TITUS
Rg-Veda: Aitareya-Brahmana
Part No. 64
Previous part

Paragraph: 34 


Sentence: 1    Agnir deveddʰa iti śaṃsaty. asau vā Agnir deveddʰa, etaṃ hi devā indʰata.
   etam eva tad etasmim̐l loka āyātayaty
Sentence: 2    Agnir manviddʰa iti śaṃsaty. ayaṃ vā Agnir manviddʰa,
   imaṃ hi manuṣyā indʰate. 'gnim eva tad asmim̐l loka āyātayaty
Sentence: 3    Agniḥ suṣamid iti śaṃsati.
   Vāyur vā Agniḥ suṣamid, Vāyur hi svayam ātmānaṃ saminddʰe svayam
   idaṃ sarvaṃ yad idaṃ kiṃca. Vāyum eva tad antarikṣaloka āyātayati
Sentence: 4    hotā devavr̥ta iti śaṃsaty. asau vai hotā devavr̥ta,
   eṣa hi sarvato devair vr̥ta, etam eva tad etasmim̐l loka āyātayati
Sentence: 5    hotā manuvr̥ta iti śaṃsaty. ayaṃ vā Agnir hotā manuvr̥to,
   'yaṃ hi sarvato manuṣyair vr̥to. 'gnim eva tad asmim̐l loka āyātayati
Sentence: 6    praṇīr yajñānām iti śaṃsati. Vāyur vai praṇīr yajñānāṃ.
   yadā hi prāṇity, atʰa yajño 'tʰāgnihotraṃ.
   Vāyum eva tad antarikṣaloka āyātayati
Sentence: 7    ratʰīr adʰvarāṇām iti śaṃsaty.
   asau vai ratʰīr adʰvarāṇām,
   eṣa hi yatʰaitac carati ratʰīr ivaitam eva tad etasmim̐l loka āyātayaty
Sentence: 8    atūrto hoteti śaṃsaty.
   ayaṃ vā Agnir atūrto hotemaṃ ha na kaś cana tiryañcaṃ taraty.
   Agnim eva tad asmim̐l loka āyātayati
Sentence: 9    tūrṇir havyavāḷ iti śaṃsati.
   Vāyur vai tūrṇir havyavāḍ, Vāyur hīdaṃ sarvam sadyas tarati
   yad idaṃ kiṃca, Vāyur devebʰyo havyaṃ vahati.
   Vāyum eva tad autarikṣaloka āyātayaty
Sentence: 10    ā devo devān vakṣad iti śaṃsaty. asau vai devo devān āvahaty,
   etam eva tad etasmim̐l loka āyātayati
Sentence: 11    yakṣad Agnir devo devān iti śaṃsaty.
   ayaṃ vā Agnir devo devān yajaty, Agnim eva tad asmim̐l loka āyātayati
Sentence: 12    so 'dʰvarā karati jātavedā iti śaṃsati.
   Vāyur vai jātavedā, Vāyur hīdaṃ sārvaṃ karoti yad idaṃ kiṃca.
   Vāyum eva tad antarikṣaloka āyātayati



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.