TITUS
Rg-Veda: Aitareya-Brahmana
Part No. 63
Previous part

Paragraph: 33 
{adʰyāya 10, kʰaṇḍaḥ 1-9}


Sentence: 1    brahma vā āhāvaḥ, kṣatraṃ nivid, viṭ sūktam.
   
āhivayate 'tʰa nividaṃ dadʰāti, brahmaṇy eva tat kṣatram anuniyunakti.
   
nividaṃ śastvā sūktaṃ śaṃsati. kṣatraṃ vai nivid viṭ sūktaṃ,
   
kṣatra eva tad viśam anuniyunakti
Sentence: 2    
yaṃ kāmayeta: kṣatreṇainaṃ vyardʰayānīti,
   
madʰya etasyai nividaḥ sūktaṃ śaṃset. kṣatraṃ vai nivid viṭ sūktaṃ,
   
kṣatreṇaivainaṃ tad vyardʰayati
Sentence: 3    
yaṃ kāmayeta: viśainaṃ vyardʰayānīti,
   
madʰya etasya sūktasya nividaṃ śaṃset. kṣatraṃ vai nivid viṭ sūktaṃ,
   
viśaivainaṃ tad vyardʰayati
Sentence: 4    
yam u kāmayeta: sarvam evāsya yatʰāpūrvam r̥ju kḷptaṃ syād ity,
   
āhvayetātʰa nividaṃ dadʰyād atʰa sūktaṃ śaṃset. so sarvasya kḷptiḥ
Sentence: 5    
Prajāpatir vā idam eka evāgra āsa. so 'kāmayata:
   
prajāyeya bʰūyān syām iti.
   
sa tapo 'tapyata, sa vācam ayacʰat,
   
sa saṃvatsarasya parastād vyāharad dvādaśakr̥tvo.
   
dvādaśapadā vā eṣā nivid, etāṃ vāva tāṃ nividaṃ vyāharat,
   
tām sarvāṇi bʰūtāny anvasr̥jyanta
Sentence: 6    
tad etad r̥ṣiḥ paśyann abʰyanūvāca:
   
sa pūrvayā nividā kavyatāyor imāḥ prajā ajanayan manūnām iti
Sentence: 7    
tad yad etām purastāt sūktasya nividaṃ dadʰāti, prajātyai
Sentence: 8    
prajāyate prajayā paśubʰir ya evaṃ veda



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.