TITUS
Rg-Veda: Aitareya-Brahmana
Part No. 67
Previous part

Paragraph: 37 


Sentence: 1    devaratʰo vā eṣa yad yajñas, tasyaitāv antarau raśmī yad ājyapraüge.
   tad yad ājyena pavamānam anuśaṃsati praügeṇājyaṃ,
   devaratʰasyaiva tad antarau raśmī viharaty alobʰāya
Sentence: 2    tām anukr̥tim manuṣyaratʰasyaivāntarau raśmī viharanty alobʰāya
Sentence: 3    nāsya devaratʰo lubʰyati na manuṣyaratʰo ya evaṃ veda
Sentence: 4    tad āhur: yatʰā vāva stotram evaṃ śastram. pāvamānīṣu sāmagāḥ stuvata,
   āgneyaṃ hotājyaṃ śaṃsati: katʰam asya pāvamānyo 'nuśastā bʰavantīti
Sentence: 5    yo vā Agniḥ sa Pavamānas
Sentence: 6    tad apy etad r̥ṣiṇoktam: agnir r̥ṣiḥ pavamāna ity
Sentence: 7    evam u hāsyāgneyībʰir eva pratipadyamānasya pāvamānyo 'nuśastā bʰavanti
Sentence: 8    tād āhur: yatʰā vāva stotram evaṃ śastraṃ.
   gāyatrīṣu sāmagāḥ stuvata, ānuṣṭubʰaṃ hotājyaṃ śaṃsati:
   katʰam asya gāyatryo 'nuśastā bʰavantīti
Sentence: 9    sampadeti brūyat
Sentence: 10    saptaitā anunṣṭubʰas, tās triḥ pratʰamayā trir uttamayaikādaśa bʰavanti.
   virād. yājyā dvādaśī. na vā ekenākṣareṇa cʰandāṃsi viyanti na dvābʰyāṃ.
   tāḥ ṣoḷaśa gāyatryo bʰavanty
Sentence: 11    evam u hāsyānuṣṭubbʰir eva pratipadyamānasya gāyatryo 'nuśastā bʰavanty
Sentence: 12    agna indraś ca dāśuṣo duroṇa ity āgnendryā yajati
Sentence: 13    na vā etāv Indrāgnī santau vyajayetām,
   āgnendrau vā etau santau vyajayetāṃ.
   tad yad āgnendryā yajati, vijityā eva
Sentence: 14    sā virāṭ trayastriṃsadakṣara bʰavati. trayastriṃśad vai devā:
   aṣṭau Vasava, ekādaśa Rudrā, dvādaśādityāḥ, Prajāpatiś ca Vaṣaṭkāraś ca.
   tat pratʰama uktʰamukʰe devatā akṣarabʰājaḥ karoty,
   akṣaram-akṣaram eva tad devatā anuprapibanti,
   devapātreṇaiva tad devatās tr̥pyanti
Sentence: 15    tad āhur: yatʰā vāva śastram evaṃ yājyāgneyaṃ hotājyaṃ śaṃsaty,
   atʰa kasmād āgnendryā yajatīti
Sentence: 16    yā vā āgnendry aindrāgnī vai sā,
   sendrāgnam etad uktʰaṃ graheṇa ca tūṣṇīṃśaṃsena ce/ndrāgnī
Sentence: 17    ā gataṃ sutaṃ gīrbʰir nabʰo vareṇyam \
   asya pātaṃ dʰiyeṣitety aindrāgnam adʰvaryur grāhaṃ gr̥hṇāti,
   bʰūr Agnir jyotir jyotir Agnir Indro jyotir bʰuvo jyotir Indraḥ Sūryo
   jyotir jyotiḥ svaḥ Sūrya iti hotā tūṣṇīṃśaṃsaṃ śaṃsati:
   tad yatʰaiva śastram evaṃ yājyā



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.