TITUS
Rg-Veda: Aitareya-Brahmana
Part No. 68
Previous part

Paragraph: 38 


Sentence: 1    ḥotr̥japaṃ japati, retas tat siñcaty
Sentence: 2    upāṃśu japaty, upāṃśv iva vai retasaḥ siktiḥ
Sentence: 3    purāhāvāj japati. yad vai kimcordʰvam āhāvāc, cʰastrasyaiva tat
Sentence: 4    parāñcaṃ catuṣpady āsīnam abʰyāhvayate,
   tasmāt parāñco bʰūtvā catuṣpādo retaḥ siñcanti
Sentence: 5    samyaṅ dvipād bʰavati, tasmāt samyañco bʰūtvā dvipādo retaḥ siñcanti
Sentence: 6    pitā Mātariśvety āha.
   prāṇo vai pitā prāṇo Mātariśvā prāṇo reto, retas tat siñcaty
Sentence: 7    acʰidrā padā dʰā iti. reto vā acʰidram, āto hy acʰidraḥ sambʰavaty
Sentence: 8    acʰidroktʰā kavayaḥ śaṃsann iti. ye vā anūcānās te kavayas,
   ta idam acʰidraṃ retaḥ prajanayann ity eva tad āha
Sentence: 9    somo viśvavin nītʰāni neṣad br̥haspatir uktʰāmadāni śaṃsiṣad iti.
   brahma vai Br̥haspatiḥ, kṣatraṃ Somaḥ,
   stutaśastrāṇi nītʰāni coktʰamadāni ca.
   daivena caivaitad brahmaṇā prasūto daivena ca kṣatreṇoktʰāni śaṃsaty
Sentence: 10    etau ha vā asya sarvasya prasavasyeśāte yad idaṃ kiṃca
Sentence: 11    tad yad etābʰyām aprasūtaḥ karoty, akr̥taṃ tad.
   akr̥tam akar iti vai nindanti
Sentence: 12    kr̥tam asya kr̥tam bʰavati, nāsyākr̥taṃ kr̥tam bʰavati ya evaṃ veda
Sentence: 13    vāg āyur viśvāyur viśvam āyur ity āha.
   prāṇo vā āyuḥ, prāṇo reto, vāg yonir; yoniṃ tad upasaṃdʰāya retaḥ siñcati
Sentence: 14    ka idaṃ śaṃsiṣyati saidaṃ śaṃsiṣyatīty āha.
   Prajāpatir vai kaḥ, Prajāpatiḥ prajanayiṣyatīty eva tad āha



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.