TITUS
Rg-Veda: Aitareya-Brahmana
Part No. 66
Previous part

Paragraph: 36 


Sentence: 1    devāsurā vā eṣu lokeṣu samayatanta.
   te vai devāḥ sada evāyatanam akurvata, tān sadaso 'jayaṃs.
   ta āgnīdʰraṃ samprāpadyanta, te tato na parājayanta.
   tasmād āgnīdʰra upavasanti na sadasy, āgnīdʰre hy adʰārayanta.
   yad āgnīdʰre 'dʰārayanta tad āgnīdʰrasyāgnīdʰratvaṃ
Sentence: 2    teṣāṃ vai devānām asurāḥ sadasyān agnīn nirvāpayāṃ cakrus.
   te devā āgnīdʰrād eva sadasyān agnīn viharanta,
   tair asurarakṣāṃsy apāgʰnata.
   tatʰaivaitad yajamānā āgnīdʰrād eva sadasyān agnīn viharanty,
   asurarakṣāṃsy eva tad apagʰnate
Sentence: 3    te vai prātar ājyair evājayanta āyan.
   yad ājyair evājayanta āyaṃs tad ājyānām ājyatvaṃ
Sentence: 4    tāsāṃ vai hotrāṇām āyatīnām ājayantīnām acʰāvākīyāhīyata.
   tasyām Indrāgnī adʰyāstām.
   Indrāgnī vai devānām ojiṣṭhau baliṣṭhau sahiṣṭhau sattamau
   pārayiṣṇutamau. tasmād aindrāgnam acʰāvākaḥ prātaḥsavane
   śaṃsatīndragnī hi tasyām adʰyāstāṃ
Sentence: 5    tasmād u purastād anye hotrakāḥ sadaḥ prasarpanti paścācʰāvākaḥ,
   paśceva hi hīno 'nusaṃjigamiṣati
Sentence: 6    tasmād yo brāhmaṇo bahvr̥co vīryavān syāt so 'syācʰāvākīyāṃ kuryāt,
   tenaiva sāhīnā bʰavati



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.