TITUS
Rg-Veda: Aitareya-Brahmana
Part No. 53
Previous part

Paragraph: 23 


Sentence: 1    devānāṃ vai savanāni nādʰriyanta. ta etān puroḷāśān apaśyaṃs,
   tān anusavanaṃ niravapan savanānāṃ dʰr̥tyai,
   tato vai tāni teṣām adʰriyanta
Sentence: 2    tad yad anusavanam puroḷāśā nirupyante, savanānām eva dʰr̥tyai;
   tatʰā hi tāni teṣām adʰriyanta
Sentence: 3    puro vā etān devā akrata yat puroḷāśās, tat puroḷāśānām puroḷāśatvaṃ
Sentence: 4    tad āhur: anusavanam puroḷāśān nirvaped, aṣṭākapālam prātaḥsavana,
   ekādaśakapālam mādʰyaṃdine savane, dvādaśakapālaṃ tr̥tīyasavane;
   tatʰā hi savanānāṃ rūpaṃ tatʰā cʰandasām iti
Sentence: 5    tat-tan nādr̥tyam.
   aindrā vā ete sarve nirupyante yad anusavanam puroḷāsās,
   tasmāt tān ekādaśakapālān eva nirvapet
Sentence: 6    tad āhur:
   yato gʰr̥tenānaktaṃ syāt tataḥ puroḷāśasya prāśnīyāt somapītʰasya guptyai,
   gʰr̥tena hi vajreṇendro Vr̥tram ahann iti
Sentence: 7    tat-tan nādr̥tyaṃ. havir vā etad yad utpūtaṃ,
   somapītʰo vā eṣa yad utpūtaṃ. tasmāt tasya yata eva kutaś ca prāśnīyāt.
   sarvato vā etāḥ svadʰā yajamānam upakṣaranti yad etāni havīṃṣy:
   ājyaṃ dʰānāh karambʰaḥ parivāpaḥ puroḷāśaḥ payasyeti
Sentence: 8    sarvata evainaṃ svadʰā upakṣaranti ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.