr̥jatād, antarikṣam asuṃ,
   diśaḥ śrotram, pr̥tʰivīṃ śarīram ity.
   eṣv evainaṃ tal lokeṣv ādadʰāty
Sentence: 14    ekadʰāsya tvacam ācʰyatāt, purā nābʰyā apiśaso vapām utkʰidatād,
   antar evoṣmāṇaṃ vārayadʰvād iti. paśuṣv eva tat prāṇān dadʰāti
Sentence: 15    śyenam asya vakṣaḥ kr̥ṇutāt, praśasā bāhū, śalā doṣaṇī,
   kaśyapevāṃsācʰidre śroṇī, kavaṣorū, srekaparṇāṣṭhīvantā.
   ṣaḍviṃśatir asya vaṅkrayas, ta anuṣṭhyoccyāvayatād,
   gātraṃ-gatram asyānūnaṃ kr̥ṇutād ity aṅgāny evāsya tad gātrāṇi prīṇāty
Sentence: 16    ūvadʰyagoham pārtʰivaṃ kʰanatād ity āhauṣadʰaṃ vā ūvadʰyam,
   iyaṃ vā oṣadʰīnām pratiṣṭhā,
   tad enat svāyām eva pratiṣṭhāyām antataḥ pratiṣṭhāpayati



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.