TITUS
Rg-Veda: Aitareya-Brahmana
Part No. 70
Previous part

Paragraph: 40 


Sentence: 1    pra vo devāyāgnaya iti śaṃsati. prāṇo vai pra,
   prāṇaṃ hīmāni sarvāṇi bʰūtāny anuprayanti.
   prāṇam eva tat sambʰāvayati, praṇaṃ saṃskurute
Sentence: 2    dīdivaṃsam apūrvyam iti śaṃsati.
   mano vai dīdāya, manāso hi na kiṃ cana pūrvam asti.
   mana eva tat sambʰāvayati, manaḥ saṃskurute
Sentence: 3    sa naḥ śarmāṇi vītaya iti śaṃsati.
   vāg vai śarma, tasmād vācānuvadantam āha:
   śarmavad āsmā ayāṃsīti.
   vācam eva tat sambʰāvayati, vācaṃ saṃskuruta
Sentence: 4    uta no brahmann aviṣa iti śaṃsati.
   śrotraṃ vai brahma, śrotreṇo hi brahma śr̥ṇoti,
   śrotre brahma pratiṣṭhitaṃ.
   śrotram eva tat sambʰāvayati,
   śrotraṃ saṃskurute
Sentence: 5    sa yantā vipra eṣām iti śaṃsaty.
   apāno vai yantāpānena hy ayaṃ yataḥ prāṇo na parāṅ bʰavaty.
   apānam eva tat sambʰāvayaty, apānaṃ saṃskuruta
Sentence: 6    r̥tāvā yasya rodasī iti śaṃsati.
   cakṣur vā r̥taṃ.
   tasmād yataro vivadamānayor āhāham anusṭhyā cakṣuṣādarśam iti,
   tasya śrad dadʰati.
   cakṣur eva tat sambʰāvayati, cakṣuḥ saṃskurute
Sentence: 7    nū no rāsva sahasravat tokavat puṣṭimad vasv ity uttamayā paridadʰāty.
   ātmā vai samastaḥ sahasravāṃs tokavān puṣṭimān.
   ātmānam eva tat samastaṃ sambʰāvayaty, ātmānaṃ samastaṃ saṃskurute
Sentence: 8    yājyayā yajati. prattir vai yājyā, puṇyaiva lakṣmīḥ.
   puṇyām eva tal lakṣmīṃ sambʰāvayati, puṇyāṃ lakṣmīṃ saṃskurute
Sentence: 9    sa evaṃ vidvāṃś cʰandomayo devatāmayo brahmamayo 'mr̥tamayaḥ
   sambʰūya devatā apyeti ya evaṃ veda
Sentence: 10    yo vai tad veda yatʰā cʰandomayo devatāmayo brahmamayo 'mr̥tamayaḥ
   sambʰūyo devatā apyeti, tat suviditam
Sentence: 11    ity adʰyātmam, atʰādʰidaivatam



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.