TITUS
Rg-Veda: Aitareya-Brahmana
Part No. 35
Previous part

Paragraph: 5 


Sentence: 1    paryagnaye kriyamāṇāyānubrūhīty āhādʰvaryur
Sentence: 2    agnir hotā no adʰvara iti
   tr̥icam āgneyaṃ gāyatram anvāha paryagni kriyamāṇe,
   svayaivainaṃ tad devatayā svena cʰandasā samardʰayati
Sentence: 3    vājī san pari ṇīyata iti.
   vājinam iva hy enaṃ santam pariṇayanti
Sentence: 4    pari triviṣṭy adʰvaraṃ yāty agnī ratʰīr ivety.
   eṣa hi ratʰīr ivādʰvaram pariyāti
Sentence: 5    pari vājapatiḥ kavir ity. eṣa hi vājanam= patir
Sentence: 6    ata upapreṣya hotar havyā devebʰya ity āhādʰvaryur
Sentence: 7    ajaid agnir asanad vājam iti maitrāvaruṇa upapraiṣam pratipadyate
Sentence: 8    tad āhur: yad adʰvaryur hotāram upapreṣyaty,
   atʰa kasmān maitrāvaruṇa upapraiṣam pratipadyata iti
Sentence: 9    mano vai yajñasya maitrāvaruṇo, vāg yajñasya hotā.
   manasā vā iṣita vāg vadati.
   yāṃ hy anyamanā vācaṃ vadaty, asuryā vai sā vāg adevajuṣṭā.
   tad yan maitrāvaruṇa upapraiṣam pratipadyate manasaiva tad vācam īrayati,
   tan manaseritayā vācā devebʰyo havyaṃ sampādayati



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.