TITUS
Rg-Veda: Aitareya-Brahmana
Part No. 57
Previous part

Paragraph: 27 


Sentence: 1    prāṇā vai dvidevatyā, ekapātrā gr̥hyante tasmāt prāṇā ekanāmāno,
   dvipātrā hūyante tasmāt prāṇā dvandvaṃ
Sentence: 2    yenaivādʰvaryur yajuṣā prayacʰati, tena hotā pratigr̥hṇāty
Sentence: 3    eṣa vāsuḥ purūvasur iha vasuḥ purūvasur mayi vasuḥ purūvasur
   vākpā vācam me pāhīty aindravāyavam bʰakṣayaty
Sentence: 4    upahūtā vāk saha prāṇenopa māṃ vāk saha prāṇena hvayatām;
   upahūtā r̥ṣayo daivyāsas tanūpāvānas tanvas tapojā,
   upa mām r̥ṣayo daivyāso hvayantāṃ tanūpāvānas tanvas tapojā iti
Sentence: 5    prāṇā vā r̥ṣayo daivyāsas tānūpāvānas tanvas tapojās,
   tān eva tad upahvayata
Sentence: 6    eṣa vasur vidadvasur iha vasur vidadvasur mayi vasur vidadvasuś
   cakṣuṣpāś cakṣur me pāhīti maitrāvaruṇam bʰakṣayaty.
   upahūtāṃ cakṣuḥ saha manasopa māṃ cakṣuḥ saha manasā hvayatām;
   upahūtā r̥ṣayo daivyāsas tanūpāvānas tanvas tapojā,
   upa mām r̥ṣayo daivyāso hvayantāṃ tanūpāvānas tanvas tapojā iti.
   prāṇā vā r̥ṣayo daivyāsas tanūpāvānas tanvas tapojās,
   tān eva tad upahvayata
Sentence: 7    eṣa vasuḥ saṃyadvasur iha vasuḥ saṃyadvasur mayi vasuḥ saṃyadvasuḥ
   śrotrāpāḥ śrotram me pāhīty āśvinām bʰakṣayaty.
   upahūtaṃ śrotraṃ sahātmanopa māṃ śrotraṃ sahātmanā hvayatām,
   upahūtā r̥ṣayo daivyāsas tanūpāvānas tanvas tapojā,
   upa mām r̥ṣayo daivyāso hvayantāṃ tanūpāvānas tanvas tapojā iti.
   prāṇā vā r̥ṣayo daivyāsas tanūpāvānas tanvas tapojās,
   tān eva tad upahvayate
Sentence: 8    purastāt pratyañcam aindravāyavam bʰakṣayati, tasmāt purastāt prāṇāpānau.
   purastāt pratyañcam maitrāvaruṇam bʰakṣayati, tasmāt purastāc cakṣuṣī.
   sarvataḥ parihāram āśvinam bʰakṣayati,
   tasmān manuṣyāś ca paśavaś ca sarvato vācaṃ vadantīṃ śr̥ṇvanti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.