TITUS
Rg-Veda: Aitareya-Brahmana
Part No. 58
Previous part

Paragraph: 28 


Sentence: 1    prāṇā vai dvidevatyā,
   anavānaṃ dvidevatyān yājet prāṇānāṃ saṃtatyai prāṇānām avyavacʰedāya
Sentence: 2    prāṇā vai dvidevatyā,
   na dvidevatyānām anuvaṣaṭkuryad
Sentence: 3    yad dvidevatyānām anuvaṣaṭkuryād asaṃstʰitān prāṇān saṃstʰāpayet,
   saṃstʰā vā eṣā yad anuvaṣaṭkāro. ya enaṃ tatra brūyād:
   asaṃstʰitan prāṇān samatiṣṭhipat prāṇa enam hāsyatīti,
   śaśvat tatʰā syāt. tasmān na dvidevatyānām anuvaṣaṭkuryāt
Sentence: 4    tad āhur: dvir āgūrya maitrāvaruṇo dviḥ preṣyati,
   sakr̥id āgūrya hotā dvir vaṣaṭkaroti: kā hotur āgūr iti
Sentence: 5    prāṇā vai dvidevatyā, āgūr vajras.
   tad yad hotāntareṇāguretāgurā vajreṇa yajamānasya prāṇān vīyād.
   ya enāṃ tatra brūyād:
   āgurā vājreṇa yajamānasya prāṇān vyagāt prāṇa enaṃ hāsyatīti,
   śaśvat tatʰā syāt. tasmāt tatra hotāntareṇa nāgureta/tʰo
Sentence: 6    mano vai yajñasya maitrāvaruṇo, vāg yajñasya hotā.
   manasā vā iṣitā vāg vadati; yāṃ hy anyamanā vācaṃ vadaty,
   asuryā vai sā vāg adevajuṣṭā. tad yad evātra maitrāvaruṇo dvir āgurate,
   saiva hotur āgūḥ



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.