TITUS
Rg-Veda: Aitareya-Brahmana
Part No. 59
Previous part

Paragraph: 29 


Sentence: 1    prāṇā vā r̥tuyājās. tad yad r̥tuyājaiś cāranti,
   prāṇān eva tad yajamāne dadʰati
Sentence: 2    ṣaḷ r̥tuneti yajanti, prāṇam eva tad yajamāne dadʰati
Sentence: 3    catvāra r̥tubʰir iti yajanty, apānam eva tad yajamāne dadʰati
Sentence: 4    dvir r̥tunety upariṣṭād, vyānam eva tad yajamāne dadʰati
Sentence: 5    sa vā ayam prāṇas tredʰā vihitaḥ: prāṇo 'pāno vyāna iti.
   tad yad r̥tuna r̥tubʰir r̥tuneti yajanti,
   prāṇānāṃ saṃtatyai prāṇānām avyavacʰedāya
Sentence: 6    prāṇā vā r̥tuyājā. nartuyājānām anuvaṣaṭkuryād,
   asaṃstʰitā vā r̥tava, ekaika eva
Sentence: 7    yad r̥tuyājānām anuvaṣaṭkuryād asāṃstʰitān r̥tūn saṃstʰāpayet,
   saṃstʰā vā eṣā yad anuvaṣaṭkāro. ya enaṃ tatra brūyād:
   asaṃstʰitān r̥tūn samatiṣṭhipad duṣṣamam bʰaviṣyatīti,
   śaśvat tatʰā syāt. tasmān nartuyājānām anuvaṣaṭkuryāt



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.