TITUS
Rg-Veda: Aitareya-Brahmana
Part No. 71
Previous part

Paragraph: 41 


Sentence: 1    ṣaṭpadaṃ tūṣṇīṃśaṃsaṃ śaṃsati. ṣaḍ vā r̥tava.
   r̥tūn eva tat kalpayaty, r̥tūn apyeti
Sentence: 2    dvādaśapadām purorucaṃ śaṃsāti. dvādaśa vai māsā.
   māsān eva tāt kalpayati, māsān apyeti
Sentence: 3    pra vo devāyāgnaya iti śaṃsaty.
   antarikṣaṃ vai prāntarikṣaṃ hīmāni sarvāṇi bʰūtāny anuprayanty.
   antarikṣam eva tat kalpayaty, antarikṣam apyeti
Sentence: 4    dīdivāṃsam apūrvyam iti śaṃsaty.
   asau vai dīdaya yo 'sau tapaty, etasmād dʰi na kiṃ cana pūrvam asty.
   etam eva tat kalpayaty, etam apyeti
Sentence: 5    sa naḥ śarmāṇi vītaya iti śaṃsaty.
   Agnir vai śarmāny annādyāni yacʰaty.
   Agnim eva tat kalpayaty, Agnim apyety
Sentence: 6    u ta no brahmann aviṣa iti śaṃsati. candramā vai brahma.
   candramasam eva tat kalpayati, candramasam apyeti
Sentence: 7    sa yantā vipra eṣām iti śaṃsati.
   Vāyur vai yantā, Vāyunā hīdaṃ yatam antarikṣaṃ na samr̥cʰati.
   Vāyum eva tat kalpayati, Vāyum apyety
Sentence: 8    r̥tāvā yasya rodasī iti śaṃsati. dyāvāpr̥tʰivī vai rodasī.
   dyāvāpr̥tʰivī eva tat kalpayati, dyāvāpr̥tʰivī apyeti
Sentence: 9    nū no rāsvo sahasravat tokavat puṣṭimad vasv ity uttamayā paridadʰāti.
   saṃvatsaro vai samastaḥ sahasravāṃs tokavān puṣṭimān.
   saṃvatsaram eva tat samastaṃ kalpayati, saṃvatsaraṃ samastam apyeti
Sentence: 10    yājyayā yajati. vr̥ṣṭir vai yājyā vidyud eva,
   vidyud dʰīdaṃ vr̥ṣṭim annādyaṃ samprayacʰati.
   vidyutam eva tat kalpayati, vidyutam apyeti
Sentence: 11    sa evaṃ vidvān etanmayo devatāmayo bʰavati bʰavati




Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.