TITUS
Rg-Veda: Aitareya-Brahmana
Part No. 69
Previous part

Paragraph: 39 


Sentence: 1    āhūya tūṣṇīṃśaṃsaṃ śaṃsati, retas tat siktam vikaroti.
   siktir vā agre 'tʰa vikr̥tir
Sentence: 2    upāṃśu tūṣṇīṃśaṃsaṃ śaṃsaty, upāṃśv iva vai retasaḥ siktis
Sentence: 3    tira iva tūṣṇīṃśaṃsaṃ śaṃsati, tira iva vai retāṃsi vikriyante
Sentence: 4    ṣaṭpadaṃ tūṣṇīṃśaṃsaṃ śaṃsati. ṣaḍvidʰo vai puruṣaḥ ṣaḷaṅga,
   ātmānam eva tat ṣaḍvidʰaṃ ṣaḷaṅgaṃ vikaroti
Sentence: 5    tuṣṇīṃśaṃsaṃ śastvā purorucaṃ śaṃsati, retas tad vikr̥tam prajanayati.
   vikr̥tir vā agre 'tʰa jātir
Sentence: 6    uccaiḥ purorucaṃ śaṃsaty, uccair evainaṃ tat prajanayati
Sentence: 7    dvādaśapadām purorucāṃ śaṃsati.
   dvādaśa vai māsāḥ saṃvatsaraḥ, saṃvatsaraḥ Prajāpatiḥ,
   so 'sya sarvasya prajanayitā.
   sa yo 'sya sarvasya prajanayitā,
   sa evainaṃ tat prajayā paśubʰiḥ prajanayati prajātyai
Sentence: 8    prajāyate prajayā paśubʰir ya evaṃ veda
Sentence: 9    jātavedasyām purorucaṃ śaṃsati jātavedonyaṅgāṃ
Sentence: 10    tad āhur: yat tr̥tīyasavanam eva jātavedasa āyatanam,
   atʰa kasmāt prātaḥsavane jātavedasyām purorucaṃ śaṃsatīti
Sentence: 11    prāṇo vai jātavedāḥ, sa hi jātānāṃ veda.
   yāvatāṃ vai sa jātānāṃ veda te bʰavantʰi,
   yeṣām u na veda kim u te syur.
   yo vā ājya ātmasaṃskr̥tiṃ veda, tat suviditam



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.