TITUS
Rg-Veda: Aitareya-Brahmana
Part No. 52
Previous part

Paragraph: 22 


Sentence: 1    tad āhuḥ: sarpe+t \ na sarpe+t iti \ sarped iti haika āhur,
   ubʰayeṣāṃ vā eṣa devamanuṣyāṇām bʰakṣo yad bahiṣpavamānas,
   tasmād enam abʰisaṃgacʰanta iti vadantas
Sentence: 2    tat-tan nādr̥tyaṃ
Sentence: 3    yat sarped, r̥cam eva tat sāmno 'nuvartmānaṃ kuryād. ya enaṃ tatra brūyād:
   anuvartmā nvā ayaṃ hotā sāmagasyābʰūd, udgātari yaśo 'dʰād,
   acyoṣṭāyatanāc, cyoṣyata āyatanād iti, śaśvat tatʰā syāt
Sentence: 4    tasmāt tatraivāsīno 'numantrayeta
Sentence: 5    yo devānām iha somapītʰo yajñe barhiṣi vedyā+m \ tasyāpi bʰakṣayāmasīty
Sentence: 6    evam u hāsyātmā somapītʰād anantarito bʰavaty
Sentence: 7    atʰo brūyān: mukʰam asi mukʰam bʰūyāsām iti
Sentence: 8    mukʰaṃ vā etad yajñasya yad bahiṣpavamāno
Sentence: 9    mukʰaṃ sveṣu bʰavati, śreṣṭhaḥ svānām bʰavati ya evaṃ vedā/surī
Sentence: 10    vai Dirgʰajihvī devānām prātaḥsavanam avāleṭ, tad vyamādyat.
   te devāḥ prājijñāsanta, te Mitrāvaruṇāv abruvan:
   yuvam idaṃ niṣkurutam iti. tau tatʰety abrūtāṃ,
   tau vai vo varaṃ vr̥ṇāvahā iti. vr̥ṇātʰām iti. tāv etam eva varam avr̥ṇātām:
   prātaḥsavane payasyāṃ. sainayor eṣācyutā, varavr̥tā hy enāyos.
   tad yad asyai vimattam iva tad asyai samr̥ddʰaṃ,
   vimattam iva hi tau tayā nirakurutām



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.