TITUS
Rg-Veda: Aitareya-Brahmana
Part No. 40
Previous part

Paragraph: 10 


Sentence: 1    manotāyai haviṣo 'vadīyamānasyānubrūhīty āhādʰvaryus
Sentence: 2    tvaṃ hy agne pratʰamo manoteti sūktam anvāha
Sentence: 3    tad āhur: yad anyadevatya uta paśur bʰavaty,
   atʰa kasmād āgneyīr eva Manotāyai haviṣo 'vadīyamānasyānvāheti
Sentence: 4    tisro vai devānām Manotās, tāsu hī teṣām manāṃsy otāni.
   vāg vai devānām Manotā, tasyāṃ hi teṣām manāṃsy otāni;
   gaur vai devānām Manotā, tasyāṃ hi teṣām manāṃsy otāny;
   Agnir vai devānām Manotā, tasmin hi teṣām manāṃsy otāny.
   Agniḥ sarvā Manotā, Agnau Manotāḥ saṃgacʰante.
   tasmād āgneyīr eva Manotāyai haviṣo 'vadīyamānasyānvāhā/gnīṣomā
Sentence: 5    haviṣaḥ prastʰitasyeti haviṣo yajati
Sentence: 6    haviṣa iti rūpasamr̥ddʰa, prastʰitasyeti rūpasamr̥ddʰā
Sentence: 7    sarvābʰir hāsya samr̥ddʰibʰiḥ samr̥ddʰaṃ havyaṃ devān apyeti ya evaṃ veda
Sentence: 8    vanaspatiṃ yajati. prāṇo vai vanaspatir
Sentence: 9    jīvaṃ hāsya havyaṃ devān apyeti yatraivaṃ vidvān vanaspatiṃ yajati
Sentence: 10    sviṣṭakr̥taṃ yajati. pratiṣṭhā vai sviṣṭakr̥t,
   pratiṣṭhāyām eva tad yajñam antataḥ pratiṣṭhāpayatī/ḷām
Sentence: 11    upahvayate. paśavo vā iḷā, paśūn eva tad upahvayate,
   paśūn yajamāne dadʰāti dadʰāti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.