TITUS
Rg-Veda: Aitareya-Brahmana
Part No. 56
Previous part

Paragraph: 26 


Sentence: 1    te vā ete prāṇā eva yad dvidevatyā
Sentence: 2    vāk ca prāṇaś caindravāyavaś, cakṣuś ca manaś ca maitrāvaruṇaḥ,
   śrotraṃ cātmā cāśvinās
Sentence: 3    tasya haitasyaindravāyavasyāpy eke 'nuṣṭubʰau
   puronuvākye kurvanti gāyatryau yājye
Sentence: 4    vāk ca vā eṣa prāṇāś ca graho yad aindravāyavas,
   tad api cʰandobʰyāṃ yatʰāyatʰaṃ klapsyete iti
Sentence: 5    tat-tan nādr̥tyaṃ. vyr̥ddʰaṃ vā etad yajñe kriyate
   yatra puronuvākyā jyāyasī yājyāyai.
   yatra vai yājyā jyāyasi, tat samr̥ddʰam, atʰo yatra sāme.
   yasyo tat kāmāya tatʰā kuryāt prāṇasya ca vācaś cātraiva tad upāptaṃ
Sentence: 6    vāyavyā pūrvā puronuvākyaindravāyavy uttaraivaṃ yājyayoḥ.
   sā yā vāyavyā tayā prāṇaṃ kalpayati, Vāyur hi prāṇo.
   'tʰa yaindravāyavī tasyai yad aindram padaṃ tena vācaṃ kalpayati,
   vāg gʰy aindry. upo taṃ kāmam āpnoti yaḥ prāṇe ca vāci ca,
   na yajñe viṣamaṃ karoti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.